ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಆಸ್ಟ್ರೇಲಿಯಾ ಯುವತಿಯ ಅತ್ಯಾಚಾರ: ಇಬ್ಬರ ಬಂಧನ

By * ಬಿ.ಎಂ.ಲವಕುಮಾರ್, ಮೈಸೂರು
|
Google Oneindia Kannada News

Rape victim, Australian woman
ಮೈಸೂರು, ಜೂ. 27 : ಪ್ರವಾಸಿ ವೀಸಾದಡಿ ಮೈಸೂರಿಗೆ ಬಂದಿದ್ದ ಆಸ್ಟ್ರೇಲಿಯಾ ಯುವತಿಯ ಮೇಲೆ ಅತ್ಯಾಚಾರ ಎಸಗಿದ ಆರೋಪದಡಿ ಚೆನ್ನಪಟ್ಟಣ ಮೂಲದ ಇಬ್ಬರು ಯುವಕರನ್ನು ಇಲ್ಲಿನ ಲಕ್ಷ್ಮಿಪುರಂ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಆಸ್ಟ್ರೇಲಿಯಾದ 23 ವರ್ಷದ ಯುವತಿ ಮರ್ಸಿ ಲೂಜ್ ಎಂಬಾಕೆಯೇ ಅತ್ಯಾಚಾರಕ್ಕೀಡಾದವಳು. ಈಕೆ ಭಾರತದ ಪ್ರವಾಸಕ್ಕಾಗಿ ಆರು ತಿಂಗಳ ವೀಸಾದಲ್ಲಿ ಬಂದಿದ್ದಳು. ಎಲ್ಲೆಡೆ ಸುತ್ತಾಡಿದ ಈಕೆ ಇತ್ತೀಚೆಗೆ ಬೆಂಗಳೂರಿಗೆ ಬಂದಿದ್ದಳು. ಆ ನಂತರ ಜೂನ್ 12ರಂದು ಮೈಸೂರಿಗೆ ಬಂದ ಈಕೆ ಇಲ್ಲಿರುವ ಪ್ರೇಕ್ಷಣೀಯ ತಾಣಗಳನ್ನು ವೀಕ್ಷಿಸಿದ್ದಳು. ಅಲ್ಲದೆ ಹೋಟೆಲ್‌ನಲ್ಲಿ ರೂಂ ಪಡೆದು ತಂಗುವ ಬದಲು ಮೈಸೂರಿನ ಲಕ್ಷ್ಮಿಪುರಂನ ವಕೀಲರೊಬ್ಬರ ಮನೆಯಲ್ಲಿ ಕೊಠಡಿಯೊಂದನ್ನು ಬಾಡಿಗೆ ಪಡೆದು ತಂಗಿದ್ದಳು.

ಈಕೆ ಜೂನ್ 17ರಂದು ಹೊರಗೆ ಹೋಗಿ ಹೋಟೆಲ್‌ನಲ್ಲಿ ಕಾಫಿ ಕುಡಿಯುತ್ತಿದ್ದಾಗ ವಿಶ್ವಾಸ್ ಎಂಬಾತ ಈಕೆಯನ್ನು ಪರಿಚಯಿಸಿಕೊಂಡಿದ್ದನು. ಇಂಗ್ಲಿಷ್ ಭಾಷೆಯನ್ನು ಆತ ಚೆನ್ನಾಗಿ ಮಾತನಾಡುತ್ತಿದ್ದುದರಿಂದ ಆಕೆ ಅವನಿಂದ ಹೆಚ್ಚಿನ ಮಾಹಿತಿ ಪಡೆಯಲು ಸಾಧ್ಯವಾಗುತ್ತದೆ ಎಂಬ ಹಿನ್ನಲೆಯಲ್ಲಿ ಮೊಬೈಲ್ ನಂಬರ್ ನೀಡಿದ್ದಳು. ಮಾತನಾಡುತ್ತಲೇ ಆಕೆಯ ವಿಶ್ವಾಸಗಳಿಸಿದ ಆತ ಅವಳ ಮೇಲೆ ಅತ್ಯಾಚಾರ ಎಸಗಲು ಸ್ಕೆಚ್ ಹಾಕಿದ್ದನು.

