• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪಿತಾಮಹ ಎನ್ ಡಿ ತಿವಾರಿ ಸಿಕ್ಕಾಪಟ್ಟೆ ಆ್ಯಕ್ಟಿವ್ ಆಗಿದ್ದಾರೆ!

By Srinath
|

ನವದೆಹಲಿ, ನ.9: ಪಿತಾಮಹ ಎನ್ ಡಿ ತಿವಾರಿ ಸಿಕ್ಕಾಪಟ್ಟೆ ಆ್ಯಕ್ಟಿವ್ ಆಗಿದ್ದಾರೆ! ತಿವಾರಿಯ ಇತಿಹಾಸ ಬಲ್ಲ ನೀವು ಯಾವುದರಲ್ಲಿ ಅವರು ಬ್ಯುಸಿಯಾಗಿದ್ದಾರೆ ಎಂದು ಕೇಳಬೇಡಿ.

ಕಾಂಗ್ರೆಸ್ಸಿನ ಈ ವಯೋವೃದ್ಧ ನಾಯಕ ರಾಜಕೀಯವಾಗಿ ತುಂಬಾ ಚಟುವಟಿಕೆಯಿಂದ ಕಾರ್ಯಮಗ್ನರಾಗಿದ್ದಾರೆ.

'ಸೆಕ್ಸ್ ಸ್ಕ್ಯಾಂಡೆಲ್'ನಲ್ಲಿ ಮುಳುಗಿ ಆಂಧ್ರಪ್ರದೇಶದ ರಾಜಭವನದಿಂದ ಹೊರಬಿದ್ದ ನಂತರ ತಿವಾರಿ ವೈಯಕ್ತಿಕ ನೆಲೆಯಲ್ಲಿ ಭಾರಿ ಮುಜುಗರ/ಸೋಲನ್ನು ಅನುಭವಿಸಿದ್ದರು. ಜನ್ಮ ನೀಡಿದ್ದ ಮಗನಿಗೆ ನಾನು ನಿನ್ನಪ್ಪನಲ್ಲ ಎಂದು ಗೋಳಾಡಿಸಿದ್ದರು. ಆದರೆ ಕೋರ್ಟಿನಲ್ಲೇ ಪ್ರಕರಣ ಇತ್ಯರ್ಥವಾಗಿ ತಿವಾರಿ ಸೋಲುಂಡಿದ್ದರು. ಇಂತಿಪ್ಪ ತಿವಾರಿ ಈಗ ಜನಪರ ಕಾರ್ಯಗಳಲ್ಲಿ ಮುಳುಗಿದ್ದಾರೆ.

ಉತ್ತರ ಪ್ರದೇಶದ ಈ ವಯೋವೃದ್ಧ ನಾಯಕನನ್ನು ಈಗ ಮುಲಾಯಂ ಸಿಂಗ್ ಬಿಗಿದಪ್ಪಿಕೊಂಡಿದ್ದಾರೆ. ರಾಜ್ಯ ಯೋಜನಾ ಆಯೋಗದ ಉಪಾಧ್ಯಕ್ಷರನ್ನಾಗಿ ತಿವಾರಿಯನ್ನು ನೇಮಿಸಿದ್ದಾರೆ.

ಇತ್ತೀಚೆಗೆ ಕೇಂದ್ರ ಸಂಪುಟದಲ್ಲಿ ವಯಸ್ಸಾದವರನ್ನು ಮನೆಗೆ ಕಳಿಸಿ, ನವಚೈತನ್ಯ ತುಂಬಿಕೊಂಡಿದ್ದ ಕಾಂಗ್ರೆಸ್ ಪಕ್ಷವು ತಿವಾರಿಗಾಗಿ ಮಣೆ ಹಾಕಿಸಿರುವುದು ಕುತೂಹಲಕಾರಿಯಾಗಿದೆ. ಇದನ್ನು ಕೇಳಿಸಿಕೊಂಡ ಕರ್ನಾಟಕದ ಕಾಂಗ್ರೆಸ್ ಮಂದಿ 'ನೋಡ್ತಿರಿ ನಮ್ಮ ಎಸ್ಎಂ ಕೃಷ್ಣ ಅವರೂ ಅಷ್ಟೇ ಮೊದಲು ಪಕ್ಷವನ್ನು ಅಧಿಕಾರಕ್ಕೆ ತಂದು, ಆ ನಂತರ ಕೇಂದ್ರವಷ್ಟೇ ಏಕೆ, ವಿದೇಶದಿಂದಲೂ (ಮಾಜಿ ವಿದೇಶಾಂಗ ಸಚಿವರಾಗಿ) ಹಣ ತಂದು ಕರ್ನಾಟಕವನ್ನು ಸುಭಿಕ್ಷ ರಾಜ್ಯವನ್ನಾಗಿಸುತ್ತಾರೆ' ಎಂದು ಹೇಳುತ್ತಿದ್ದಾರೆ.

