• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ದ್ವೇಷದಿಂದ ಹಾವು ಕಂಡಕಂಡವರಿಗೆ ಕಚ್ಚುತ್ತಿದೆಯಂತೆ!

By Prasad
|

ಹುಮ್ನಾಬಾದ್ (ಬೀದರ್), ಸೆ. 29 : ಹಾವಿಗೆ ಹನ್ನೆರಡು ವರ್ಷಗಳ ಕಾಲ ದ್ವೇಷ ಸಾಧಿಸುವಷ್ಟು ಜಿದ್ದು ಇರುತ್ತದಾ? ತನಗೆ ತೊಂದರೆ ನೀಡಿದವರನ್ನು ನೆನಪಿಟ್ಟುಕೊಂಡು ಕಡಿಯುವಷ್ಟು ನೆನಪಿನ ಶಕ್ತಿ ಇರುತ್ತದಾ? ಕಿಡಿಗೇಡಿಗಳ ಕೆಲಸವಾ? ಅಥವಾ ಜನರೇ ಸಮೂಹ ಸನ್ನಿಗೆ ಒಳಗಾದವರಂತೆ ವರ್ತಿಸುತ್ತಿದ್ದಾರಾ?

ಈ ಎಲ್ಲ ಪ್ರಶ್ನೆಗಳಿಗೆ ನಿಖರವಾದ ಉತ್ತರ ಸಿಕ್ಕಿಲ್ಲ. ಆದರೆ, ಬೀದರ್ ಜಿಲ್ಲೆಯ ಹುಮ್ನಾಬಾದ್ ತಾಲೂಕಿನ ಮೀನಕೇರಾ ಎಂಬ ಗ್ರಾಮದಲ್ಲಿ ದಲಿತ ಕೇರಿಯ 25ಕ್ಕೂ ಹೆಚ್ಚು ಜನರು ಹಾವಿನ ಕಡಿತಕ್ಕೊಳಗಾಗಿದ್ದಾರೆ. ಹಾವು ನಾಗರವಾವಾ ಅಥವಾ ಕೆರೆ ಹಾವಾ? ಹಾವು ದಲಿತರ ಕೇರಿಯಲ್ಲಿ ಜನರಿಗೇ ಏಕೆ ಕಚ್ಚುತ್ತಿದೆ? ಹಾವು ಯಾರ ಕಣ್ಣಿಗೂ ಏಕೆ ಬಿದ್ದಿಲ್ಲ? ಎಂಬ ಪ್ರಶ್ನೆಗಳಿಗೆ ಕೂಡ ಉತ್ತರ ದಕ್ಕಿಲ್ಲ.

ಒಟ್ಟಿನಲ್ಲಿ, ಜನರು ಹಾವಿನ ಕಡಿತಕ್ಕೊಳಗಾಗುತ್ತಿದ್ದಾರೆ ಎಂಬ ಸುದ್ದಿ ಜ್ವರದಂತೆ ಹಬ್ಬುತ್ತಿದೆ. ಮೀನಕೇರಾ ಗ್ರಾಮದ ಪಕ್ಕದಲ್ಲಿರುವ ಚಾಂಗಲೇರಾ ಎಂಬ ಹಳ್ಳಿಯಲ್ಲಿ ದೊರೆಯುತ್ತಿರುವ ಮದ್ದು ಸೇವಿಸಿ ಇವರೆಲ್ಲ ಜೀವ ಉಳಿಸಿಕೊಂಡಿದ್ದಾರೆ. ಈ ವಿದ್ಯಮಾನದಿಂದಾಗಿ ಗ್ರಾಮದ ಜನರೆಲ್ಲ ರಾತ್ರಿ ನಿದ್ದೆಯಿಲ್ಲದೆ ಕಾಲ ಕಳೆಯುವಂತಾಗಿದೆ.

