ಚಿನ್ನದ ಮೇಲೆ ಹಾಲ್‌ಮಾರ್ಕ್ ಹೆಗ್ಗುರುತು ಕಡ್ಡಾಯ

ನವದೆಹಲಿ, ಜ. 4 : ಗ್ರಾಹಕರು ನಕಲಿ ಉತ್ಪನ್ನ ಕೊಂಡು ಮೋಸ ಹೋಗುವುದನ್ನು ತಪ್ಪಿಸುವ ಮತ್ತು ಗುಣಮಟ್ಟವನ್ನು ಕಾಯ್ದುಕೊಳ್ಳುವ ಉದ್ದೇಶದಿಂದ ಚಿನ್ನದ ಮೇಲೆ ಹಾಲ್‌ಮಾರ್ಕ್ ಹೆಗ್ಗುರುತು ಮೂಡಿಸುವ ಪ್ರಸ್ತಾವನೆಗೆ ಕೇಂದ್ರ ಸರಕಾರ ಬುಧವಾರ ಒಪ್ಪಿಗೆಯ ಮೊಹರನ್ನು ಒತ್ತಿದೆ.

ಈ ನಿಟ್ಟಿನಲ್ಲಿ, ಗ್ರಾಹಕ ವ್ಯವಹಾರ ಸಚಿವಾಲಯದ ವ್ಯಾಪ್ತಿಯಲ್ಲಿ ಬರುವ ದಿ ಬ್ಯೂರೋ ಆಫ್ ಇಂಡಿಯನ್ ಸ್ಟಾಂಡರ್ಡ್ಸ್ (BIS) ಕಾಯ್ದೆಯಲ್ಲಿ ತಿದ್ದುಪಡಿ ತಂದಿದೆ. ಹಾಲ್‌ಮಾರ್ಕ್ ಚಿನ್ನದ ಪರಿಶುದ್ಧತೆಗೆ ನೀಡುವ ಸರ್ಟಿಫಿಕೇಟ್. ಆದರೆ, ಇದು ಕಡ್ಡಾಯವಾಗಿರಲಿಲ್ಲ.

ಪ್ರಧಾನಿ ಡಾ. ಮನಮೋಹನ ಸಿಂಗ್ ಅವರ ನೇತೃತ್ವದ ಕೇಂದ್ರ ಸಂಪುಟ ಸಭೆ ದಿ ಬ್ಯೂರೋ ಆಫ್ ಇಂಡಿಯನ್ ಸ್ಟಾಂಡರ್ಡ್ಸ್ (BIS) ಕಾಯ್ದೆಯ ತಿದ್ದುಪಡಿಗೆ ಒಪ್ಪಿಗೆ ನೀಡಿದ್ದು, ಬಂಗಾರ ಸೇರಿದಂತೆ ಅನೇಕ ಉತ್ಪನ್ನಗಳ ಮೇಲೆ ಹಾಲ್‌ಮಾರ್ಕ್ ಹೆಗ್ಗುರುತು ಮೂಡಿಸುವುದನ್ನು ಕಡ್ಡಾಯ ಮಾಡಿದೆ.

ಹಾಲ್‌ಮಾರ್ಕ್ ಉತ್ಪನ್ನವಿರುವ ಚಿನ್ನವನ್ನೇ ಕೊಳ್ಳಲು ಗ್ರಾಹಕರು ಇಷ್ಟಪಡುತ್ತಾರೆ. ಹಾಲ್‌ಮಾರ್ಕ್ ಗುರುತು ಇದ್ದರೆ ಉತ್ತಮ ಗುಣಮಟ್ಟದ ಸಂಕೇತ. ಸಿಮೆಂಟ್, ಮಿನರಲ್ ನೀರು, ಹಾಲಿನ ಉತ್ಪನ್ನಗಳು ಸೇರಿದಂತೆ 77 ವಸ್ತುಗಳು ಸರ್ಟಿಫಿಕೇಟ್ ಪಡೆದಿವೆ.

English summary

Central govt has made hallmarking of gold compulsory by clearing the proposal by approving amendments to the Bureau of Indian Standards (BIS) Act, 1986. This has been approved by panel headed by Prime Minister Dr. Mammohan Singh.