ಮತ್ತೆ ತಿವಾಋಇ ಮಾತಿಗೆ ಬಂದರೆ... ನಿವೃತ್ತಿಯ ಮಾತೇ ಇಲ್ಲ ಎನ್ನುತ್ತಿರುವ ಅವರು ಉತ್ತರ ಪ್ರದೇಶದ ಜನತೆಗಾಗಿ ಇನ್ನೂ ಹೆಚ್ಚು ಕ್ರಿಯಾಶೀಲರಾಗಿದ್ದಾರೆ. 'ತಿವಾರಿ ಅವರಿಂದ ನಾವು ಕಲಿಯುವುದು ಬಹಳಷ್ಟಿದೆ' ಎಂದು ನಗೆಯಾಡುವ ಮುಲಾಯಂ, ರಾಜ್ಯದ ಅಭಿವೃದ್ಧಿ ವಿಚಾರದ ಬಗ್ಗೆ ತಿವಾರಿ ಅವರ ಸಂಪರ್ಕದಲ್ಲಿರುವುದಾಗಿ ಹೇಳುತ್ತಾರೆ.

ಇನ್ನು ಕೇಂದ್ರದ ನಾಯಕರಾದ ನಾಗರಿಕ ವಿಮಾನ ಖಾತೆ ಸಚಿವ ಅಜಿತ್ ಸಿಂಗ್ ಅವರಿಗೆ ಪತ್ರ ಬರೆದಿರುವ ತಿವಾರಿ ಅವರು ಉತ್ತರಕಂಡಕ್ಕೆ ತಕ್ಷಣ ಹೆಚ್ಚಿನ ವಿಮಾನ ಸಂಚಾರಗಳನ್ನು ಕಲ್ಪಿಸಬೇಕು ಎಂದು ಗುಡುಗಿದ್ದಾರೆ. ಡೆಹ್ರಾಡೂನ್ ಮತ್ತು ಲಖ್ನೋ ಮಧ್ಯೆ ವಿಮಾನ ಹಾರಾಟಗಳು ಹೆಚ್ಚಾಗಲಿ ಎಂದು ಅವರು ಆಶಿಸಿದ್ದಾರೆ.

ಪರಿಸರ ಖಾತೆ ಸಚಿವೆ ಜಯಂತಿ ನಟರಾಜನ್ ಅವರನ್ನು ತರಾಟೆಗೆ ತೆಗೆದುಕೊಂಡಿರುವ ತಿವಾರಿಜೀ, ಉತ್ತರಾಕಂಡದಲ್ಲಿ 90 ಪರಿಸರ ಸಂಬಂಧಿ ಯೋಜನೆಗಳು ಕಾರ್ಯಗತವಾಗದೆ ಸೊರಗುತ್ತಿವೆ. ಭಾರತೀಯ ವನ್ಯಜೀವಿ ಸಂಸ್ಥೆ ಮತ್ತು ರಾಜ್ಯ ಸರಕಾರದ ನಡುವೆ ಸಹಕಾರವೇ ಇಲ್ಲವಾಗಿದೆ. ಈ ನಿಟ್ಟಿನಲ್ಲಿ ಎಚ್ಚೆತ್ತುಕೊಳ್ಳಿ ಎಂದು ಜಯಂತಿ ಅವರಿಗೆ ತಿವಾರಿ ತಾಕೀತು ಮಾಡಿದ್ದಾರೆ. ಸಾಧ್ಯವಾದರೆ ನೀವೇ ಒಮ್ಮೆ ಇಲ್ಲಿಗೆ ಬಂದು ನೋಡಿಕೊಮಡು ಹೋಗಿ ಎಂದೂ ಅಲವತ್ತುಕೊಂಡಿದ್ದಾರೆ.

ಇನ್ನು ಹುಲಿ ಗಣತಿಯನ್ನೂ ಕೈಗೆತ್ತಿಕೊಳ್ಳುವಂತೆ ಪರಿಸರ ಸಚಿವಾಲಯದೆದುರು ಬೇಡಿಕೆಯಿಟ್ಟಿದ್ದಾರೆ. ಉತ್ತರಪ್ರದೇಶದ ಮಾಜಿ ಮುಖ್ಯಮಂತ್ರಿ ತಿವಾರಿ ಅವರ ಈ ಬೇಡಿಕೆಗಳ ಪೈಕಿ ಎಷ್ಟು ಕಾರ್ಯಗತವಾಗುತ್ತವೋ ಗೊತ್ತಿಲ್ಲ, ಆದರೆ ತಿವಾರಿ ಬದುಕಿನ ಇಳಿವಯಸ್ಸಿನಲ್ಲೂ ಜನಪರವಾಗಿರುವುದು ಕುತೂಹಲಕಾರಿಯಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
ND Tiwari gets hyperactive advises UP government. Former Andhra Pradesh governor ND Tiwari clearly does not subscribe to any retirement plans from public life. Tiwari who left Andhra Pradesh Raj Bhavan, under a cloud of a sex scandal and recently lost a paternity suit against him, met with Samajwadi Party leader Mulayam Singh Yadav, and was asked by him to advise Uttar Pradesh's planning commission on policy.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more