• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಛೇ! ವಿಂಡೀಸ್ ತಂಡದಲ್ಲಿ ಗೇಲ್ ಗೆ ಸ್ಥಾನವಿಲ್ಲ!

By Mahesh
|
Chris Gayle
ಸೇಂಟ್ ಜಾನ್ಸ್(ಆಂಟಿಗುವಾ), ಮೇ 31: ಐಪಿಎಲ್‌ 4 ರಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿ ಸರಣಿ ಶ್ರೇಷ್ಠ ಎನಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾದ ಗೇಲ್ ಸಂಭ್ರಮಿಸಿದ್ದರು. ಆದರೆ ಗೇಲ್ ತವರೂರಲ್ಲಿ ಗೇಲ್ ಸಾಧನೆಗೆ ತಕ್ಕ ಮನ್ನಣೆ ಸಿಕ್ಕಿಲ್ಲ. ಭಾರತ ವಿರುದ್ಧ ನಡೆಯುವ ಟ್ವೆಂಟಿ-20 ಹಾಗೂ ಮೊದಲ ಎರಡು ಏಕದಿನ ಪಂದ್ಯಗಳಿಗೆ ವಿಂಡೀಸ್ ತಂಡವನ್ನು ಪ್ರಕಟಿಸಲಾಗಿದ್ದು, ಸ್ಫೋಟಕ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಅವರನ್ನು ಆಯ್ಕೆದಾರರು ಕಡೆಗಣಿಸಿದ್ದಾರೆ. ಮನೆಗೆ ಮಾರಿ, ಪರರಿಗೆ ಉಪಕಾರಿ ಎಂಬಂತಾಗಿದೆ ಗೇಲ್ ಪಾಡು.

ಪಾಕಿಸ್ತಾನ ವಿರುದ್ಧದ ಸರಣಿಗೆ ತನ್ನನ್ನು ಆಯ್ಕೆ ಮಾಡದ ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ ಮತ್ತು ಆಯ್ಕೆ ಸಮಿತಿ ಮೇಲೆ ಗೇಲ್ ಕಿಡಿಕಾರಿದ್ದರು.ನಂತರ ಅದೇ ಸಿಟ್ಟಲ್ಲಿ ಗೇಲ್ ಭಾರತಕ್ಕೆ ಬಂದು ಐಪಿಎಲ್ ನಾಲ್ಕನೆ ಆವೃತ್ತಿಯಲ್ಲಿ ಎದುರಾಳಿ ಬೌಲರ್ ಗಳನ್ನು ಹಿಗ್ಗಾ ಮುಗ್ಗಾ ಥಳಿಸಿದ್ದರು. ಟ್ವೆಂಟಿ 20 ಕ್ರಿಕೆಟ್ ಸರಣಿಯಲ್ಲಿ 6 ಬಾರಿ ಪಂದ್ಯ ಶ್ರೇಷ್ಠ ಎನಿಸಿ ದಾಖಲೆ ಮೆರೆದರು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ 12 ಪಂದ್ಯಗಳಲ್ಲಿ 608 ರನ್ ದಾಖಲಿಸಿ ತಂಡಕ್ಕೆ ಹೊಸ ಹುರುಪು ನೀಡಿ ಫೈನಲ್ ವರೆಗೂ ತಲುಪುವಂತೆ ಮಾಡಿದರು.

ಆದರೆ, ಇದನ್ನು ಪರಿಗಣಿಸದ ವೆಸ್ಟ್ ಇಂಡೀಸ್ ಆಯ್ಕೆ ಸಮಿತಿ, ಗೇಲ್ ವರ್ತನೆಗೆ ಸ್ಪಷ್ಟನೆ ಕೋರಿದೆ. ನಂತರ ಆಯ್ಕೆ ಬಗ್ಗೆ ನಿರ್ಧರಿಸುವುದಾಗಿ ಹೇಳಿದೆ. ಭಾರತದ ವಿರುದ್ಧದ ಟ್ವೆಂಟಿ 20 ಪಂದ್ಯ ಜೂನ್ 4ರಂದು ನಡೆಯಲಿದ್ದು, ಮೊದಲ ಏಕದಿನ ಪಂದ್ಯಗಳು ಜೂ.6 ಮತ್ತು 8ರಂದು ಪೋರ್ಟ್ ಆಫ್ ಸ್ಪೇನ್‌ನಲ್ಲಿ ನಿಗದಿಯಾಗಿದೆ. ಐಪಿಎಲ್ ನಲ್ಲಿ ಆಡಿದ ಕಿರೋನ್ ಪೊಲಾರ್ಡ್ ಮತ್ತು ಡ್ವಾಯ್ನೆ ಬ್ರಾವೊ ಏಕದಿನ ತಂಡದಲ್ಲಿ ಮಾತ್ರ ಆಯ್ಕೆಯಾಗಿದ್ದಾರೆ.

ವೆಸ್ಟ್‌ಇಂಡೀಸ್ ಟ್ವೆಂಟಿ 20 ತಂಡ: ಡರೆನ್ ಸಮ್ಮಿ(ನಾಯಕ), ಕ್ರಿಸ್ಟೋಫರ್ ಬಾರ್ನ್‌ವೆಲ್, ದೇವೇಂದ್ರ ಬಿಶೊ, ಡರೆನ್ ಬ್ರಾವೊ, ಆಂಡ್ರೆ ಫ್ಲೆಚೆರ್, ಡಂಝಾ ಹ್ಯಾಟ್, ಅಶ್ಲೆ ನರ್ಶ್, ರವಿ ರಾಂಪಾಲ್, ಆ್ಯಂಡ್ರೆ ರಸ್ಸೆಲ್, ಮಾರ್ಲೊನ್ ಸ್ಯಾಮುವೆಲ್ಸ್, ಕ್ರಿಶ್‌ಮಾರ್ ಸಾಂಟೊಕಿಯಾ, ಲೆಂಡ್ಲೆ ಸಿಮೊನ್ಸ್.

ಏಕದಿನ ತಂಡ: ಡರೆನ್ ಸಮ್ಮಿ (ನಾಯಕ), ಡ್ವೆಯ್ನೆ ಬ್ರಾವೊ(ಉಪನಾಯಕ), ಕಿರೊನ್ ಪೊಲಾರ್ಡ್,ಕಾರ್ಲ್ಟನ್ ಬೌ, ಅಂಟನಿ ಮಾರ್ಟಿನ್, ದೇವೆಂದ್ರ ಬಿಶೊ, ಡರೆನ್ ಬ್ರಾವೊ, ಕಿರ್ಕ್ ಎಡ್ವರ್ಡ್,ರವಿ ರಾಂಪಾಲ್, ಆಆಂಡ್ರ್ಯೂರಸ್ಸೆಲ್, ಮಾರ್ಲೊನ್ ಸಾಮುವೆಲ್ಸ್, ರಾಮನರೇಶ್ ಸರವಣ್,ಲಿಂಡ್ಲೆ ಸಿಮೊನ್ಸ್.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Chris Gayle may have left the Indian Premier League on an incredible high. But Gayle was left out of the squads announced for the lone Twenty20 and the first two one-dayers against India starting June 4.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more