• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

14 ಗಣಿಗಳ ಪೈಕಿ 11 ಬಂದ್ : ಗಣಿ ಗಡಿ ಒತ್ತುವರಿ ಕಾರಣ

By Rohini Bellary
|

ಬಳ್ಳಾರಿ, ಜೂ. 16 : ಸುಪ್ರೀಂ ಕೋರ್ಟ್ ನಿರ್ದೇಶನದ ಮೇರೆಗೆ ಜಿಲ್ಲೆಯಲ್ಲಿ 99 ಗಣಿಗಳ ಸರ್ವೆ ನಡೆಸುತ್ತಿರುವ ಸಿಇಸಿ ತಂಡದ ಶಿಫಾರಸಿನ ಮೇರೆಗೆ 14 ಗಣಿಗಳ ಪೈಕಿ 11 ಗಣಿಗಳ ಚಟುವಟಿಕೆಯನ್ನು ಸ್ಥಗಿತಗೊಳಿಸಲು ಗಣಿ ಮತ್ತು ಭೂ ವಿಜ್ಙಾನ ಇಲಾಖೆಯ ನಿರ್ದೇಶಕ ಶ್ರೀನಿವಾಸ್ ಅವರು ಗುರುವಾರ ಆದೇಶ ಜಾರಿ ಮಾಡಲಿದ್ದಾರೆ.

ಈ ಕುರಿತು ಉನ್ನತ ಮೂಲಗಳು ಮಾಹಿತಿ ನೀಡಿದ್ದು, ಜಿಲ್ಲೆಯ 99 ಗಣಿಗಳ ಸರ್ವೆಗೆ ಸುಪ್ರೀಂ ಕೋರ್ಟ್ ಸಿಇಸಿಗೆ ನೀಡಿರುವ ಅಧಿಕಾರದಂತೆ ಜಿಲ್ಲೆಯ ಸಂಡೂರು ಮತ್ತು ಹೊಸಪೇಟೆ ತಾಲೂಕಿನ ಸ್ವಾಮಿಮಲೈ ಬ್ಲಾಕ್, ನಾರ್ಥಈಸ್ಟ್ ಬ್ಲಾಕ್ ಮತ್ತು ರಮಣಮಲೈ ಬ್ಲಾಕ್‌ನ ಒಟ್ಟು 14 ಗಣಿಗಳ ಸರ್ವೆ ಕಾರ್ಯ ಪೂರ್ಣಗೊಂಡಿದೆ.

ಸಿಇಸಿಯ ನೇತೃತ್ವ ಮತ್ತು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ನಿರ್ದೇಶಕ ನಿರ್ದೇಶನದಲ್ಲಿ ನಡೆದ ಗಣಿ ಸರ್ವೆಯಲ್ಲಿ 14 ಗಣಿಗಳ ಪೈಕಿ 11 ಗಣಿಗಳು ಗಡಿಯನ್ನು ಒತ್ತುವರಿ ಮಾಡಿ ವ್ಯಾಪಕ ಗಣಿಗಾರಿಕೆ ನಡೆಸಿವೆ. ಈ ಹಿನ್ನೆಲೆಯಲ್ಲಿ ಸುಪ್ರೀಂ ಕೋರ್ಟ್ ಆದೇಶದಂತೆ, ಗಣಿ ಒತ್ತುವರಿ ಮಾಡಿರುವ ಗಣಿಗಳ ಚಟುವಟಿಕೆಗಳನ್ನು ಸಂಪೂರ್ಣ ಸ್ಥಗಿತಗೊಳಿಸಲು ಆದೇಶ ಜಾರಿ ಆಗಲಿದೆ.

ವೀರಭದ್ರಪ್ಪ ಅಂಡ್ ಸನ್ಸ್‌ನ (ವೆಸ್ಕೋಸ್)ನ ಒಂದು ಲೀಸ್, ವಿಎಂಕೆ ಮೆನನ್ ಮತ್ತು ವಿಕೆಜಿ ಮೈನ್ಸ್‌ಗಳು ಸರ್ಕಾರ ನೀಡಿರುವ ಪ್ರದೇಶದಲ್ಲಿ ಮಾತ್ರ ಗಣಿಗಾರಿಕೆ ನಡೆಸುತ್ತಿವೆ. ಈ ಕಂಪನಿಗಳು ಎಲ್ಲಿಯೂ ಗಣಿ ಗಡಿ ಒತ್ತುವರಿ ಮಾಡಿಲ್ಲ. ಈ ಹಿನ್ನಲೆಯಲ್ಲಿ ಈ ಮೂರು ಗಣಿಗಳು ಚಟುವಟಿಕೆಗಳನ್ನು ಮುಂದುವರೆಸಲಿವೆ.

ಹೊತ್ತೂರು ಟ್ರೇಡರ‍್ಸ್, ವಿಎಸ್ ಲಾಡ್‌ನ ಒಂದು ಲೀಸ್, ಶ್ರೀ ಕುಮಾರಸ್ವಾಮಿ ಮೈನ್ಸ್ ಅಂಡ್ ಮಿನರಲ್ಸ್, ಚೌಗಲೆ, ಲಕ್ಷ್ಮೀನಾರಾಯಣ ಮೈನಿಂಗ್ ಕಂಪನಿ, ಟಿಫಿನ್ ಬ್ಯಾರಟೀಸ್, ಬಿ.ಆರ್. ಯೋಗರಾಜ್ ಸಿಂಗ್, ಎಚ್.ಆರ್. ಗವಿಯಪ್ಪ ಮೈನ್ಸ್, ಬಿಎಂಎಂ ಮತ್ತು ವೀರಭದ್ರಪ್ಪ ಅಂಡ್ ಸನ್ಸ್‌ನ ಮತ್ತೊಂದು ಲೀಸ್ (ವೆಸ್ಕೋಸ್)ಗಳ ರದ್ದತಿಗೆ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ನಿರ್ದೇಶಕರು ಆದೇಶ ನೀಡಲಿದ್ದಾರೆ.

ಕಾನೂನು ಸಮರ : ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ನಿರ್ದೇಶಕ ಶ್ರೀನಿವಾಸ್ ಅವರು ಪ್ರಕಟಿಸಲಿರುವ ಗಣಿ ಚಟುವಟಿಕೆಗಳ ರದ್ದು ಮತ್ತು ಅನುಮತಿ ರದ್ದತಿ ಆದೇಶವನ್ನು ಪ್ರಶ್ನಿಸಿ ಗಣಿ ಕಂಪನಿಗಳು ಹೊಸ ಕಾನೂನು ಸಮರ ನಡೆಸಲಿವೆ. ಅಲ್ಲದೇ, ಈ ಗಣಿ ಸಮರ ಇಷ್ಟಕ್ಕೇ ನಿಲ್ಲದೇ ಹೊಸ ತಿರುವುಗಳನ್ನು ಪಡೆಯಲಿದೆ ಎಂದೇ ವಿಶ್ಲೇಷಿಸಲಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
11 out of 14 mines, which are into illegal mining in Bellary district, are to be closed as per recommendations of Central Enforcement Committee appointed by Supreme Court of India. Supreme Court of India has ordered CEC to conduct survey of 99 illegal mines in Bellary district.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more