ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಮೊಹಾಲಿ ಕದನಕ್ಕೆ ತೆರೆದಿದೆ ವೆಬ್ ಬಾಗಿಲು
ಮೊಹಾಲಿ, ಮಾ. 30: ಹಾಲಿ ವಿಶ್ವ ಕಪ್ ನಲ್ಲಿ ಕ್ರಿಕೆಟ್ ಕುತೂಹಲ ತಣಿಸಿಕೊಳ್ಳಲು ಗರಿಷ್ಠ ಸಂಖ್ಯೆಯಲ್ಲಿ ಜನ ವೆಬ್ ತಾಣಕ್ಕೆ ಭೇಟಿ ನೀಡುತ್ತಿದ್ದಾರೆ. ಈ ಹಿಂದೆ ಯಾವುದೇ ಸುದ್ದಿಗೂ ಜನ ಈ ಪಾಟಿ ಅಂತರ್ಜಾಲವನ್ನು ಜಾಲಾಡಿಲ್ಲ. ಇದರಿಂದ ಆನ್ ಲೈನ್ ಮಾಧ್ಯಮ ತೀವ್ರ ಚಟುವಟಿಕೆಯ ತಾಣವಾಗಿದ್ದು, ಜೇನುಗೂಡಿನಂತಿದೆ. ಜನ ತಣ್ಣಗೆ ತಮ್ಮ ಕಂಪ್ಯೂಟರ್ ಮುಂದೆ ಕುಳಿತು ಜೇನನ್ನು ಸವಿಯುತ್ತಿದ್ದಾರೆ.
ಡಿಜಿಟಲ್ ಲೋಕದ ಮಾರುಕಟ್ಟೆ ಸಮೀಕ್ಷೆ ನಡೆಸುವ ವಿಶ್ವಸನೀಯ ಕಾಂ ಸ್ಕೋರ್ ಪ್ರಕಾರ ವೆಬ್ ಸೈಟ್ ಟ್ರಾಫಿಕ್ ಆಕಾಶ ಮುಟ್ಟಿದೆ. ಇತ್ತೀಚಿನ ದಿನಗಳಲ್ಲಿ ಜಗತ್ತಿನ ಯಾವ ಮೂಲೆಯಲ್ಲೇ ಕ್ರೀಡೆಗಳು ನಡೆಯಲಿ ಇಂಟರ್ನೆಟ್ ಹೆಚ್ಚು ಮಹತ್ವ ಪಡೆದುಕೊಂಡಿದೆ. ಕ್ಷಣ ಕ್ಷಣದ ತಾಜಾ ಮಾಹಿತಿಗಾಗಿ ನೆಟ್ಟಣಿಗರು ತಹತಹಿಸುತ್ತಿದ್ದಾರೆ ಎಂದು ಕಾಂ ಸ್ಕೋರ್ ಉಪಾಧ್ಯಕ್ಷ ಜೊ ಗುಯೆನ್ ಹೇಳಿದ್ದಾರೆ.
ಇನ್ನು, ಇಂದು ನಡೆಯುವ ಬಹುನಿರೀಕ್ಷಿತ ಭಾರತ-ಪಾಕ್ ಸೆಮಿಫೈನಲ್ ಪಂದ್ಯದ ವೇಳೆಯಂತೂ ನೆಟ್ ಜನ ವೆಬ್ ಬಾಗಿಲನ್ನು ಪಟಪಟನೆ ಬಡಿಯುವುದು ಖಚಿತ. ಇಡೀ ಕ್ರಿಕೆಟ್ ಜಗತ್ತೇ ಈ ಪದ್ಯಕ್ಕಾಗಿ ಕಾತರದಿಂದ ಕಾಯುತ್ತಿದೆ. ವೆಬ್ ಸೈಟ್ ಗಳೂ ಜನರ ನಿರೀಕ್ಷೆಯನ್ನು ತಣಿಸಲು ಸಜ್ಜಾಗಿವೆ ಎಂದು ಅವರು ಹೇಳಿದ್ದಾರೆ.
Comments
ಕ್ರಿಕೆಟ್ ವಿಶ್ವಕಪ್ 2011 ವೆಬ್ ಸೈಟ್ ಎಂಎಸ್ ಧೋನಿ ಭಾರತ ಪಾಕಿಸ್ತಾನ website cricket world cup 2011 ms dhoni pakistan
English summary
The online medium is abuzz with a large number of cricket lovers flocking to the digital world for live updates and match results of the World Cup.