Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಪಲ್ ಐಪ್ಯಾಡ್ ಕೊಳ್ಳಿರೋ ಭಾರತೀಯರೆಲ್ಲರೂ
ಹೌದು, ಕೊನೆಗೂ ಆಪಲ್ ಐಪ್ಯಾಡ್ ಭಾರತಕ್ಕೆ ತಲುಪಿದೆ. ಇನ್ನು ಮುಂದೆ ನಿಮಗೆ ಹತ್ತಿರವಿರುವ ಆಪಲ್ ಮಳಿಗೆಗಳಲ್ಲಿ ಅಥವಾ ಆನ್ ಲೈನ್ ಐ-ಸ್ಟೋರ್ ನಲ್ಲಿ ಐಪ್ಯಾಡ್ ಖರೀದಿಸಬಹುದು. ಅರೇ, ಪ್ರೇಮಿಗಳ ದಿನ ಹತ್ತಿರ ಬಂದಿದೆ.. ನನ್ನ ಪ್ರೇಮಿಗೆ ಏನು ಗಿಫ್ಟ್ ಕೊಡ್ಲಿ ಅಂತ ಯೋಚಿಸುತ್ತಿದ್ದವರಿಗೆ "ಆಪಲ್ ಐಪ್ಯಾಡ್"ಗಿಂತ ಉತ್ತಮವಾದ ಉಡುಗೊರೆ ಯಾವುದಿದೆ?
ದರವೆಷ್ಟು? : ಭಾರತದಲ್ಲಿ ಆಪಲ್ ಐಪ್ಯಾಡ್ ದರ 27,990 ರು.ನಿಂದ ಆರಂಭವಾಗುತ್ತದೆ. 16 ಜಿಬಿ ಸಂಗ್ರಹ ಸಾಮರ್ಥ್ಯದ ಮೂಲ ವರ್ಷನ್ ಗೆ ಸುಮಾರು 33 ಸಾವಿರ ರು. ಈಗ ಒಟ್ಟು 6 ಆವೃತ್ತಿಗಳಲ್ಲಿ ಐಪ್ಯಾಡ್ ಲಭ್ಯವಿದೆ. ವೈ-ಫೈ ಸೌಲಭ್ಯ ಮಾತ್ರ ಇರುವ 16ಜಿಬಿ, 32 ಜಿಬಿ ಅಥವಾ 64 ಜಿಬಿ ಅಥವಾ ವೈ-ಫೈ ಮತ್ತು 3ಜಿ ಸೌಲಭ್ಯವಿರುವ ಐಪ್ಯಾಡ್ ದೊರಕುತ್ತವೆ. ಇದರಲ್ಲಿ ವೈ-ಫೈ ಸೌಲಭ್ಯ ಮಾತ್ರವಿರುವ ಐಪ್ಯಾಡ್ ಗೆ 27,990 ರು. ಮತ್ತು ವೈ-ಫೈ+3ಜಿ ಸೌಲಭ್ಯವಿರುವ 64 ಜಿಬಿ ಐಪ್ಯಾಡ್ ಗೆ ಸುಮಾರು 44,990 ರು. ಇರಲಿದೆ.
ಭಾರತೀಯರ ಕೈಗೆ ಇಲ್ಲಿಯವರೆಗೆ ಈ ಐಪ್ಯಾಡ್ ಸಿಕ್ಕಿಲ್ಲ ಅಂತಲ್ಲ. ಒಂದು ವಿಶ್ಲೇಷಣೆ ಪ್ರಕಾರ, ಭಾರತೀಯರಲ್ಲಿ ಈಗ ಸುಮಾರು 40 ಸಾವಿರ ಆಪಲ್ ಐಪ್ಯಾಡ್ ಇವೆ. ಇವರೆಲ್ಲ ವಿದೇಶದಿಂದ ಖರೀದಿಸಿದವರು. ಅಥವಾ ಇ-ಕಾಮರ್ಸ್ ಮೂಲಕ ಖರೀದಿಸಿದವರು. ಇನ್ನು ಈ ಚಿಂತೆಯಿಲ್ಲ. ನಿಮಗೆ ಹತ್ತಿರವಿರುವ ಆಪಲ್ ಸ್ಟೋರ್ ನಿಂದ ಖರೀದಿಸಬಹುದು.
