ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಫೈರ್ ಫಾಕ್ಸ್ 6 ರಲ್ಲಿ ಒಮ್ಮೆ ಜಾಲಾಡಿ ನೋಡಿ

By Mahesh
|
Google Oneindia Kannada News

Mozilla 6 Launch
ಸ್ಯಾನ್ ಫ್ರಾನಿಸ್ಕೋ ಆ.17: ಬ್ರೌಸರ್ ಜಗತ್ತಿನಲ್ಲಿ ಮೈಕ್ರೋಸಾಫ್ಟ್ ಇಂಟರ್ ನೆಟ್ ನ ಏಕಸ್ವಾಮ್ಯತೆಗೆ ಕೊಡಲಿ ಪೆಟ್ಟು ನೀಡಲು ನಿರ್ಧರಿಸಿರುವ ಫೈರ್ ಫಾಕ್ಸ್, ತನ್ನ ಹೊಚ್ಚ ಹೊಸ ಬ್ರೌಸರ್ 6 ಅನ್ನು ಮಾರುಕಟ್ಟೆಗೆ ಬಿಟ್ಟಿದೆ.

ಮೊಝಿಲ್ಲಾ ಫೈರ್ ಫಾಕ್ಸ್ 4 ಬಿಡುಗಡೆಗೊಂಡ ಮೂರು ತಿಂಗಳೊಳಗೆ ಮೊಝಿಲ್ಲಾ ತನ್ನ ಹೊಚ್ಚ ಹೊಸ ಆವೃತ್ತಿ 5 ರಿಲೀಸ್ ಮಾಡಿತ್ತು. ಈಗ ಇನ್ನಷ್ಟು ಹೆಚ್ಚಿನ ಸುರಕ್ಷತಾ ಸೌಲಭ್ಯಗಳೊಂದಿಗೆ ಫೈರ್ ಫಾಕ್ಸ್ 6 ಬಿಡುಗಡೆಗೊಂಡಿದೆ.

ಫೈರ್ ಫಾಕ್ಸ್ 6 ರಲ್ಲಿ ತಕ್ಷಣಕ್ಕೆ ಎದ್ದು ಕಾಣುವ ಬದಲಾವಣೆ ಎಂದರೆ ಅಡ್ರೆಸ್ ಬಾರ್, ಬಳಕೆದಾರರು ಭೇಟಿ ನೀಡುವ ವೆಬ್ ತಾಣಗಳನ್ನು ಹೈಲೇಟ್ ಮಾಡುತ್ತದೆ. ವೆಬ್ ಸಾಕೆಟ್ಸ್ ನ ಇತ್ತೀಚಿನ ಆವೃತ್ತಿ ಅಳವಡಿಕೆಯೊಂದಿಗೆ ಸುರಕ್ಷತೆ ಇನ್ನೂ ಹೆಚ್ಚಿದೆ. ಸ್ಕಾರ್ಚ್ ಪ್ಯಾಡ್, ವೆಬ್ ಡೆವಲಪರ್ ಮೆನು ಸೇರಿದಂತೆ ಹತ್ತು ಹಲವು ಹೊಸ ಸೌಲಭ್ಯಗಳನ್ನು ಸೇರಿಸಲಾಗಿದೆ.

