• search

ಶಿವಮೊಗ್ಗದ ಈ ರೈತ ಏನು ಮಾಡಿದ್ದಾನೆ ನೋಡಿ!

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    shimoga-farmer-umesh-rests-51-minutes-on-elbows-toes
    ಶಿವಮೊಗ್ಗ, ಸೆ. 3: ನಾಡಿನಲ್ಲಿ ಬರಬಿದ್ದು ಜನ ದಿಕ್ಕೆಟ್ಟು ಕುಳಿತಿದ್ದಾರೆ. ಆದರೆ ಜನ ಪರಿಪಾಲಕರು ವಿದೇಶೀ ಮೋಜುಮಸ್ತಿಯಲ್ಲಿ 'ಕರ್ನಾಟಕ ಏನೂ ಬರ ಬಿದ್ದಿಲ್ಲ. ಅಲ್ಲೆಲ್ಲರೂ ಸೌಖ್ಯವಾಗಿದ್ದಾರೆ. ನೀವೇನೂ ವರಿ ಮಾಡ್ಕೋಬ್ಯಾಡಿ' ಎಂದು ವಿದೇಶದಲ್ಲಿ ಮಾಧ್ಯಮಗಳ ಮುಂದೆ ಅರೆಬರೆ ಇಂಗ್ಲೀಷಿನಲ್ಲಿ (ಸನ್ಮಾನ್ಯ ಬಿಸಿ ಪಾಟೀಲ) ಉಲಿಯುತ್ತಿದ್ದಾರೆ.

    ಜನನಾಯಕರೇ ಹೀಗೆ ದಿಕ್ಕುತಪ್ಪಿಸುತ್ತಿರುವಾಗ ಶಿವಮೊಗ್ಗದ ರೈತಪುತ್ರನೊಬ್ಬ ಬರಬಂತೆಂದು ತಲೆ ಮೇಲೆ ಕೈಹೊತ್ತುಕೊಂಡು ಕುಳಿತುಕೊಳ್ಳದೆ ತನ್ನ ಕಾಲು ಬೆರಳುಗಳು ಮತ್ತು ಮೊಳಕೈಗಳ ಮೇಲೆ ಬರೋಬ್ಬರಿ 51 ನಿಮಿಷ ಕುಳಿತು ಇನ್ನೇನು ಗಿನ್ನಿಸ್ ದಾಖಲೆಗೆ ಸೇರ್ಪಡೆಗೊಳ್ಳುವ ಹಾದಿಯಲಿದ್ದಾನೆ.

    ಗಾಂಧೀಜಿ ಹೇಳಿದ್ದರು ಆರಾಮ್ ಹರಾಮ್ ಹೈ ಅಂತ. ಹಾಗಾಗಿ ನಮ್ಮೀ ಶಿವಮೊಗ್ಗದ ರೈತನೂ ಬರದಿಂದ ಬೇಕಾರ್ ಆಗಿ ಜೀವನ ತಳ್ಳದೇ 'ಏನಾದರೂ ಮಾಡುತಿರು ತಮ್ಮ, ಸುಮ್ನೇ ಕೂಡಬ್ಯಾಡ' ಎಂಬ ಮಾತಿಗೆ ನ್ಯಾಯವೊದಗಿಸಿ, ಅಪರೂಪದ ಸಾಧನೆಯನ್ನೇ ಮಾಡಿದ್ದಾನೆ.

    ಟ್ರಾಕ್ಟರ್ ಹೊಡೆಯುವ ಉಮೇಶ: ಜಿಲ್ಲೆಯ ಗೊದ್ನಿಚಟ್ನಹಳ್ಳಿಯ 35 ವರ್ಷದ ಜಿಸಿ ಉಮೇಶ ರೈತರಿಗಾಗಿ ಟ್ರಾಕ್ಟರ್ ಹೊಡೆಯುತ್ತಿದ್ದ. ಆದರೆ ಬರ ಬಂದು ಆ ಅನ್ನದಾತನ ಬಾಳಬಂಡಿಯೇ ನಿಂತುಹೋಗಿದೆ. ಹಾಗಾಗಿ ಉಮೇಶನಿಗೆ ಟ್ರಾಕ್ಟರ್ ಹೊಡೆಯುವ ಕೆಲಸ ಇಲ್ಲವಾಯಿತು.

