ಎಲ್ಲಾ 224 ಶಾಸಕರ ಕೈಗೆ ಸಿಕ್ತು ಹೊಸ ಐಪ್ಯಾಡ್
ಡಿವಿ ಸದಾನಂದ ಗೌಡರ ಚೊಚ್ಚಲ ಬಜೆಟ್ ಮಂಡನೆಯ ದಿನದಂದೇ ವಿಧಾನಸಭೆಯ ಎಲ್ಲ 224 ಶಾಸಕರಿಗೂ ಬಜೆಟ್ ಮಂಡನೆಯ ಪ್ರತಿಗಳ ಜೊತೆಗೆ ಐಪ್ಯಾಡ್ಗಳನ್ನು ವಿತರಿಸಲಾಯಿತು.
ಚೊಚ್ಚಲ ಬಜೆಟ್ ಮಂಡನೆಯ ಖುಷಿಯಲ್ಲಿ ಮುಖ್ಯಮಂತ್ರಿಯಿದ್ದರೆ, ಶಾಸಕರೆಲ್ಲ ಹೊಸ ಐಪ್ಯಾಡ್ ಸಿಕ್ಕ ಸಂತಸದಲ್ಲಿದ್ದರು. [ಐಪ್ಯಾಡ್ ನಲ್ಲಿ ಒನ್ ಒಂಡಿಯಾ ಕನ್ನಡ ಓದಿ]
ಈ ಹಿಂದೆ ವಿಧಾನಪರಿಷತ್ನ ಎಲ್ಲ ಸದಸ್ಯರಿಗೂ ಐಪ್ಯಾಡ್ಗಳನ್ನು ನೀಡಲಾಗಿತ್ತು. ಈ ಹಿನ್ನೆಲೆಯಲ್ಲಿ ವಿಧಾನಸಭಾ ಸದಸ್ಯರಿಗೂ ಐಪ್ಯಾಡ್ಗಳನ್ನು ನೀಡಬೇಕು ಎಂಬ ಬೇಡಿಕೆಯಿತ್ತು. ಅದರಂತೆ ಇಂದು ಎಲ್ಲ ಶಾಸಕರಿಗೂ ಐಪ್ಯಾಡ್ಗಳನ್ನು ನೀಡಲಾಯಿತು.
ಐಪ್ಯಾಡ್ಗಳ ಬೆಲೆ ಸುಮಾರು 30 ರಿಂದ 40 ಸಾವಿರ ರೂ.ಗಳವರೆಗಿದ್ದು, ಶಾಸಕರಿಗೆ ಐಪ್ಯಾಡ್ ವಿತರಣೆಯಿಂದ ಸುಮಾರು 80 ಲಕ್ಷದಿಂದ ಒಂದು ಕೋಟಿ ರೂ.ಗಳ ವೆಚ್ಚ ತಗುಲಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ವಿಧಾನಸಭೆ ಅಧಿವೇಶನದ ನಡುವೆ ಡರ್ಟಿ ಪಿಕ್ಚರ್ ನೋಡಿ ಸಿಕ್ಕಿಬಿದ್ದಿದ್ದ ಶಾಸಕರಿಗೆ ಕ್ಲೀನ್ ಚಿಟ್ ನೀಡಬಹುದು ಎಂದು ತನಿಖಾ ಸಮಿತಿ ವರದಿ ನೀಡಿದೆ. ಗುಜರಾತಿನಲ್ಲೂ ಕರ್ನಾಟಕ ವಿಧಾನಸಭೆಯಲ್ಲಿ ನಡೆದ ಪ್ರಸಂಗ ರಿಪೀಟ್ ಆಗಿದೆ. ಐಪ್ಯಾಡ್ ನಲ್ಲಿ ಇಬ್ಬರು ಶಾಸಕರು ಏನನ್ನೋ ನೋಡಿದ ಬಗ್ಗೆ ವರದಿಯಾಗಿದೆ.