ಉಸಿರುಗಟ್ಟಿರುವ ಬೆಂಗಳೂರಿಗೆ 40 ಸಾವಿರ ಹೆಚ್ಚು ಆಟೋ
"2-ಸ್ಟ್ರೋಕ್ ಇಂಜಿನ್ ಇರುವ ಹಳೆ ಆಟೋಗಳು ಮಾಲಿನ್ಯ ಹೆಚ್ಚಿಸುತ್ತಿವೆ. ಅಲ್ಲದೆ, ನಾಗರಿಕರು ಕೂಡ 4-ಸ್ಟ್ರೋಕ್ ಇಂಜಿನ್ ಇರುವ 'ಗ್ರೀನ್ ಆಟೋ'ಗಳನ್ನೇ ಜಾರಿಗೆ ತರಬೇಕೆಂದು ಶಿಫಾರಸು ಮಾಡುತ್ತಿದ್ದಾರೆ. ಹಳೆ ಮೀಟರುಗಳಿಂದ ಮೋಸವಾಗುತ್ತಿರುವ ಬಗ್ಗೆಯೂ ದೂರುಗಳು ಬಂದಿವೆ" ಎಂದು ಅಶೋಕ್ ಮಂಗಳವಾರ ಬೆಂಗಳೂರಿನಲ್ಲಿ ನುಡಿದರು.
ಇದೇ ನಿಟ್ಟಿನಲ್ಲಿ 40 ಸಾವಿರ ಹೆಚ್ಚಿಗೆ 'ಗ್ರೀನ್ ಆಟೋ'ಗಳಿಗೆ ನಗರದಲ್ಲಿ ಓಡಿಸಲು ಪರವಾನಗಿ ನೀಡಲು ಚಿಂತಿಸಲಾಗುತ್ತಿದೆ. ಹಾಗೆಯೆ, ಇನ್ನು ಮುಂದೆ ಗ್ರೀನ್ ಆಟೋ ಓಡಿಸುವವರು ಪರ್ಮಿಟ್ ಗಾಗಿ 30,000 ರು. ಬದಲಾಗಿ ಕೇವಲ 300 ರು. ನೀಡಬೇಕಾಗುತ್ತದೆ. ಹಳೆ ಆಟೋಗಳು ತೊಲಗಿ ಗ್ರೀನ್ ಆಟೋಗಳು ಬಂದರೆ ಶೇ.50ರಷ್ಟು ಮಾಲಿನ್ಯ ನಿಯಂತ್ರಣಕ್ಕೆ ಬರುತ್ತದೆ ಎಂದು ಅಶೋಕ್ ಅಭಿಪ್ರಾಯಪಟ್ಟರು.
ವಾಹನ ಸಂಖ್ಯಾಸ್ಫೋಟದಿಂದ ಉಸಿರುಗಟ್ಟಿರುವ ಬೆಂಗಳೂರಿಗೆ 40,000 ಹೆಚ್ಚಿಗೆ ಆಟೋಗಳು ಬೇಕಾ? ಸರಕಾರ ನೀಡುವ 15,000 ಬಹುಮಾನದ ಆಸೆಗೆ ಹಳೆ ಮೀಟರ್ ಇರುವ ಆಟೋ ಚಾಲಕರು ತಮ್ಮ ಹಳೆ ವಾಹನವನ್ನು ಮಾರಲು ಮುಂದೆ ಬರುತ್ತಾರಾ? ಇಷ್ಟೊಂದು ಆಟೋಗಳು ರಸ್ತೆಗಿಳಿದರೆ ವಾಯುಮಾಲಿನ್ಯ ನಿಯಂತ್ರಣ ಸಾಧ್ಯವೆ? [ಜು.22ರ ಆಟೋ ಮುಷ್ಕರ ರದ್ದು]