ಹಿರಿಯ ನಾಗರೀಕರ ಐಡಿ ಕಾರ್ಡ್ ಪಡೆಯುವುದು ಹೇಗೆ?
ಬೆಂಗಳೂರು, ಫೆ.15: ಬೆಂಗಳೂರಿನ ಹಿರಿಯ ನಾಗರೀಕರೆ ನಿಮಗೆ ಇನ್ನೂ ಹಿರಿಯ ನಾಗರೀಕರ ಗುರುತಿನ ಚೀಟಿ ಸಿಕ್ಕಿಲ್ಲವೇ? ಅಯ್ಯೋ ಯಾರು ಅಲೀತಾರಪ್ಪ ಈ ವಯಸ್ಸಲ್ಲಿ ಎಂದು ಮೂಗು ಮುರಿಯಬೇಡಿ. ಏಕೆಂದರೆ ಹಿರಿಯ ನಾಗರೀಕರ ಗುರುತಿನ ಚೀಟಿ ಪಡೆಯುವುದು ಈಗ ತುಂಬ ಸುಲಭ. ಅದು ನಿಮ್ಮ ಹಕ್ಕು ಕೂಡ. ನಿರಾಯಾಸವಾಗಿ ನೀವು ಗುರುತಿನ ಚೀಟಿ ಪಡೆಯಲು ಇಲ್ಲಿದೆ ನೋಡಿ ಸುಲಭೋಪಾಯ.
ಬೆಂಗಳೂರಿನ ಸರ್ಕಾರೇತರ ಸಂಸ್ಥೆ ಡಿಗ್ನಿಟಿ ಪ್ರತಿಷ್ಠಾನ ಹಿರಿಯ ನಾಗರೀಕರ ಕ್ಷೇಮಾಭಿವೃದ್ಧಿಗೆ ಅಹರ್ನಿಶಿ ಶ್ರಮಿಸುತ್ತಿದೆ. ಈ ಪ್ರತಿಷ್ಠಾನವು ಹಿರಿಯ ನಾಗರೀಕರ ಮತ್ತು ಅಂಗವಿಕಲರ ಕಲ್ಯಾಣ ನಿರ್ದೇಶನಾಲಯ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಹಾಗೂ ಕರ್ನಾಟಕ ಸರ್ಕಾರದ ಅಧಿಕೃತ ಪರವಾನಗಿ ಪಡೆದಿದ್ದು ಬೆಂಗಳೂರಿನ ಹಿರಿಯ ನಾಗರೀಕರಿಗೆ ಗುರುತಿನ ಚೀಟಿಗಳನ್ನು ವಿತರಿಸುತ್ತಿದೆ.
ಹಿರಿಯ ನಾಗರೀಕರಿಗೆಂದೇ ಮೀಸಲಾದ ಸರ್ಕಾರದ ವಿವಿಧ ಯೋಜನೆಗಳ ಪೂರ್ಣ ಲಾಭ ಪಡೆಯಬೇಕಾದರೆ ಹಿರಿಯ ನಾಗರೀಕರ ಗುರುತಿನ ಚೀಟಿ ಅವಶ್ಯಕ. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: ಎನ್ ಬಿ ಜಯಪ್ರಕಾಶ್ (ಜೆಪಿ), ನಿರ್ದೇಶಕರು, ಡಿಗ್ನಿಟಿ ಪ್ರತಿಷ್ಠಾನ. ದೂರವಾಣಿ ಸಂಖ್ಯೆ : 9180-4151 1307.