ಹೊಸ ಲಾಡೆನ್ ಲಂಡನ್ ಮೇಲೆ ಬಾಂಬ್ ಹಾಕ್ತಾನಂತೆ!
ಆಲ್ ಖೈದಾ ಉಗ್ರ ಸಂಘಟನೆಯ ನೂತನ ಮುಖ್ಯಸ್ಥನಾಗಿ ಆಯ್ಕೆಯಾದ ತಕ್ಷಣ ಲಂಡನ್ ಮೇಲೆ ಪ್ರತಿಕಾರ ತೆಗೆದುಕೊಳ್ಳುವಂತೆ ಆದೇಶಿಸಿದ್ದಾನೆ. ಈ ಸುದ್ದಿಯನ್ನು ಆಲ್ ಖೈದಾದ ತಾಲಿಬಾನ್ ವಕ್ತಾರ ಕೂಡ ದೃಢೀಕರಿಸಿದ್ದಾನೆ.
"ನಮ್ಮ ಹೊಸ ನಾಯಕರು ಲಂಡನ್ ವಿರುದ್ಧ ಬೃಹತ್ ಯೋಜನೆ ರೂಪಿಸುವಂತೆ ಆದೇಶಿಸಿದ್ದಾರೆ. ಅಮೆರಿಕವು ಯುರೋಪ್ ದೇಶಗಳ ಬೆನ್ನೆಲುಬು. ಹೀಗಾಗಿ ಮೊದಲು ಅಮೆರಿಕವನ್ನು ಬಗ್ಗುಬಡಿಯಬೇಕಿದೆ ಎಂದು ಆದಿಲ್ ತಿಳಿಸಿದ್ದಾರೆ" ಎಂದು ಆಲ್ ಖೈದಾ ವಕ್ತಾರ ಮಾತನ್ನು ವರದಿಯೊಂದು ಉಲ್ಲೇಖಿಸಿದೆ.
ಸೈಫ್ ಆಲ್-ಆದಿಲ್ ಈಜಿಪ್ಟಿನ ವಿಶೇಷ ಸೇನಾ ಪಡೆಯ ಮಾಜಿ ಯೋಧನಾಗಿದ್ದನು. ಅಫ್ಘಾನಿಸ್ತಾನದಲ್ಲಿ ರಷ್ಯಾ ಪಡೆಗಳ ವಿರುದ್ಧ 1980ರಲ್ಲಿ ಹೋರಾಟ ಮಾಡಿದ್ದ. ಈಗ ಲಾಡೆನ್ ತೆರವಾದ ಸ್ಥಾನದಲ್ಲಿ ಕುಳಿತು ಜಾಗತಿಕವಾಗಿ ಉಗ್ರ ಕೃತ್ಯಗಳನ್ನು ನಡೆಸಲು ಯೋಜಿಸುತ್ತಿದ್ದಾನೆ.
ಆದಿಲ್ ಒಂದೊಮ್ಮೆ ಒಸಾಮಾ ಬಿನ್ ಲಾಡೆನ್ ನ ಭದ್ರತಾ ಮುಖ್ಯಸ್ಥನಾಗಿಯೂ ಕಾರ್ಯನಿರ್ವಹಿಸಿದ್ದಾನೆ. 2001ರಿಂದ ಎಫ್ ಬಿಐಗೆ ಮೋಸ್ಟ್ ವಾಂಟೆಡ್ ವ್ಯಕ್ತಿಯಾಗಿರುವ ಈತನ ತಲೆಗೆ 30 ಲಕ್ಷ ಪೌಂಡ್ ಬೆಲೆ ಕಟ್ಟಲಾಗಿದೆ.