• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಶಿರಡಿ ಸಾಯಿಬಾಬಾ ಆಲಯಕ್ಕೆ ಹವಾನಿಯಂತ್ರಣ ವ್ಯವಸ್ಥೆ

By Rajendra
|

ಮುಂಬೈ, ಮಾ.30: ಬೇಸಿಗೆ ಬಂತೆಂದರೆ ಮಹಾರಾಷ್ಟ್ರದ ಪುಣ್ಯಕ್ಷೇತ್ರ ಶಿರಡಿಯಲ್ಲಿ ನೆತ್ತಿ ಸುಡುವ ಬಿರುಬಿಸಿಲು. ಸಾಯಿಬಾಬಾ ದರ್ಶನ ಭಾಗ್ಯಕ್ಕೆ ಬರುವ ಭಕ್ತಾದಿಗಳಿಗೆ ಬೇಸಿಗೆ ಬೇಗೆ ತಪ್ಪಿದ್ದಲ್ಲ. ಶಿರಡಿಗೆ ಬರುವ ಭಕ್ತರನ್ನು ತಂಪಾಗಿಸಲು ದೇವಾಲಯದ ನಿರ್ವಾಹಕರು ಮುಂದಾಗಿದ್ದಾರೆ. ದೇವಾಲಯದ ಒಳಗೆ ಹವಾನಿಯಂತ್ರಣ ವ್ಯವಸ್ಥೆ ಕಲ್ಪಿಸಲಾಗುತ್ತದೆ.

ಮುಂಬರುವ ಮೂರು ತಿಂಗಳಲ್ಲಿ ಸಾಯಿಬಾಬಾ ಸಂಸ್ಥಾನ ಟ್ರಸ್ಟ್ ಹವಾ ನಿಯಂತ್ರಣ ವ್ಯವಸ್ಥೆಯನ್ನು ಪೂರ್ಣಗೊಳಿಸಲಿದೆ. ಈ ಸೌಕರ್ಯಕ್ಕೆ ಸರಿಸುಮಾರು ರು.3.5 ಕೋಟಿ ವೆಚ್ಚ ಮಾಡುತ್ತಿರುವುದಾಗಿ ಟ್ರಸ್ಟ್ ಅಧ್ಯಕ್ಷ ಸಸಾಣಿ ತಿಳಿಸಿದ್ದಾರೆ. ದೇವಾಲಯಕ್ಕೆ ಪ್ರತಿ ನಿತ್ಯ 50 ಸಾವಿರ ಭಕ್ತರು ಭೇಟಿ ನೀಡಿತ್ತಾರೆ. ಇನ್ನು ವಾರಾಂತ್ಯದ ದಿನಗಳಲ್ಲಿ 70 ಸಾವಿರಕ್ಕೂ ಅಧಿಕ ಭಕ್ತರು ಆಗಮಿಸುತ್ತಾರೆ. ಬೇಸಿಗೆ ಕಾಲದಲ್ಲಿ ಶಿರಡಿಯಲ್ಲಿ ತಾಪಮಾನ 45 ಡಿಗ್ರಿ ಸೆಲ್ಸಿಯಸ್ ಗಡಿದಾಟುತ್ತದೆ. ಈ ಬೇಗೆಯಿಂದ ಭಕ್ತರನ್ನು ಪಾರು ಮಾಡಬೇಕೆಂದು ಟ್ರಸ್ಟ್ ನಿರ್ಣಯಿಸಿರುವುದಾಗಿ ಎಂದು ಆಲಯ ಟ್ರಸ್ಟ್ ಅಧ್ಯಕ್ಷರು ವಿವರ ನೀಡಿದ್ದಾರೆ.

ಸಾಯಿ ಬಾಬಾ ದರ್ಶನಕ್ಕೆ ಬರುವ ಭಕ್ತ ಕೋಟಿಗೆ ಮನರಂಜನೆಯನ್ನು ಒದಗಿಸಲು ಟ್ರಸ್ಟ್ ಮುಂದಾಗಿದ್ದು, ಇದಕ್ಕಾಗಿ ಚರ್ಚಾ ವೇದಿಕೆ, ರಂಗಸ್ಥಳ ಕೇಂದ್ರವನ್ನು ಏರ್ಪಾಟು ಮಾಡಲಿದೆ. ಇವುಗಳೊಂದಿಗೆ ಲೇಸರ್ ಶೋಗಳು, ಐಮ್ಯಾಕ್ಸ್ ಥಿಯೇಟರ್‌ಗಳನ್ನು ನಿರ್ಮಿಸಿ ಭಕ್ತರಿಗೆ ಮತ್ತಷ್ಟು ಆಕರ್ಷಣೆ ಒದಗಿಸುವುದಾಗಿ ಟ್ರಸ್ಟ್ ಮುಖ್ಯಸ್ಥ ಕಿಶೋರ್ ಮೋರೆ ಹೇಳಿದ್ದಾರೆ.

ಐದು ಸಾವಿರ ಮಂದಿ ಕುಳಿತುಕೊಳ್ಳುವ ಸಾಮರ್ಥ್ಯದ ರಂಗಸ್ಥಳ ಕೇಂದ್ರ ನಿರ್ಮಿಸಲಾಗುತ್ತಿದೆ. ಎರಡು ಸಾವಿರ ಮಂದಿ ಕುಳಿತುಕೊಳ್ಳಲು ಅನುಕೂಲವಾಗುವ ಸಭಾಂಗಣ ಇರುತ್ತದೆ. ಸಾಯಿ ಬಾಬಾ ಅವರ ಜೀವನ ಚರಿತ್ರೆ ಕುರಿತ ಲೇಸರ್ ಶೋಗಳನ್ನು ಪ್ರದರ್ಶಿಸಲು ಯೋಚಿಸಲಾಗುತ್ತಿದೆ ಎಂದು ಟ್ರಸ್ಟ್ ತಿಳಿಸಿದ್ದಾರೆ.

English summary
The president of Saibaba Samstan Trust has planned to install Air condition system at Saibaba Temple in Shirdi. He says that the temperature in Summer would reach 45 degree celcius and 50,000 devotees will visit Shirdi per day during summer season. So he would AC system in the temple within three months.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more