• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರೆಡ್ಡಿ ಚೀನಾ ಸಂಪರ್ಕದ ಮೇಲೆ ಸಿಬಿಐ ಹದ್ದಿನ ಕಣ್ಣು

By Mahesh
|
ಹೈದರಾಬಾದ್, ಸೆ.9: ಅಕ್ರಮ ಗಣಿಗಾರಿಕೆ ಆರೋಪಿ ಜನಾರ್ದನ ರೆಡ್ಡಿ ಒಡೆತನದ ಓಬಳಾಪುರಂ ಮೈನಿಂಗ್ ಕಂಪನಿ ಚೀನಾ ಕಂಪನಿಗಳಿಗೆ ಅಕ್ರಮವಾಗಿ ಅದಿರು ಮಾರಾಟ ಮಾಡಿರುವ ಬಗ್ಗೆ ಸಿಬಿಐ ತನಿಖೆ ನಡೆಸಲು ಮುಂದಾಗಿದೆ.

ಕೃಷ್ಣಪಟ್ಣಂ ಬಂದರು ಮೂಲಕ ಅದಿರು ಸಾಗಾಟದ ಗುರುತು ಸಿಕ್ಕಿದ್ದು, ಬಂದರಿನ ಮಾಲೀಕತ್ವ ಹೊಂದಿರುವ ನವಯುಗ ಸಂಸ್ಥೆಯ ನಿವೃತ್ತ ಪೊಲೀಸ್ ಅಧಿಕಾರಿ ಅನಿಲ್ ಕುಮಾರ್ ಅವರನ್ನು ವಿಚಾರಣೆಗಾಗಿ ಸಿಬಿಐ ವಶಕ್ಕೆ ತೆಗೆದುಕೊಳ್ಳುವ ಸಾಧ್ಯತೆಯಿದೆ.

ಈ ಬಂದಿರಿನಿಂದ ಎಷ್ಟು ಟನ್ ಅದಿರು ಸಾಗಾಟವಾಗಿದೆ ಎಂಬುದರ ಸ್ಪಷ್ಟ ಮಾಹಿತಿ ಸಿಕ್ಕಿಲ್ಲ. ಮಾಹಿತಿ ಸಿಕ್ಕ ನಂತರ ಅಲ್ಲಿನ ಅಧಿಕಾರಿಗಳನ್ನು ಪ್ರಶ್ನಿಸಲಾಗುವುದು ಎಂದು ಸಿಬಿಐ ಅಧಿಕಾರಿಗಳು ಹೇಳಿದ್ದಾರೆ. ಅನಿಲ್ ಕುಮಾರ್ ವೈಜಾಗ್ ನಲ್ಲಿ ಸಿಬಿಐ ಎಸ್ ಪಿಯಾಗಿ ಕೂಡಾ ಕೆಲ ಕಾಲ ಕರ್ತವ್ಯ ನಿರ್ವಹಿಸಿದ್ದರು ಎಂಬುದು ವಿಶೇಷ.

ರೆಡ್ಡಿ ಚೀನಾ ಸಂಪರ್ಕ: ಜನಾರ್ದನ ರೆಡ್ಡಿ 2001ರ ಆಸುಪಾಸಿನಲ್ಲಿ ಓಬುಳಾಪುರಂ ಮೈನಿಂಗ್‌ ಕಂಪನಿ ಕೊಂಡುಕೊಂಡರು. ಆಗ ಕಬ್ಬಿಣದ ಅದಿರಿಗೆ ಇದ್ದ ಬೆಲೆ ಟನ್‌ಗೆ ಕೇವಲ 200 ರೂಪಾಯಿ. ಚೀನಾ ದಲ್ಲಿ ಉಕ್ಕಿಗೆ ಚಿನ್ನದ ಬೆಲೆ ಸಿಗಲು ಶುರುವಾದಾಗ ಅದಿರಿನ ಬೆಲೆ ಸಡನ್ ಆಗಿ 3ರಿಂದ 6 ಸಾವಿರ ರೂ.ಗೆ ಏರಿತು.

ಇದರ ಲಾಭ ಪಡೆದ ರೆಡ್ಡಿ ಸೋದರರು, ಬಳ್ಳಾರಿ ನೆಲವನ್ನು ಅವಿರತವಾಗಿ ಬಗೆದು ಚೀನಾಕ್ಕೆ ಕಳಿಸಿ, ಭರ್ಜರಿ ಲಾಭಗಳಿಸಿದರು.

ಓಎಂಸಿ ಸೇರಿದಂತೆ ರೆಡ್ಡಿಗಳು ನಾಲ್ಕು ಗಣಿಗಳನ್ನು ಹೊಂದಿದ್ದಾರೆ. ಎಲ್ಲವೂ ಆಂಧ್ರಪ್ರದೇಶ ಕರ್ನಾಟಕ ಗಡಿಭಾಗದಲ್ಲಿದೆ. ಅದಿರು ಮಾರಾಟ, ಸಾಗಾಟವನ್ನು ಯಡಿಯೂರಪ್ಪ ಅವರ ಅಂದಿನ ಸರ್ಕಾರ ನಿಷೇಧಿಸಿದ ಮೇಲೆ ಆಂಧ್ರದ ಬಂದರುಗಳ ಮೂಲಕ ಅಕ್ರಮ ಅದಿರು ಸಾಗಾಟ ನಿರಂತರವಾಗಿ ನಡೆಸಲಾಗಿದೆ.

ಅರ್ಧಕ್ಕೆ ನಿಂತ ಉಕ್ಕು ಸ್ಥಾವರ: ಆಂಧ್ರದ ಕಡಪಾ ಜಿಲ್ಲೆಯಲ್ಲಿ ವೈಎಸ್ಸಾರ್‌ ಪುತ್ರ ಜಗನ್ ಜೊತೆ ಸೇರಿ ಸ್ಥಾಪಿಸಲು ಉದ್ದೇಶಿಸಿದ್ದ ಉಕ್ಕು ಸ್ಥಾವರ ಅರ್ಧಕ್ಕೆ ನಿಂತಿದೆ. 2011ರಲ್ಲಿ ಜಾಗತಿಕ ಬಂಡವಾಳ ಹೂಡಿಕೆದಾರರ ಸಮಾವೇಶದಲ್ಲಿ ಜಗತ್ತಿನ ಅತಿ ದೊಡ್ಡ ಉಕ್ಕು ಕಂಪನಿ ಆರ್ಸೆಲರ್‌ ಮಿತ್ತಲ್‌ಗಿಂತ ಬೃಹತ್‌ ಹೂಡಿಕೆ ಮಾಡಿದ್ದ ರೆಡ್ಡಿಗಳು ಹೊಸ ಉಕ್ಕು ಕಂಪನಿ ಸ್ಥಾಪಿಸುವ ಒಪ್ಪಂದ ಮಾಡಿಕೊಂಡಿದ್ದರು. ಆದರೆ ನಂತರ ಉಕ್ಕು ಕಂಪನಿ ಸ್ಥಾಪನೆ ಆಗಲೇಇಲ್ಲ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
CBI is likely to probe on illegal export of Iron ore by Janardhan reddy owned OMC. CBI may raid Krishnapatnam port and its CEO Anil Kumar and examine.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more