Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇವರದು 87 ವರ್ಷದ ದಾಂಪತ್ಯ: ತುಂಟ ನಗೆ ಮಾಸಿಲ್ಲ
ಪಂಜಾಬ್, ನ.2: ಪ್ರೀತಿ-ಪ್ರೇಮದಲ್ಲಿ ಮಿಂದು ದಾಂಪತ್ಯವನ್ನು ಸುದೀರ್ಘ ಕಾಲ ಉಳಿಸಿಕೊಳ್ಳುವ ಮಾತು ಹಾಗಿರಲಿ ಪ್ರೇಮದ ಕಾವು ಆರುವ ಮುನ್ನವೇ ಪ್ರೇಮಿಯನ್ನು ಪರಲೋಕಕ್ಕೆ ಪಾರ್ಸೆಲ್ ಮಾಡುವ ಇಂದಿನ ದಿನಗಳಲ್ಲಿ ಪಂಜಾಬಿನ ಜೋಡಿಯೊಂದು 87 ವರ್ಷ ಕಾಲ ತನ್ನ ದಾಂಪತ್ಯವನ್ನು ಪೋಷಿಸಿಕೊಂಡು ಬಂದಿದೆ. ಮತ್ತು ಈ ಜೋಡಿಯ ಮುಖದ ಮೇಲಿನ ತುಂಟ ನಗೆ ಇನ್ನೂ ಮಾಸಿಲ್ಲ!
ಅಮರ ಪ್ರೇಮಕ್ಕೆ ಮಾದರಿಯಾಗಬಹುದಾದ ಈ ಅನುರೂಪದ ದಂಪತಿ ಸದ್ಯ ಲಂಡನ್ನಿನಲ್ಲಿ (Bradford) ಜೀವಿಸುತ್ತಿದ್ದಾರೆ. ಕರಮ್ ಚಂದ್ (107) ಮತ್ತು ಕಟಾರಿ ಚಾಂದ್ (100) ದಂಪತಿ ಈಗ ವಿಶ್ವದಲ್ಲಿ ಅತಿ ದೀರ್ಘ ಕಾಲ ದಾಂಪತ್ಯವನ್ನು ಪೊರೆದ ದಾಖಲೆಗೆ ಪಾತ್ರರಾಗಿದ್ದಾರೆ. ಇವರ ದಾಂಪತ್ಯಕ್ಕೆ ಬರೋಬ್ಬರಿ 87 ವರ್ಷ ಆಯಸ್ಸು.
ಈ ಹಿಂದಿನ ಗಿನ್ನಿಸ್ ವಿಶ್ವ ದಾಖಲೆ ಹೊಂದಿರುವ ದಾಂಪತ್ಯದ ಅವಧಿಗಿಂತ ಇವರದು ಈಗಾಗಲೇ ಇನ್ನೂ ಐದು ವರ್ಷ ಹೆಚ್ಚಾಗಿದೆ. ಇವರ ದಾಖಲೆಯ ದಾಂಪತ್ಯಕ್ಕೆ ಸಾಕ್ಷಿಯಾಗಿ 8 ಮಕ್ಕಳು ಮತ್ತು 28 ಮೊಮ್ಮಕ್ಕಳು ಇದ್ದಾರೆ.
ಅಂದಹಾಗೆ, 1925ರಲ್ಲಿ ಒಂದು ಶುಭ ಘಳಿಗೆಯಲ್ಲಿ ಈ ಜೋಡಿ ಸಪ್ತಪದಿ ತುಳಿದಿತ್ತು. ಈ ಜೋಡಿ ಮತ್ತು ಇವರ ದಾಂಪತ್ಯ ಇಂದಿನ ಪಡ್ಡೆಗಳಿಗೆ ಮಾದರಿಯಾಗುವಂತೆ ಇನ್ನೂ ಗಟ್ಟಿಮುಟ್ಟಿಯಾಗಿದೆ (ಮತ್ತೊಮ್ಮೆ ಚಿತ್ರ ನೋಡಿ). ಒಬ್ಬರಿಗೊಬ್ಬರು ಎಲ್ಲ ವಿಷಯಗಳಲ್ಲೂ ಅನ್ಯೋನ್ಯವಾಗಿರುವುದು ಈ ಸುದೀರ್ಘ ದಾಂಪತ್ಯದ ಹೆಗ್ಗಳಿಕೆ ಮತ್ತು ಗುಟ್ಟು.