ಇದು ಹಾವಿನ ಕಡಿತವಲ್ಲ, ಯಾರೋ ಕಿಡಿಗೇಡಿಗಳು ಮಾಡಿರುವ ಕೃತ್ಯ ಎಂದೂ ಕೆಲವರು ಹೇಳುತ್ತಿದ್ದಾರೆ. ಆದರೆ, ಕಡಿಸಿಕೊಂಡವರು ಮಾತ್ರ ಈ ಮಾತನ್ನು ಒಪ್ಪಲು ತಯಾರಿಲ್ಲ. ಹಿಂದೆ ಮಾಡಿದ ತಪ್ಪಿಗಾಗಿ ಹಾವುಗಳು ತಮ್ಮ ವಿರುದ್ಧ ಸೇಡು ತೀರಿಸಿಕೊಳ್ಳುತ್ತಿವೆ ಎಂದು ಬಲವಾಗಿ ನಂಬಿದ್ದಾರೆ. ರಾತ್ರಿ ಸಮಯದಲ್ಲಿ ಮಲಗಲು ಮತ್ತು ಹೊಲಗದ್ದೆಗಳಿಗೆ ಹೋಗಲು ಹಿಂಜರಿಯುತ್ತಿದ್ದಾರೆ.

ಇದಕ್ಕೆ ಕಾರಣವೇನು? : ಗ್ರಾಮಸ್ಥರ ಪ್ರಕಾರ, ಈಗಿರುವ ದಲಿತ ಕೇರಿಯಲ್ಲಿ ನಿರ್ಮಿಸಲಾಗಿರುವ ಅಂಗನವಾಡಿ ಕೇಂದ್ರ ಇದ್ದ ಸ್ಥಳದಲ್ಲಿ ಹಿಂದೆ ನಾಗರಕಟ್ಟೆ ಮತ್ತು ನಂದಿಮೂರ್ತಿ ಇತ್ತು. ಈಗಲೂ ನಾಗರಕಟ್ಟೆ ಇದ್ದರೂ ಅದನ್ನು ನಿರ್ಲಕ್ಷಿಸಿದ್ದರಿಂದ ಪರಿಣಾಮ ಈ ಕೇರಿಯ ಜನರು ಎದುರಿಸಬೇಕಾಗುತ್ತಿದೆ ಎಂದು ಹೇಳುತ್ತಿದ್ದಾರೆ. ನಾಗರಕಟ್ಟೆಯನ್ನು ಸಂರಕ್ಷಿಸಿ ಮತ್ತೆ ನಾಗರ ಹಾವಿನ ಪೂಜೆ ಕೈಗೊಂಡರೆ ಮುಂದೆ ನಡೆಯುವ ಅನಾಹುತದಿಂದ ತಪ್ಪಿಸಿಕೊಳ್ಳಬಹುದು ಎಂದು ಗ್ರಾಮದ ಶಂಕ್ರಪ್ಪ ಅವರು ತಿಳಿಸಿದ್ದಾರೆ.

ಇದೆಲ್ಲದರ ಹಿಂದಿನ ಮರ್ಮವನ್ನು ತಿಳಿಯಲು ಪೊಲೀಸರು, ಮನಶ್ಶಾಸ್ತ್ರಜ್ಞರು, ವೈದ್ಯರು, ಉರಗತಜ್ಞರು ಈ ಗ್ರಾಮಕ್ಕೆ ತೆರಳಿ ಸತ್ಯವನ್ನು ತಿಳಿದುಕೊಳ್ಳಬೇಕಾಗಿದೆ. ಹಾಗೆಯೆ, ಗ್ರಾಮಸ್ಥರಿಗೆ ಧೈರ್ಯವನ್ನು ತುಂಬುವ ಕಾರ್ಯ ನಡೆಯಬೇಕಾಗಿದೆ. ಇದರ ಜೊತೆಗೆ, ಗ್ರಾಮದ ಧೈರ್ಯವಂತ, ವಿದ್ಯಾವಂತ ಯುವಕರು ಮುಂದೆಬಂದು ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬೇಕು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Do snakes take revenge? Do serpents remember who troubled them? If you do not agree, just have a look at the snake bite incidents happening in a village in Bidar district. More than 25 villagers have been bitten by snake, but no one has died so far.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more