ಗ್ಲುಕೊಮಾದ ಬಾಧಿತರಿಗೆ ಸೂಕ್ಷ್ಮಾತಿಸೂಕ್ಷ್ಮ ಕಂಪ್ಯೂಟರ್
ಚಿಕ್ಕ ಮೈಕ್ರೋಪ್ರೊಸಸರ್, ಪ್ರೆಷರ್ ಸೆನ್ಸರ್, ಮೆಮೊರಿ ಚಿಪ್, ತೆಳು ಬ್ಯಾಟರಿ, ಸೋಲಾರ್ ಸೆಲ್ ಮತ್ತು ವೈರ್ಲೆಸ್ ರೇಡಿಯೊ ಜತೆಗೆ ಆಂಟೆನಾ ಇವಿಷ್ಟೂ ಆ ಪುಟ್ಟ ಕಂಪ್ಯೂಟರ್ನಲ್ಲಿ ಅಡಗಿ ಕುಳಿತಿರುತ್ತವೆ. 15 ನಿಮಿಷಗಳಿಗೊಮ್ಮೆ ಎಚ್ಚರಗೊಂಡು ಗ್ಲುಕೊಮಾ ಒತ್ತಡದ ಅಳತೆ ತೆಗೆದುಕೊಳ್ಳುವ ಈ ಪುಟ್ಟ ಗಣಕಯಂತ್ರಕ್ಕೆ 5.3 ನ್ಯಾನೊವ್ಯಾಟ್ ವಿದ್ಯುತ್ ಸಾಕು ! ಒಂದು ವಾರದ ಮಾಹಿತಿಯನ್ನುಇದು ತನ್ನಲ್ಲಿ ಅಡಗಿಸಿಟ್ಟುಕೊಳ್ಳುತ್ತದೆ.
ದೇಹದ ಇನ್ನೂ ಯಾವ ಯಾವ ಭಾಗದಲ್ಲಿ ಏನೆಲ್ಲ ಕಂಪ್ಯೂಟರ್ಗಳನ್ನು ಇಟ್ಟು ಏನೆಲ್ಲ ಚಿಕಿತ್ಸಕ ಸಂಶೋಧನೆಯಲ್ಲಿ ತೊಡಗುತ್ತಾರೊ ಈ ಸಂಶೋಧಕರು! ಒಬ್ಬ ಮನುಷ್ಯನಲ್ಲಿಯೇ ಇಂತಹ ನೂರಾರು ಕಂಪ್ಯೂಟರ್ಗಳನ್ನು ಇಡಬಹುದು. ಇನ್ನು ಹೊರಗೆ ಅಂದರೆ ಸುತ್ತಮುತ್ತಲ ಪರಿಸರದಲ್ಲಿ ಇದನ್ನು ಬಳಸತೊಡಗಿದರೆ ಇದರ ಬೇಡಿಕೆ ತೀವ್ರವಾಗುತ್ತದೆ. ಅಲ್ಲಿಗೆ ವಾಣಿಜ್ಯಕವಾಗಿ ಇವುಗಳ ಸೃಷ್ಟಿಯೂ ಸಲೀಸಾದೀತು. ಮಿಚಿಗನ್ ವಿಶ್ವವಿದ್ಯಾಲಯದ ಸಂಶೋಧಕರು ಅಭಿವೃದ್ಧಿಪಡಿಸಿರುವ ಈ ಕಂಪ್ಯೂಟರ್ಗೆ ಇನ್ನೂ ನಾಮಕರಣ ಮಾಡಿಲ್ಲ. ಕೆಲವೇ ವರ್ಷಗಳಲ್ಲಿ ವಾಣಿಜ್ಯಿಕವಾಗಿ ಇದು ಬಳಕೆಗೆ ಲಭಿಸಲಿದೆ. ಇನ್ನು ಕಂಪ್ಯೂಟರ್ ಭವಿಷ್ಯಕ್ಕೆ ಇದು ಹೊಸ ಭಾಷ್ಯ ಬರುವುದು ಖಚಿತ.