• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪಂ. ಜೋಶಿ ಅವಮಾನಿಸಿದವರನ್ನು ಏನ್ಮಾಡ್ಬೇಕು?

By Mrutyunjaya Kalmat
|

ಬೆಂಗಳೂರು, ಫೆ. 1 : ಭಾರತೀಯ ಸಂಗೀತ ಕ್ಷೇತ್ರದ ಮೇರು ವ್ಯಕ್ತಿ ಭಾರತರತ್ನ ಪಂಡಿತ್ ಭೀಮಸೇನ ಜೋಶಿ ಅವರಿಗೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯಲ್ಲಿ ಮಾಡಿರುವ ಅವಮಾನಕ್ಕೆ ವ್ಯಾಪಕ ಟೀಕೆ ಟಿಪ್ಪಣಿಗಳು ಆರಂಭವಾಗಿವೆ. ಜೋಶಿ ಅವರ ಸಂಗೀತ ಮೋಡಿಗೆ ಜಗತ್ತಿನ ಸಂಗೀತ ಪ್ರೇಮಿಗಳು ಮೂಕವಿಸ್ಮಿತರಾಗಿ ತಲೆಬಾಗಿದ್ದು, ಅನೇಕ ಮಾನ-ಸಮ್ಮಾನಗಳು ಅರಸಿ ಬಂದಿದ್ದು ಎಲ್ಲವೂ ಎಲ್ಲರಿಗೂ ಗೊತ್ತಿರುವುದೇ.

ಕತ್ತೆಗೇನು ಗೊತ್ತು ಕಸ್ತೂರಿ ಪರಿಮಳ ಅನ್ನುವ ಹಾಗೆ. ಭೀಮಸೇನ ಜೋಶಿ ಅವರಂತಹ ಕಸ್ತೂರಿ ಪರಿಮಳವನ್ನು ಅರಿಯದೆ, ಕನಿಷ್ಠ ಪ್ರಜ್ಞೆ ಇಲ್ಲದೆ ಪ್ರಜ್ಞೆ ತಪ್ಪಿದವರಂತೆ ಟೀಕೆ ಮಾಡಿರುವ ಚಿಕ್ಕಪೇಟೆ ಕಾರ್ಪೊರೇಟರ್ ಎ ಎನ್ ಶಿವಕುಮಾರ್ ಅವರೆಡೆಗೊಂದು ದಿಕ್ಕಾರವಿರಲಿ. ಕುಡಿಯುವುದು ಒಂದು ಅಪರಾಧ ಎಂದು ಬಿಂಬಿಸಿರುವ ಈ ಕಾರ್ಪೊರೇಟರ್ ಮಾತಿಗೆ ಹೇಗೆ ಪ್ರತಿಕ್ರಿಯಿಸಬೇಕು? ಭೀಮಸೇನ ಜೋಶಿ ಕುಡಿಯುತ್ತಿದ್ದರು. ಕಾರ್ಯಕ್ರಮಕ್ಕೆ ತೆರಳುವ ಮುಂಚೆ ಕುಡಿದೆ ಹೋಗುತ್ತಿದ್ದರು ಎನ್ನುವುದು ಶುದ್ಧ ಕುಚೋದ್ಯದ ಮಾತು.

ಜೋಶಿ ಬಗ್ಗೆ ಆರೋಪ ಮಾಡಿರುವುದು ಬಿಜೆಪಿ ಪಕ್ಷದ ಕಾರ್ಪೊರೇಟರ್. ಅದೇನೋ ಗೊತ್ತಿಲ್ಲ. ಇತ್ತೀಚೆಗೆ ಈ ಪಕ್ಷದಲ್ಲಿ ಭ್ರಷ್ಟರು, ಅತ್ಯಾಚಾರಿಗಳು, ಲೈಂಗಿಕ ಕಿರುಕುಳ ನೀಡುವವರು, ರೌಡಿಗಳಂತೆ ಸಾರ್ವಜನಿಕ ಸ್ಥಳದಲ್ಲಿ ಅರಚಾಡುವವರು ಹೆಚ್ಚಾಗಿದ್ದಾರೆ. ಇದರಿಂದ ಆ ಪಕ್ಷದ ವರ್ಚಸ್ಸಿಗೆ ತೀವ್ರ ಧಕ್ಕೆ ಉಂಟಾಗಿರುವುದಂತೂ ಸುಳ್ಳಲ್ಲ. ದೇಶ ಭಕ್ತ ಸಂಸ್ಥೆ ಎಂಬ ಹೆಸರು ಪಡೆದಿರುವ ಆರೆಸ್ಸೆಸ್ ಗರಡಿಯಲ್ಲಿ ಪಳಗಿರುವ ಬಿಜೆಪಿ ನಾಯಕರು ಇಂತಹ ಅರಿವುಗೇಡಿ ಕಾರ್ಪೊರೇಟರ್ ಮುಖಕ್ಕೆ ಸರಿಯಾಗಿ ಮಂಗಳಾರತಿ ಮಾಡಬೇಕು ಎನ್ನುವುದು ಸಂಗೀತ ಅಭಿಮಾನಿಗಳು ಅಷ್ಟೇ ಅಲ್ಲ ರಾಜ್ಯ ಜನತೆ ಒತ್ತಾಯಿಸುತ್ತಿದೆ.

ಜೋಶಿ ಅವರನ್ನು ಕೌನ್ಸಿಲ್ ಸಭೆಯಲ್ಲಿ ಅವಮಾನಿಸಿದ ಕಾರ್ಪೊರೇಟರ್ ನಿಗೆ ಶಿಕ್ಷೆ ಆಗಬೇಕು. ಹಾಗಂತ, ಬಿಜೆಪಿ ತನ್ನ ಕಾರ್ಪೊರೇಟರ್ ನ ಸದಸ್ಯತ್ವವನ್ನು ರದ್ದು ಮಾಡಲಿ ಎನ್ನುವುದು ಅತಿರೇಕವಾದೀತು. ಕನಿಷ್ಠ ಪಕ್ಷ ಬಿಬಿಎಂಪಿ ಸದಸ್ಯರಿಗೆ ಅಷ್ಟು ಎಲ್ಲ ಪಕ್ಷಗಳ ಜನಪ್ರತಿನಿಧಿಗಳಿಗೆ ಸಾರ್ವಜನಿಕವಾಗಿ ಹೇಗೆ ವರ್ತಿಸಬೇಕು ಎನ್ನುವುದು ತಿಳುವಳಿಯ ಕಾರ್ಯಾಗಾರವನ್ನಾದರೂ ಮಾಡುವುದು ಒಳಿತಲ್ಲವೇ. ಇದರಿಂದ ಮುಂದಿನ ದಿನಗಳಲ್ಲಿ ಸಾಧಕರಿಗೆ ಆಗುವ ಅವಮಾನಗಳನ್ನು ತಡೆಯಬಹುದಲ್ಲವೇ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
While delivering the condolence messages during a truncated session at the BBMP council meet on Monday, BJP corporator from Chickpet, Shivkumar spoke a few words on the great singer that besmirched the solemnity of the occasion.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more