ಎರಡನೇ ಪಿಯು ಫಲಿತಾಂಶಕ್ಕೆ ದಿನಗಣನೆ
Karnataka 2nd PUC results 2012, Now online
ಶಿಕ್ಷಣ ಸಚಿವ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಈ ದಿನಾಂಕದ ಬಗ್ಗೆ ಒಂದು ಮುನ್ಸೂಚನೆ ನೀಡಿದ್ದಾರೆ. ಆದರೆ, ಅಂತರ್ಜಾಲದಲ್ಲಿ ಫಲಿತಾಂಶ ಯಾವ ಸಮಯಕ್ಕೆ ಸಿಕ್ಕತ್ತೆ ಅಂತ ಇನ್ನೂ ನಿರ್ಧಾರವಾಗಿಲ್ಲ.
ನೆಟ್ಟಿನಲ್ಲಿ ಫಲಿತಾಂಶ ದೊರೆಯುವ ಸಮಯವನ್ನು ಪಿಯು ಮಂಡಳಿಯ ನಿರ್ದೇಶಕಿ ವಿ. ರಶ್ಮಿ ಮತ್ತು ಸಚಿವ ಕಾಗೇರಿಯವರು ನಿರ್ಧರಿಸಿದ ನಂತರ ತಿಳಿಯಪಡಿಸಲಾಗುವುದೆಂದು ಮಂಡಳಿಯ ಉನ್ನತ ಮೂಲಗಳು ತಿಳಿಸಿವೆ. ಅಂತರ್ಜಾಲದಲ್ಲಿ ಫಲಿತಾಂಶ ಪ್ರಕಟವಾದ ಮರುದಿನ ಆಯಾ ಕಾಲೇಜುಗಳಲ್ಲಿ ಫಲಿತಾಂಶ ಪ್ರಕಟಿಸಲಾಗುವುದು.
ಉಪನ್ಯಾಸಕರು ಸಂಬಳ ಇತ್ಯಾದಿ ಬೇಡಿಕೆ ಮುಂದಿಟ್ಟು ಮುಷ್ಕರ ಹೂಡಿದ್ದರಿಂದ ಈ ಬಾರಿಯ ಪ್ರಶ್ನೆ ಪತ್ರಿಕೆಗಳ ಮೌಲ್ಯಮಾಪನ ಸಕಾಲಕ್ಕೆ ನಡೆಯದೆ ಮುಂದೂಡಬೇಕಾಯಿತು. ಆದರೆ, ಫಲಿತಾಂಶ ಸಿದ್ಧವಾಗಿದ್ದು ಪ್ರಕಟಣೆಯೊಂದೇ ಬಾಕಿ ಎಂದು ಮಂಡಳಿಯ ಅಧಿಕಾರಿಗಳು ನಮ್ಮ ವರದಿಗಾರರಿಗೆ ತಿಳಿಸಿದರು.
ಪ್ರಸಕ್ತ ಶೈಕ್ಷಣಿಕ ವರ್ಷದಲ್ಲಿ ಆರು ಲಕ್ಷ ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದಾರೆ. ಇಷ್ಟು ಹೊತ್ತಿಗೆ ಫಲಿತಾಂಶ ಬಂದಿರಬೇಕಿತ್ತು ಆದರೆ, ಸಿಇಟಿ ಪರೀಕ್ಷೆಗಳು (ಮೇ 21-22) ಮುಗಿಯುವತನಕ ಪ್ರಕಟಿಸಬಾರದೆಂಬ ನಿರ್ಧಾರಕ್ಕೆ ಮಂಡಳಿ ಬಂದಿತ್ತು.
ನಮ್ಮ ವೆಬ್ ಸೈಟಿನಲ್ಲಿ ಫಲಿತಾಂಶ ಪ್ರಕಟವಾಗುತ್ತದೆ. ಇತ್ತೀಚಿನ ಮಾಹಿತಿಗಳಿಗೆ ಗಮನಿಸುತ್ತಿರಿ. ವಿದ್ಯಾರ್ಥಿಗಳು ತಮ್ಮ ಇಮೇಲ್ ವಿಳಾಸವನ್ನು ಇಲ್ಲಿ ನೀಡಿ ಕಾಲಕಾಲಕ್ಕೆ ಮಾಹಿತಿ ಪಡೆಯಬಹುದು. ಒನ್ಇಂಡಿಯಾ ಕನ್ನಡ ಎಸ್ಸೆಸ್ಸೆಲ್ಸಿ ಫಲಿತಾಂಶ ಕೂಡ ಪ್ರಕಟಿಸಿತ್ತು.