• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸಿಡಬ್ಲ್ಯೂಜಿ ಹಗರಣ : ಸಿಬಿಐನಿಂದ ಕಲ್ಮಾಡಿ ಬಂಧನ

By Prasad
|

ನವದೆಹಲಿ, ಏ. 25 : ಕಳೆದ ವರ್ಷ ಅಕ್ಟೋಬರ್ ನಲ್ಲಿ ನಡೆದ ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ಭ್ರಷ್ಟಾಚಾರ ನಡೆಸಿರುವ ಆರೋಪದ ಮೇಲೆ ಕಾಂಗ್ರೆಸ್ ನ ಪುಣೆ ಸಂಸದ ಸುರೇಶ್ ಕಲ್ಮಾಡಿ ಅವರನ್ನು ಸಿಬಿಐ ಇಂದು ಬಂಧಿಸಿದೆ. ಅವರ ಮೇಲೆ ಭಾರತೀಯ ದಂಡ ಸಂಹಿತೆಯ 120ಬಿ (ಅಪರಾಧಿ ಸಂಚು) ಮತ್ತು 420 (ವಂಚನೆ) ಸೆಕ್ಷನ್ ಅಡಿಯಲ್ಲಿ ಅವರನ್ನು ಬಂಧಿಸಲಾಗಿದೆ.

ಕಲ್ಮಾಡಿ ಅವರ ಬಂಧನವಾದ ಕೂಡಲೆ ಅವರನ್ನು ಪ್ರಾಥಮಿಕ ಸದಸ್ಯತ್ವದಿಂದ ಕಾಂಗ್ರೆಸ್ ಅಮಾನತು ಮಾಡಿದೆ. ಕಾಮನ್ ವೆಲ್ತ್ ಹಗರಣ ಬೆಳಕಿಗೆ ಬರುತ್ತಿದ್ದಂತೆಯೇ ಕಳೆದ ವರ್ಷ ನವೆಂಬರ್ ನಲ್ಲಿ ಅವರನ್ನು ಕಾಂಗ್ರೆಸ್ ಸಂಸದೀಯ ಪಕ್ಷದಿಂದ ಕಿತ್ತುಹಾಕಲಾಗಿತ್ತು. ಅವರನ್ನು ಮಂಗಳವಾರ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತಿದೆ.

ಭ್ರಷ್ಟಾಚಾರ ಮತ್ತು ಅತ್ಯಂತ ಕಳಪೆ ಕಾಮಗಾರಿಯಿಂದಾಗಿ ಕಾಮನ್ ವೆಲ್ತ್ ಕ್ರೀಡಾಕೂಟ ಭಾರತದ ಪ್ರತಿಷ್ಠೆಗೆ ಮಸಿ ಬಳಿದಿತ್ತು. ಕ್ರೀಡಾಕೂಟದ ಸಲಕರಣೆಗಳಿಗಾಗಿ ಮತ್ತು ಇನ್ನಿತರ ಸೇವೆಗಳಿಗಾಗಿ ಕೂಟದ ಸಂಘಟನಾ ಸಮಿತಿಯ ಅಧ್ಯಕ್ಷರಾಗಿದ್ದ ಕಲ್ಮಾಡಿ, ಅತ್ಯಂತ ದುಬಾರಿ ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದರು. ಟೈಮಿಂಗ್-ಸ್ಕೋರಿಂಗ್-ರಿಸಲ್ಟ್ಸ್ ಸಲಕರಣೆಗಾಗಿ ಸ್ವಿಸ್ ಸಂಸ್ಥೆಯೊಂದಿಗೆ ಕಲ್ಮಾಡಿ ಒಳಒಪ್ಪಂದ ಮಾಡಿಕೊಂಡಿದ್ದರೆಂಬುದು ಆರೋಪ.