ಐಪ್ಯಾಡ್ ನಲ್ಲಿ ದಟ್ಸ್ ಕನ್ನಡ ಓದಿ : ಈ ಐಪ್ಯಾಡ್ ಈಗ ಕನ್ನಡ ಸೇರಿದಂತೆ ಭಾರತದ ಭಾಷೆಗಳಿಗೆ ಸಪೋರ್ಟ್ ಮಾಡುತ್ತದೆ. ಇದರಲ್ಲಿ ಕನ್ನಡ, ತೆಲುಗು, ಹಿಂದಿ, ತಮಿಳು ಸೇರಿದಂತೆ ಅನೇಕ ಭಾರತೀಯ ಭಾಷೆಗಳನ್ನು ಓದಬಹುದು. ಸಂತೋಷದ ಸುದ್ದಿ ಎಂದರೆ ಇದರಲ್ಲಿ ದಟ್ಸ್ ಕನ್ನಡವನ್ನೂ ಕೂಡ ಓದಬಹುದು.
ಆಪಲ್ ಐಪ್ಯಾಡ್ ಜನರಲ್ಲಿ ಮೂಡಿಸಿದ ಕ್ರೇಜ್ ಸಾಮಾನ್ಯದಲ್ಲ. ಬಿಡುಗಡೆಯ ದಿನವಂತೂ ಎಲ್ಲ ಆಪಲ್ ಸ್ಟೋರ್ ಗಳ ಮುಂದೆ ಕಿಲೋಮೀಟರ್ ಉದ್ದಕ್ಕೆ ಜನರು ಕ್ಯೂ ನಿಂತಿದ್ದರು. ಒಂದು ಅಂದಾಜಿನ ಪ್ರಕಾರ ಐಪ್ಯಾಡ್ ನಿಂದ ಆಪಲ್ ಸುಮಾರು ಒಂದು ಸಾವಿರ ಕೋಟಿ ಡಾಲರ್ ಲಾಭ ಗಳಿಸಿದೆಯಂತೆ! ಇಂಟ್ರೆಸ್ಟಿಂಗ್ ವಿಷಯವೆಂದರೆ, ಕಳೆದ ವರ್ಷ ಜನವರಿ 27ರಂದು ಈ ಐಪಾಡ್ ಅಮೆರಿಕದಲ್ಲಿ ಬಿಡುಗಡೆಗೊಂಡಿತು. ಸರಿಯಾಗಿ ಒಂದು ವರ್ಷದ ನಂತರ ಇಲ್ಲಿಗೆ ಬಂದಿದೆ.
ಭಾರತಕ್ಕೆ ಐಪಾಡ್ ಬಂದಿರುವುದನ್ನು ಕಂಡು ನಮ್ಮ ದೇಶದ ಮೊಬೈಲ್ ಸೇವಾದಾರ ಕಂಪನಿಗಳು ಸುಮ್ಮನೆ ಕೂತಿಲ್ಲ. ಬಿಎಸ್ಎನ್ಎಲ್ ಐಪ್ಯಾಡ್ ಗೆ 3ಜಿ ಸೌಲಭ್ಯ ನೀಡುವ ಯೋಜನೆ ಹೊಂದಿದೆ. ಆದರೆ ಏರ್ ಟೆಲ್, ವೊಡಾಫೋನ್ ಮತ್ತು ಐಡಿಯಾ ಮೈಕ್ರೊ ಸಿಮ್ ಕಾರ್ಡ್ ಮೂಲಕ ಐಪಾಡ್ ಗೆ ಸಪೋರ್ಟ್ ನೀಡಲಿವೆ. [ಕನ್ನಡ ಭಾಷೆ]
