• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಗೆಲುವಿನ ಓಘ: ಸಾನಿಯಾ ಸೆಮೀಸ್, ಬೋಪಣ್ಣ ಕ್ವಾರ್ಟರ್ ಗೆ

By Srinath
|

Sania Mirza, Rohan Bopan
ಪ್ಯಾರಿಸ್‌ , ಮೇ 31: ಫ್ರೆಂಚ್‌ ಓಪನ್‌ ಪುರುಷರ ಮತ್ತು ಮಹಿಳೆಯರ ಡಬಲ್ಸ್‌ನಲ್ಲಿ ಸಾನಿಯಾ ಮಿರ್ಜಾ ಮತ್ತು ರೋಹನ್‌ ಬೋಪಣ್ಣ ಗೆಲುವಿನ ಓಟ ಮುಂದುವರಿಸಿದ್ದಾರೆ. ಸಾನಿಯಾ ಮಿರ್ಜಾ-ಎಲೆನಾ ವೆಸ್ನಿನಾ ಸೆಮಿಫೈನಲ್‌ಗೆ ಲಗ್ಗೆಯಿರಿಸಿದರೆ, ಇಂಡೊ-ಪಾಕ್‌ ಜೋಡಿ ರೋಹನ್‌ ಬೋಪಣ್ಣ-ಐಸಮ್‌ ಉಲ್‌ ಹಕ್‌ ಕುರೇಶಿ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶ ಪಡೆದಿದ್ದಾರೆ.

ಸಾನಿಯಾ ಅವರು ಗ್ರ್ಯಾಂಡ್ ಸ್ಲಾಮ್ ಟೂರ್ನಿಯೊಂದರಲ್ಲಿ ಮಹಿಳೆಯರ ಡಬಲ್ಸ್ ವಿಭಾಗದ ಸೆಮಿಫೈನಲ್ ಪ್ರವೇಶಿಸಿದ್ದು ಇದೇ ಮೊದಲು. ಈ ಹಿಂದೆ 2007ರ ಅಮೆರಿಕ ಓಪನ್ ಮತ್ತು 2008ರ ವಿಂಬಲ್ಡನ್ ಟೂರ್ನಿಯಲ್ಲಿ ಅವರು ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದರು.

ಸೋಮವಾರದ ಕ್ವಾರ್ಟರ್ ಫೈನಲ್‌ ಸೆಣಸಾಟದಲ್ಲಿ 7ನೇ ಶ್ರೇಯಾಂಕಿತ ಸಾನಿಯಾ ಮಿರ್ಜಾ ಹಾಗೂ ರಷ್ಯಾದ ಎಲೆನಾ ವೆಸ್ನಿನಾ ನಂ. 1 ಜೋಡಿಯೆನಿಸಿದ ಆರ್ಜೆಂಟೈನಾದ ಗಿಸೆಲಾ ಡುಲ್ಕೊ- ಇಟಲಿಯ ಫ್ಲಾವಿಯಾ ಪೆನ್ನೆಟ್ಟಾ ವಿರುದ್ಧ 6-0, 7-5 ಅಂತರದ ನೇರ ಸೆಟ್‌ಗಳ ಜಯ ದಾಖಲಿಸಿದರು.

ಇದಕ್ಕೂ ಮೊದಲು ನಡೆದ ಪುರುಷರ ಡಬಲ್ಸ್‌ನಲ್ಲಿ 5ನೇ ಶ್ರೇಯಾಂಕಿತ ಜೋಡಿಯಾದ ಬೋಪಣ್ಣ-ಕುರೇಶಿ ಯಾವುದೇ ಶ್ರೇಯಾಂಕವಿಲ್ಲದ ಖಜಾಕಿಸ್ಥಾನದ ಆಂದ್ರೆ ಗೊಲೊಬೆವ್‌-ಉಜ್ಬೇಕಿಸ್ಥಾನದ ಡೆನ್ನಿಸ್‌ ಇಸ್ತೋಮಿನ್‌ ಅವರನ್ನು 6-3, 7-5 ಅಂತರದ ನೇರ ಸೆಟ್‌ಗಳಲ್ಲಿ ಕೆಡವಿತು. ಈ ಮುಖಾಮುಖಿ 69 ನಿಮಿಷಗಳ ಕಾಲ ಸಾಗಿತು.

ಇದು ಕಳೆದ 4 ಗ್ರ್ಯಾಂಡ್ ಸ್ಲಾಮ್ ಕೂಟಗಳಲ್ಲಿ ಬೋಪಣ್ಣ-ಕುರೇಶಿ ಜೋಡಿಯ 3ನೇ ಕ್ವಾರ್ಟರ್ ಫೈನಲ್‌ ಪ್ರವೇಶ. ಇವರಿನ್ನು ಅಮೆರಿಕದ ಅಗ್ರ ಶ್ರೇಯಾಂಕದ ಬ್ರ್ಯಾನ್‌ ಸಹೋದರರ ಸವಾಲನ್ನು ಎದುರಿಸಬೇಕಿದೆ. ಮೈಕ್‌ ಬ್ರ್ಯಾನ್‌-ಬಾಬ್‌ ಬ್ರ್ಯಾನ್‌ ಕೂಡಿಕೊಂಡು ರಷ್ಯಾದ ತೈಮುರಾಜ್‌ ಗಬಶ್ವಿ‌ಲಿ-ಕಜಾಕ್‌ಸ್ಥಾನದ ಮಿಖೈಲ್‌ ಕುಕುಶಿನ್‌ ಅವರನ್ನು 7-6 (6), 7-5 ಅಂಕಗಳಿಂದ ಹಿಮ್ಮೆಟ್ಟಿಸಿದರು. ಬೋಪಣ್ಣ-ಕುರೇಶಿ ಕಳೆದ ವರ್ಷದ ಯುಎಸ್‌ ಓಪನ್‌ನಲ್ಲಿ ಇದೇ ಜೋಡಿಗೆ ಶರಣಾಗಿದ್ದು, ಈ ಸಲ ಸೇಡು ತೀರಿಸಿಕೊಳ್ಳಬಹುದೇ ಎಂಬ ಕುತೂಹಲ ಮೂಡಿದೆ.

ಸದ್ಯ ರೋಹನ್‌ ಬೋಪಣ್ಣ ಪುರುಷರ ಡಬಲ್ಸ್‌ನಲ್ಲಿ ಉಳಿದುಕೊಂಡಿರುವ ಭಾರತದ ಕೊನೆಯ ಸ್ಪರ್ಧಿ. ಪೇಸ್‌-ಭೂಪತಿ ದ್ವಿತೀಯ ಸುತ್ತಿನಲ್ಲಿ ಆಘಾತಕಾರಿ ಸೋಲುಂಡು ನಿರ್ಗಮಿಸಿದ್ದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Sania Mirza in company with Elena Vesnina has reached French Open's semi-finals. This is the highest ever achievement for the lady herself and for Indian ladies in general. Another Indian Rohan Bopanna and his Pak partner Aisam-ul-haq Qureshi advanced to the French Open men's doubles quarterfinals.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more