ನಾಲ್ಕನೇ ಬಾರಿ ಕಲ್ಮಾಡಿಯನ್ನು ವಿಚಾರಣೆಗೆ ಗುರಿಪಡಿಸಿದ ಸಿಬಿಐ, ಎಲ್ಲ ದಾಖಲೆಗಳನ್ನು ಕಲೆಹಾಕಿಕೊಂಡು, ಕಲ್ಮಾಡಿಯಿಂದ ಭ್ರಷ್ಟಾಚಾರ ನಡೆದಿರುವ ಬಗ್ಗೆ ಖಚಿತ ಸಾಕ್ಷ್ಯಗಳು ದೊರೆತ ಕೂಡಲೆ ಅವರನ್ನು ಬಂಧನಕ್ಕೆ ಒಳಪಡಿಸಿದೆ. ಕಲ್ಮಾಡಿ ಅವರೊಂದಿಗೆ ಕೈ ಜೋಡಿಸಿದ್ದ ಸಂಘಟನಾ ಸಮಿತಿಯ ಪ್ರಧಾನ ಕಾರ್ಯದರ್ಶಿಯಾಗಿದ್ದ ಲಲಿತ್ ಭಾನೋಟ್ ಮತ್ತು ಪ್ರಧಾನ ನಿರ್ದೇಶಕರಾಗಿದ್ದ ವಿಕೆ ವರ್ಮಾ ಅವರು ಸೇರಿದಂತೆ ಏಳು ಜನ ಈಗಾಗಲೆ ಬಂಧಿತರಾಗಿದ್ದು, ಜೈಲಿನಲ್ಲಿ ರಾಗಿ ಬೀಸುತ್ತಿದ್ದಾರೆ.

2009ರಲ್ಲಿ ಲಂಡನ್ ನಿಂದ ಕ್ವೀನ್ಸ್ ಬೇಟನ್ ರಿಲೆ ಹೊರಟ ಹಂತದಿಂದಲೇ ಭ್ರಷ್ಟಾಚಾರದ ಕಿಡಿಯನ್ನು ಕಲ್ಮಾಡಿ ಹೊತ್ತಿಸಿದ್ದರು. ಲಂಡನ್ ನಲ್ಲಿರುವ ಎಎಮ್ ಫಿಲ್ಮಂಸ್ ಎಂಬ ಸಂಸ್ಥೆಯೊಂದಿಗೆ ಯಾವುದೇ ಅಧಿಕೃತ ಒಪ್ಪಂದ ಮಾಡಿಕೊಂಡರದೇ ಇದ್ದರೂ ದೆಹಲಿಯಲ್ಲಿನ ಸಮಾರಂಭಕ್ಕಾಗಿ ಬೃಹತ್ ಟಿವಿ ಸ್ಕ್ರೀನ್, ಪೋರ್ಟೆಬಲ್ ಟಾಯ್ಲೆಟ್, ಟ್ಯಾಕ್ಸಿ ಸೇವೆಯನ್ನು ಪಡೆದು ಭಾರೀ ಮೊತ್ತವನ್ನು ಸಂಸ್ಥೆಯ ಮಾಲಿಕ ಆಶಿಶ್ ಪಟೇಲ್ ಎಂಬುವವರಿಗೆ ವರ್ಗಾಯಿಸಿದ್ದರು. ಸಮಯವಿಲ್ಲದ್ದರಿಂದ ಒಪ್ಪಂದ ಮಾಡಿಕೊಳ್ಳಲು ಆಗಲಿಲ್ಲ ಎಂಬ ಕುಂಟು ನೆವ ಹೇಳಿದ್ದರು. ಈ ಹಗರಣದ ವಿಚಾರಣೆಗಾಗಿ ಸಿಬಿಐ ತಂಡ ಲಂಡನ್ನಿಗೂ ಹೋಗಿತ್ತು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Congress MP from Pune Suresh Kalmadi, who is involved in Commonwealth Games 2010, has been arrested by Central Bureau of Investigation on Apr 25, after collecting enough evidence to prove his guilt. He has been charged under various section of IPC.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more