ರಾಮುಲು ಬಂಟ ಸೋಮಲಿಂಗಪ್ಪ ಮಾಡಿದ ಆಸ್ತಿ ಎಷ್ಟು..?

ಬಳ್ಳಾರಿ, ಫೆ.6: ಭೂ ಹಗರಣಗಳ ಜಾಲದಲ್ಲಿ ಸಿಲುಕಿರುವ ಬಿಜೆಪಿ ಶಾಸಕರ ಪೈಕಿ ಅಕ್ರಮ ಆಸ್ತಿ ಪ್ರಕರಣ ಎದುರಿಸುತ್ತಿರುವ ಕೆಲ ಶಾಸಕರ ಪಟ್ಟಿಗೆ ಹೊಸದಾಗಿ ಸೋಮಲಿಂಗಪ್ಪ ಸೇರ್ಪಡೆಯಾಗಿದ್ದಾರೆ.

2004 ಮತ್ತು 2008ರ ಚುನಾವಣೆಯಲ್ಲಿ ಶಿರಗುಪ್ಪ ಕ್ಷೇತ್ರದಿಂದ ವಿಧಾನಸಭೆಗೆ ಆಯ್ಕೆ ಯಾದ ಶ್ರೀರಾಮುಲು ಬಂಟ ಬಿಜೆಪಿ ಶಾಸಕ ಸೋಮಲಿಂಗಪ್ಪ ಅವರು ಆಸ್ತಿ ವಿವರ ಸಂಪೂರ್ಣವಾಗಿ ಬಹಿರಂಗವಾಗಿಲ್ಲ. ಬಹಿರಂಗಪಡಿಸಿದ ವಿವರಗಳು ಸುಳ್ಳು ಲೆಕ್ಕ ಹೇಳುತ್ತಿದೆ.

ಚುನಾವಣೆ ಆಯೋಗ ಮತ್ತು ಲೋಕಾಯುಕ್ತ ಸಂಸ್ಥೆಗೆ ನೀಡಿರುವ ಸುಳ್ಳು ಮಾಹಿತಿ ನೀಡಿದ್ದಾರೆ. 2004ರಲ್ಲಿ ಶಾಸಕರಾದ ನಂತರ ಅಕ್ರಮವಾಗಿ ಆಸ್ತಿಗಳಿಸಿದ್ದು, ಅವರು 63,59,333 ಲಕ್ಷ ರೂ. ನಷ್ಟು ಆದಾಯ ಮೀರಿದ ಆಸ್ತಿ ಹೊಂದಿದ್ದಾರೆ ಎಂದು ಆರೋಪಿಸಿ ಎಂದು ಈರಣ್ಣ ಎಂಬುವರು ಫೆ.2ರಂದು ಲೋಕಾಯುಕ್ತ ವಿಶೇಷ ಕೋರ್ಟ್‌ನಲ್ಲಿ ಖಾಸಗಿ ದೂರು ದಾಖಲಿಸಿದ್ದರು.

ಸೋಮಲಿಂಗಪ್ಪ ಶಾಸಕ ಸ್ಥಾನವನ್ನು ದುರ್ಬಳಕೆ ಮಾಡಿ ಶಿರಗುಪ್ಪ ಸುತ್ತಮುತ್ತ 60 ಎಕರೆ ಸರಕಾರಿ ಭೂಮಿ ಕಬಳಿಸಿದ್ದಾರೆ. ಕಬಳಿಸಿದ ಭೂಮಿಯನ್ನು ತಮ್ಮ ಕುಟುಂಬ ಸದಸ್ಯರು ಹಾಗೂ ಹತ್ತಿರದ ಸಂಬಂಧಿಕರ ಹೆಸರಿಗೆ ಅಕ್ರಮ ವಾಗಿ ಕ್ರಯಪತ್ರ ಮಾಡಿಸಿದ್ದಾರೆ ಎಂದು ಈ ಈರಣ್ಣ ಅವರು ಆರೋಪಿಸಿದ್ದಾರೆ.

ಮಾರ್ಚ್ 31, 2011ಕ್ಕೆ ಸಲ್ಲುವಂತೆ ಲೋಕಾಯುಕ್ತಕ್ಕೆ ಸಲ್ಲಿಸಿದ ವಿವರ ಪ್ರಕಾರ 13,40,000 ಲಕ್ಷ ರು ಸ್ವಯಾರ್ಜಿತ ಹಾಗೂ ಕುಟುಂಬದ ಆಸ್ತಿ 76,99,333 ರು ಎಂದು ಘೋಷಿಸಲಾಗಿದೆ.

ಈ ವಿವರಗಳಲ್ಲಿ ಸಿರಗುಪ್ಪದಲ್ಲಿರುವ ಜಮೀನು, ನಿವೇಶನಗಳ ಮೌಲ್ಯ ಸೇರಿಸಿಲ್ಲ. ಜಮೀನಿನ ಮೌಲ್ಯ 9 ಲಕ್ಷ ರು ಎಂದು ಶಾಸಕರು ಹೇಳಿದ್ದಾರೆ. ಆದರೆ, ಅದರ ಮೌಲ್ಯ 45 ಲಕ್ಷ ರು ಮೀರುತ್ತದೆ.

ಕಾಂಗ್ರೆಸ್ ಶಾಸಕ ಕೃಷ್ಣಪ್ಪ, ಬಿಜೆಪಿ ಶಾಸಕ ಎಸ್ ಆರ್ ವಿಶ್ವನಾಥ್ ನಂತರ ಸಿಟಿ ರವಿ ಮೇಲೆ ಅಕ್ರಮ ಆಸ್ತಿ ಗಳಿಕೆ ಆರೋಪ ಕೇಳಿ ಬಂದಿತ್ತು. ಈಗ ಸೋಮಲಿಂಗಪ್ಪ ಸರದಿ.

English summary

The Lokayukta Court Monday(Feb.6) ordered a probe by the Lokayukta Superintendent of Police into the private complaint against a Siraguppa BJP MLA MS Somalingappa for allegedly possessing assets disproportionate to his known sources of income. Declared assets by Somalingappa differ. Judge NK Sudhindra Rao directed the SP Lokayukta to submit his report by March 12.