ಆರು ದಿಗ್ಗಜರಿಗೆ ನಾಡೋಜ ಪ್ರಶಸ್ತಿ ಪ್ರಕಟ

ಹೊಸಪೇಟೆ, ಡಿ.19: ಸಾಹಿತಿ ಎಸ್ ಎಲ್ ಭೈರಪ್ಪ ಸೇರಿದಂತೆ ಆರು ಮಂದಿಗೆ ಹಂಪಿ ಕನ್ನಡ ವಿಶ್ವವಿದ್ಯಾಲಯದ 2011ನೇ ಸಾಲಿನ ನಾಡೋಜ ಪುರಸ್ಕಾರ ಪ್ರದಾನ ಮಾಡಲಾಗುವುದು ಎಂದು ಕುಲಪತಿ ಡಾ ಎ ಮುರಿಗೆಪ್ಪ ಅವರು ಸೋಮವಾರ(ಡಿ.19) ಸುದ್ದಿಗಾರರಿಗೆ ತಿಳಿಸಿದರು.

ವಿವಿಧ ಕ್ಷೇತ್ರದ ಹಿರಿಯ ಚೇತನಗಳನ್ನು ಈ ಬಾರಿಯ ನಾಡೋಜ ಪುರಸ್ಕಾರ ಲಭಿಸಲಿದೆ. ಡಿ. 26 ರಂದು ಹಂಪಿಯಲ್ಲಿ ನಡೆಯುವ ನುಡಿಹಬ್ಬದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಮುರಿಗೆಪ್ಪ ಹೇಳಿದರು.

ನಾಡೋಜ ಪುರಸ್ಕೃತ ದಿಗ್ಗಜರು:

* ಖ್ಯಾತ ಸಾಹಿತಿ ಡಾ. ಎಸ್.ಎಲ್.ಭೈರಪ್ಪ

* ಪಾರಿಜಾತ ಕಲಾವಿದೆ ಎಲ್ಲವ್ವ ದುರ್ಗಪ್ಪ ರೊಡ್ಡಿ,

* ನಿವೃತ್ತ ಪ್ರಾಧ್ಯಾಪಕ ಕೆ.ಜಿ.ನಾಗರಾಜಪ್ಪ

* ಹೈಕೋರ್ಟ್ ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ ವಿ.ಎಸ್. ಮಳಿಮಠ

* ಸಾಮಾಜಿಕ ಕಾರ್ಯಕರ್ತ ಜಿ.ಶಂಕರ್

* ಯೋಗಾಚಾರ್ಯ ಡಾ.ಪಿ.ಕೆ.ಎನ್. ಅಯ್ಯಂಗಾರ್.