ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ದಾರಿ ತಪ್ಪಿದ ಕುಮಾರನಿಗೆ ಬಂಗಾರಪ್ಪ ಕುಟುಂಬದಲ್ಲಿನ್ನು ಸ್ಥಾನವಿಲ್ಲವೇ!?

By Srinath
|
Google Oneindia Kannada News

can-kumar-reunion-with-bangarappa-family
ಬೆಂಗಳೂರು, ಡಿ. 30: ನೋ ಛಾನ್ಸ್ ಎಂಬ ಧಾಟಿಯಲ್ಲೇ ಮಾತನಾಡಿದ ಮಧು ಬಂಗಾರಪ್ಪ. ಜಾಣ್ಮೆಯಿಂದ ಅದನ್ನು ತಮ್ಮ ತಾಯಿಯವರ ನಿರ್ಧಾರಕ್ಕೆ ಬಿಟ್ಟರು. ಆದರೆ ಅದಕ್ಕೂ ಮೊದಲು ಅಣ್ಣನ ಮನಸ್ಥಿತಿ ಎಂತಹುದು ಎಂಬುದನ್ನು ಮನದಟ್ಟುಪಡಿಸಿದರು. ಅವನೊಬ್ಬ ಸ್ಯಾಡಿಸ್ಟ್ ಎಂದೇ ಮಾತಿಗಾರಂಭಿಸಿದ ಮಧು, ಅಣ್ಣನ ಬಗ್ಗೆ ತುಸು ಹೆಚ್ಚೇ ಅನಿಸುವಷ್ಟು ಕ್ರೋಧ ತೋರಿದರು.

ನೋಡಿ. ನನ್ನಣ್ಣ ಕೊನೆಯ ಅವಕಾಶ ಎಂಬಂತೆ ಈಗ ರಂಪ ರಾಮಾಯಣ ಮಾಡಿದ್ದಾನೆ. ಆದರೆ ಅವನಿಗೆ ಕುಟುಂಬದೊಳಕ್ಕೆ ಮರುಪ್ರವೇಶಿಸುವುದು ಬೇಡವಾಗಿದೆ. ಒಂದಷ್ಟು ಅನುಕಂಪ ಗಿಟ್ಟಿಸುವ ನಾಟಕ ಇದಾಗಿದೆ. ಕುಟುಂಬದಲ್ಲಿ ಉಳಿದವರಿಗೆ ಅಪಮಾನ ಮಾಡುವ ಇರಾದೆ ಅವನದಾಗಿದೆ.

ಅಪ್ಪ ಬದುಕಿದ್ದಾಗಲೇ ಇದಕ್ಕೆ ಪ್ರಯತ್ನಿಸಿ ಸೋತರು. ಇನ್ನು ಈಗಾವ ಆದೀತೇ? ಅಷ್ಟಕ್ಕೂ ಅಪ್ಪನ ಸ್ಥಾನದಲ್ಲಿ ಈಗ ಅಮ್ಮ ಇದ್ದಾರೆ. ಕುಮಾರನನ್ನು ಮತ್ತೆ ಮನೆಯೊಳಕ್ಕೆ ಬಿಟ್ಟುಕೊಳ್ಳುವುದರ ಬಗ್ಗೆ ನಮ್ಮ ತಾಯಿ ಶಕುಂತಲಮ್ಮ ಅವರ ತೀರ್ಮಾನವೇ ಅಂತಿಮ. ಅವರ ತೀರ್ಮಾನಕ್ಕೆ ನಾವು ಬದ್ಧವಾಗಿರುತ್ತೇವೆ ಎಂದು ಹೇಳಿದ ಉಸುರಿನಲ್ಲೇ ಕುಮಾರ ಮತ್ತೆ ವಾಪಸಾಗುವುದು ಬೇಡ.

ಹೇಟ್ ಮೇಲ್: ಅಷ್ಟೇ ಅಲ್ಲ. ಈ ಕಹಿಭಾವ ಅಬೋಧ ಮೊಮ್ಮಕ್ಕಳವರೆಗೂ ಹಬ್ಬುತ್ತಿದೆ. ನಮ್ಮಣ್ಣನ ಇಬ್ಬರೂ ಗಂಡು ಮಕ್ಕಳು we will never forgive u ಎಂದು ಇತರೆ ಮೊಮ್ಮಕ್ಕಳಿಗೆ ಎಸ್ಎಂಎಸ್ ಕಳಿಸುತ್ತಿದ್ದಾರೆ ಎಂದು ಮಧು ತಮ್ಮ ದುಃಖ ತೋಡಿಕೊಂಡರು.

ನೂರು ಜನ್ಮಕೂ ನೂರಾರು ಜನ್ಮಕೂ ನನ್ನ ಅಪ್ಪ-ಅಮ್ಮ ಇವರೇ ಆಗಿರಲಿ. ಆದರೆ ಇವನಂತಹ (ವಸಂತ ಕುಮಾರ) ಮಕ್ಕಳು ನಾಡಿನ ಯಾವುದೇ ತಂದೆ-ತಾಯಿಗೂ ಬೇಡ ಎಂದು ಮಧು ಕಹಿಭಾವದೊಂದಿಗೆ ಮಾತು ಮುಗಿಸಿ, ನಿರಾಳರಾದರು.

English summary
When Kumar Bangarappa, elder son of S Bangarappa came to perform last rites at cremation site it was reported that he was not allowed to do samadhi pooja by his younger brother Madhu Bangarappa. As an aftermath of this controversy Madhu has spoke to TV Channels indetail about the controversy. Can Kumar reunion with Bangarappa family?
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X