    ಅಂತಹ ದುರ್ಭರ ಪರಿಸ್ಥಿತಿಯಲ್ಲೇ ಟ್ರಾಕ್ಟರ್ ಉಮೇಶನಿಗೆ ಏನಾದರೂ ಸಾಧನೆ ಮಾಡಬೇಕು ಅನ್ನಿಸಿದ್ದು. ತನ್ನ ದೈಹಿಕ ತಾಕತ್ತೇನು ಎಂಬುದನ್ನು ಪರೀಕ್ಷಿಸಲು ಉಮೇಶ ನಿರ್ಧರಿಸಿದ. ಅಪ್ಪಾ ನಿನ್ನ ಕಾಲ ಮೇಲೆ ನೀನು ನಿಂತ್ಕೋ ಅಂದರೆ ಇವಯ್ಯ ತನ್ನ ಕಾಲು ಬೆರಳುಗಳು ಮತ್ತು ಮೊಳಕೈಗಳನ್ನೇ ಆಧಾರವಾಗಿಸಿಕೊಂಡು ಭೂತಾಯಿಗೆ ಅಡ್ಡಬಿದ್ದ. ಮೊನ್ನೆ ಸಾರ್ವಜನಿಕರೆದುರು ಹೀಗೆ 51 ನಿಮಿಷಗಳ ಕಾಲ ನಿಂತು (ಮಲಗಿ) ಜನರಿಂದ ಶಹಬ್ಬಾಸ್ ಎನಿಸಿಕೊಂಡ.

    'ಆಸ್ಟ್ರೇಲಿಯಾದ ಅರವತ್ತೆಂಟು ವರ್ಷದ ಅಜ್ಜನೊಬ್ಬ ಇಂತಹ ಭಂಗಿಯಲ್ಲಿ 33 ನಿಮಿಷ 40 ಸೆಕೆಂಡ್ ಪವಡಿಸಿದ್ದ ಎಂಬ ದಾಖಲೆ ಎಲ್ಲೋ ಓದಿದ್ದು ನೆನಪಿಗೆ ಬಂತು. ಕೆಲಸವಿಲ್ಲದೆ ಮನೆಯಲ್ಲಿ ಸುಮ್ಮನೆ ಕುಳಿತಾಗಲೆಲ್ಲ ಅದನ್ನೇ ಮೆಲಕು ಹಾಕುತ್ತಿದ್ದೆ.

    ಸುಮ್ನೆ ಹಾಗೇ ಕುಳಿತುಕೊಳ್ಳುವ ಬದಲು ಆ ನಿಟ್ಟಿನಲ್ಲಿ ಸಾಧನೆಯನ್ನಾದರೂ ಮಾಡುವ ಎಂದು ದಿನಾ ಒಂದಷ್ಟು ಪ್ರಾಕ್ಟೀಸ್ ಮಾಡತೊಡಗಿದೆ. ಅದೇ ಅಭ್ಯಾಸವಾಗಿಹೋಯಿತು. ಅದು ದಾಖಲೆಯ ಮಟ್ಟಕ್ಕೂ ಮುಂದುವರಿಯಿತು' ಎಂದ ಉಮೇಶನ ಮೊಗದಲ್ಲಿ ಸಾಧನೆಯ ಹೆಮ್ಮೆ ತುಳುಕುತ್ತಿತ್ತು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    At a time when drought is having a disastrous effect on the farming community in Karnataka, 35-year-old G C Umesh, a resident of Godnichatnahalli in Shimoga district, a jobless tractor driver who hails from a village, chose it to set a record by performing a feat of physical endurance: Balancing himself flat on ground just with his elbow and toes. 

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more