* about:permissions ಮೂಲಕ ಪ್ರತಿ ವೆಬ್ ತಾಣಗಳಿಗೂ ಪ್ರತ್ಯೇಕ ಅನುಮತಿ ನಿಯಂತ್ರಕವನ್ನು ಸ್ಥಾಪಿಸಬಹುದು. ಇದರಿಂದ ಕುಕಿಸ್ ಸ್ವೀಕರಿಸಲು, ಪಾಸ್ ವರ್ಡ್ ಸೇವ್ ಮಾಡಲು ಅನುಕೂಲವಾಗುತ್ತದೆ.
* site identity block ಮೂಲಕ ಬಳಕೆದಾರರು ಬ್ರೌಸ್ ಮಾಡುತ್ತಿರುವ ವೆಬ್ ತಾಣ ಅಧಿಕೃತವೇ? ಫಿಸಿಂಗ್ ಸೈಟ್ ಅಥವಾ ಹ್ಯಾಕರ್ ಗಳ ಜಾಲತಾಣವೇ ಎಂದು ಸುಲಭವಾಗಿ ತಿಳಿದು ಬ್ರೌಸರ್ ಅನ್ನು ಸುರಕ್ಷಿತಗೊಳಿಸಬಹುದು.
* ಫೈರ್ ಫಾಕ್ಸ್ 5 ಗೆ ಹೋಲಿಸಿದರೆ ಟ್ಯಾಬ್ ಗ್ರೂಪಿಂಗ್ ಹೆಚ್ಚು ಪರಿಣಾಮಕಾರಿಯಾಗಿ ಮಾಡಲಾಗಿದೆ.
* ಫೈರ್ ಫಾಕ್ಸ್ ಸಿಂಕ್ ಮೂಲಕ ಡೆಸ್ಕ್ ಟಾಪ್ ಹಾಗೂ ಮೊಬೈಲ್ ಗೆ ಬುಕ್ ಮಾರ್ಕ್, ಹಿಸ್ಟರಿ, ಪಾಸ್ ವರ್ಡ್ ಹಾಗೂ ಇತರೆ ಸೆಟ್ಟಿಂಗ್ ಗಳನ್ನು ಸುಲಭವಾಗಿ ವರ್ಗಾಯಿಸಬಹುದು.
* ಆಂಡ್ರ್ಯಾಯ್ಡ್ ಆವೃತ್ತಿಯಲ್ಲಿ ಸ್ವಲ್ಪ ಬದಲಾವಣೆ ಮಾಡಲಾಗಿದ್ದು, ಇತರೆ ಬ್ರೌಸರ್ ಗಳಿಗೆ ಹೋಲಿಸಿದರೆ ಶೀಘ್ರವಾಗಿ ಫೈರ್ ಫಾಕ್ಸ್ ಕಾರ್ಯನಿರ್ವಹಿಸುತ್ತದೆ.
* ಸರ್ವರ್ ಹಾಗೂ ಬ್ರೌಸರ್ ಗಳ ನಡುವೆ ಸಂವಹನಕ್ಕೆ ಸೂಕ್ತ ಅವಕಾಶ ಕಲ್ಪಿಸಲಾಗಿದ್ದು ಹಲವು APIಗಳು ಹಾಗೂ ವೆಬ್ ಸಾಕೆಟ್ ಗಳು ವೆಬ್ ಡೆವಲಪರ್ ಗಳಿಗೆ ನೆರವಾಗಲಿದೆ.

ಗೂಗಲ್ ಕ್ರೋಮ್ 13 ಬಿಡುಗಡೆಗೊಂಡ ಕೆಲ ದಿನಗಳಲ್ಲೇ ಫೈರ್ ಫಾಕ್ಸ್ 6 ಬಿಡುಗಡೆಗೊಂಡಿರುವುದು ಪೈಪೋಟಿ ಹೆಚ್ಚಿಸಿದೆ. ಇಂಟರ್ ನೆಟ್ ಎಕ್ಸ್ ಪ್ಲೋರರ್ malware ಗಳ ಕಾಟ ತಡೆಗಟ್ಟುವಲ್ಲಿ ಅಗ್ರಸ್ಥಾನ ಗಳಿಸಿರುವುದು ಫೈರ್ ಫಾಕ್ಸ್ ಗೆ ಎಚ್ಚರಿಕೆ ಗಂಟೆಯಾಗಿದ್ದರೂ ಫೈರ್ ಫಾಕ್ಸ್ 6 ರಲ್ಲಿ ಹೆಚ್ಚಿನ ಸುರಕ್ಷತೆ ಕಲ್ಪಿಸಲಾಗಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ. ಫೈರ್ ಫಾಕ್ಸ್ 6 ಡೌನ್ ಲೋಡ್ ಮಾಡಿಕೊಳ್ಳಿ.

English summary
The Firefox maker Mozilla has announced the launch of the latest version of its popular web browser Firefox 6. The new version Firefox 6 brings security updates and notable changes from the previous versions.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X