ಕೃತಕ ಗರ್ಭಧಾರಣೆಗೆ ಪೋಪ್ ತೀವ್ರ ವಿರೋಧ
ಸೃಷ್ಟಿಕರ್ತನ ವಿರುದ್ಧ ಉದ್ಧಟತನ ಸಲ್ಲದು ಎಂದಿದ್ದಾರೆ. ವೀರ್ಯ ಅಥವಾ ಅಂಡಾಣು ದಾನ ಮತ್ತು ಐವಿಎಫ್ (in vitro fertilization (IVF) )ನಂತಹ ಗರ್ಭಧಾರಣೆ ವಿಧಾನಗಳನ್ನು ಕ್ಯಾಥೊಲಿಕ್ ಸಮುದಾಯಕ್ಕೆ ನಿಷೇಧಿಸಲಾಗಿದೆ ಎಂದು ಪೋಪ್ ಹೇಳಿದ್ದಾರೆ.
ಈಗೀಗ ಸಹಜ ಗರ್ಭಧಾರಣೆ ವಿರಳವಾಗುತ್ತಿದೆ. ಬದಲಾಗಿರುವ ಜೀವನ ಶೈಲಿ, ವಾತಾವರಣ...ಮುಂತಾದವುಗಳ ಪ್ರಭಾವ ದಿಂದ ದಂಪತಿಗಳು ಕೃತಕ ಗರ್ಭ ಧಾರಣೆ ಮಾಡಿಸಿಕೊಳ್ಳುವುದು ಅನಿವಾರ್ಯವಾಗುತ್ತಿದೆ.
ಇಂಥ ಹೊತ್ತಿನಲ್ಲಿ ದಂಪತಿ ಮಗುವಿಗಾಗಿ ಕೃತಕ ಗರ್ಭ ಧಾರಣೆ ವಿಧಾನಗಳನ್ನು ಬಳಸಬಾರದು. ಗರ್ಭಧರಿಸಲು ಪ್ರನಾಳ ಶಿಶು ಮುಂತಾದ ಕೃತಕ ವಿಧಾನಗಳನ್ನು ಬಳಸುವುದು ಉದ್ಧಟತನ ಎಂದು ಹದಿನಾರನೇ ಪೋಪ್ ಬೆನೆಡಿಕ್ಟ್ ಹೇಳುವ ಮೂಲಕ ಆಶ್ಚರ್ಯ ಮೂಡಿಸಿದ್ದಾರೆ.
ಮಗುವನ್ನು ಗಂಡ ಮತ್ತು ಹೆಂಡತಿ ಸಹಜ ಮಿಲನ ಕ್ರಿಯೆಯ ಗರ್ಭ ಧಾರಣೆಯಿಂದ ಪಡೆಯುವುದು ಮಾತ್ರ ಸಮ್ಮತ ವಿಧಾನ ಎಂದಿದ್ದಾರೆ!
ಪೋಪ್ ಸಲಹೆ ಹೊಸ ವಿವಾದ ಸೃಷ್ಟಿಸುವ ಸಾಧ್ಯತೆಗಳಿದೆ. ಚರ್ಚ್ ನ ಸಿಬ್ಬಂದಿಗಳು ವೀರ್ಯದಾನ ಮಾಡುವುದನ್ನು ನಿಷೇಧಿಸಲಾಗಿದೆ. ಆದರೆ, ಬಂಜೆತನ ಹೋಗಲಾಡಿಸಲು ನಡೆಯುತ್ತಿರುವ ಸಂಶೋಧನೆಗೆ ವ್ಯಾಟಿಕಾನ್ ಚರ್ಚ್ ಬೆಂಬಲ ವ್ಯಕ್ತಪಡಿಸಿ ಅಚ್ಚರಿ ಮೂಡಿಸಿದೆ.