ಆಕೆ ಜೂನ್ 24ರಂದು ಬೆಂಗಳೂರಿನಲ್ಲಿರುವ ತನ್ನ ಗೆಳತಿ ಮನೆಗೆ ಹೋಗುವುದಾಗಿ ವಿಶ್ವಾಸ್‌ಗೆ ತಿಳಿಸಿದ ಸಂದರ್ಭ ಆತ ನಾನೇ ಕಾರಿನಲ್ಲಿ ಬೆಂಗಳೂರಿಗೆ ಕರೆದೊಯ್ಯುವುದಾಗಿ ತಿಳಿಸಿದ್ದಾನೆ. ಆದರೆ ಆಕೆ ನಾನು ಬರುವುದಿಲ್ಲ ಬಸ್‌ನಲ್ಲಿ ಹೋಗುವುದಾಗಿ ತಿಳಿಸಿ ಮೈಸೂರಿನಿಂದ ಬೆಂಗಳೂರಿಗೆ ಕೆಎಸ್‌ಆರ್‌ಟಿಸಿ ಬಸ್ಸನ್ನೇರಿದ್ದಳು. ಆದರೆ ಪದೇ ಪದೇ ಆಕೆಗೆ ಫೋನ್ ಮಾಡಿದ ವಿಶ್ವಾಸ್ ಆಕೆಯನ್ನು ಚನ್ನಪಟ್ಟಣದಲ್ಲಿ ಬಸ್‌ನಿಂದ ಇಳಿಸಿ ತನ್ನ ಕಾರಿಗೆ ಹತ್ತಿಸಿಕೊಂಡಿದ್ದಾನೆ.

ಬಳಿಕ ಊಟ ಮಾಡುವ ನೆಪದಲ್ಲಿ ಚೆನ್ನಪಟ್ಟಣದ ನ್ಯೂ ಐರೀಸ್ ಲಾಡ್ಜ್‌ಗೆ ಕರೆದೊಯ್ದಿದ್ದಾನೆ. ಅಲ್ಲಿ ಇವನೊಂದಿಗೆ ಇನ್ನೊಬ್ಬ ಗೆಳೆಯ ಚಂದ್ರ ಎಂಬಾತ ಸೇರಿಕೊಂಡಿದ್ದಾನೆ. ಅಲ್ಲಿ ಮದ್ಯ ಸೇವಿಸಿದ ಬಳಿಕ ವಿದೇಶಿ ಯುವತಿ ಮರ್ಸಿ ಲೂಜ್ ಮೇಲೆ ಅತ್ಯಾಚಾರ ಎಸಗಿದ್ದಾರೆ. ಅವರಿಂದ ತಪ್ಪಿಸಿಕೊಂಡು ಹೋಗುವ ಸಂದರ್ಭ ಲಾಡ್ಜ್‌ನ ಮಾಲೀಕರ ಸಂಬಂಧಿ ಶೃಂಖಲ್ ಗೌಡ ಎಂಬಾತ ಸಹಾಯ ಮಾಡುವುದಾಗಿ ಆಕೆಯನ್ನು ನಂಬಿಸಿ ಆತನೂ ಕೂಡ ಆಕೆಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ. ಅವರೆಲ್ಲರಿಂದ ತಪ್ಪಿಸಿಕೊಂಡು ಮೈಸೂರಿಗೆ ಬಂದ ಮರ್ಸಿ ಲೂಜ್ ಲಕ್ಷ್ಮಿಪುರಂ ಠಾಣೆಗೆ ತೆರಳಿ ದೂರು ನೀಡಿದ್ದಾಳೆ.

ದೂರು ದಾಖಲಿಸಿಕೊಂಡ ಲಕ್ಷ್ಮಿಪುರಂ ಠಾಣೆ ಇನ್ಸ್‌ಪೆಕ್ಟರ್ ಸೂರ್ಯನಾರಾಯಣ್ ರಾವ್ ಹಾಗೂ ಎನ್.ಆರ್.ಠಾಣೆ ಇನ್ಸ್‌ಪೆಕ್ಟರ್ ಯಶವಂತ್‌ಕುಮಾರ್ ಅವರು ಕಾರ್ಯಾಚರಣೆ ನಡೆಸಿದ್ದು ಆರೋಪಿಗಳಾದ ವಿಶ್ವಾಸ್ ಹಾಗೂ ಚಂದ್ರ ಎಂಬಿಬ್ಬರನ್ನು ಬಂಧಿಸಿದ್ದಾರೆ. ಮತ್ತೊಬ್ಬ ತಲೆಮರೆಸಿಕೊಂಡಿರುವ ಆರೋಪಿಯ ಪತ್ತೆಗೆ ಬಲೆ ಬೀಸಿದ್ದಾರೆ.

English summary
2 youth have been arrested by Lakshmipuram police in Mysore in connection with rape of 23-year-old australian woman at Channapattana lodge on June 24. Police hunting for one more person, who is absconding.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X