ಇಂದು ರಕ್ತಪಿಪಾಸು ಬಿನ್ ಲಾಡೆನ್ ಪ್ರಥಮ ತಿಥಿ

ಅಬೋತಾಬಾದ್ (ಪಾಕಿಸ್ತಾನ), ಮೇ 2:ಇಡೀ ನಾಗರಿಕ ಸಮಾಜ ಆ ಕ್ಷಣಕ್ಕಾಗಿ ತಹತಹಿಸುತ್ತಿತ್ತು. ಯಾವಾಗಪ್ಪಾ ಆ ತಂಟೆಕೋರ ಸಾಯೋದು ಅಂತ ಹಿಡಿ ಶಾಪ ಹಾಕುತ್ತಾ ನಿಸ್ಸಹಾಯಕವಾಗಿ ಕುಳಿತಿತ್ತು. ಕೋಟ್ಯಂತರ ಜನರ ಆಶಯದಂತೆ ಆ ಕ್ಷಣ ಬಂದೇ ಬಿಟ್ಟಿತ್ತು. ಮತ್ತು, ಆ ರಕ್ತಪಿಪಾಸು ಪೀಸುಪೀಸು ಆಗಿದ್ದ. ಅದಾಗಿ ಇಂದಿಗೆ ಸರಿಯಾಗಿ ಒಂದು ವರ್ಷ. ಅವನಿಗಿದು ಪ್ರಥಮ ತಿಥಿ.

ಅವನು ಒಸಾಮಾ ಬಿನ್‌ ಲಾಡೆನ್‌. ಅಲ್‌ ಖೈದಾ ಮುಖ್ಯಸ್ಥ, ವಿಶ್ವದ ಅತ್ಯುಗ್ರ ಹಾಗೆ ಅಮೆರಿಕದ ದಾಳಿಯಿಂದ ನುಚ್ಚುನೂರಾಗಿ ಇಂದಿಗೆ (ಮೇ 2) ಒಂದು ವರ್ಷ ಸಂದಿದೆ. ಆ ರಕ್ತಪೀಪಾಸು ಇಲ್ಲದ ಜಗತ್ತು ಈ ಒಂದು ವರ್ಷವನ್ನು ನೆಮ್ಮದಿಯಾಗಿಯೂ ಕಳೆದಿದೆ.

2001 ಸೆಪ್ಟೆಂಬರ್ 11ರ ದಾಳಿಗೆ ಪ್ರತ್ಯುತ್ತರವಾಗಿ ಲಾಡೆನ್ ನನ್ನು ನಿರ್ನಾಮ ಮಾಡಿ, ನಮ್ಮನ್ನು ನೆಮ್ಮದಿಯಾಗಿರಲು ಬಿಟ್ಟ ಎಂದು ಅಮೆರಿಕ ಸೇರಿದಂತೆ ವಿಶ್ವದೆಲ್ಲೆಡೆ ಜನ ಮಾತನಾಡಿಕೊಳ್ಳುತ್ತಿದ್ದಾರೆ. ಲಾಡೆನ್ ಹತನಾದ ಈ ಒಂದು ವರ್ಷದಲ್ಲಿ ಅವನ ಬಗ್ಗೆ ನೂರೆಂಟು ಸ್ವಾರಸ್ಯಕರ ವಿಷಯಗಳಯ ಬಹಿರಂಗವಾಗಿದೆ.

ಅದನ್ನು 'ದಟ್ಸ್ ಕನ್ನಡ' ಸಹ ದಾಖಲಿಸಿದೆ. ಆ ವರದಿಗಳನ್ನು ಒಂದೊಂದಾಗಿ ಓದಲು ಇಲ್ಲಿ ಕ್ಲಿಕ್ ಮಾಡಿ. ಒಸಾಮಾ ಬಿನ್ ಲಾಡೆನ್ (ಒಬಿಎಲ್)

ಈ ಮಧ್ಯೆ, ಲಾಡೆನ್‌ ಸಂತತಿಗಳೋ ಅಥವಾ ಅವನದೇ ಅಪರಾವತಾರಗಳು ಸೇಡು ತೀರಿಸಿಕೊಳ್ಳಲು ಒಂದಷ್ಟು ತಂಟೆಗಳನ್ನು ಮಾಡಬಹುದು ಎಂದು ಅಂದಾಜಿಸಲಾಗಿದ್ದು, ಎಲ್ಲೆಡೆ ಕಟ್ಟೆಚ್ಚರ ವಹಿಸಲಾಗಿದೆ. ಆಯಕಟ್ಟಿನ ಸ್ಥಳಗಳಲ್ಲಿ ಭಾರಿ ಬಿಗಿ ಭದ್ರತೆ ಹಾಕಲಾಗಿದೆ.

English summary

Its is a year after Osama bin Laden was hunted down and killed (May 2, 2011) at his safehouse in Pakistan's military town of Abbottabad by elite American forces.