• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಹೆಣ್ಮಕ್ಕಳಿಗೆ ಕಿರುಕುಳ ನೀಡಿದರೆ ಧರ್ಮದೇಟು

By Mahesh
|

ಮಂಗಳೂರು, ಜ.20: ನಗರದ ಕುಲಶೇಖರ ಚರ್ಚ್ ಹಾಗೂ ಸಮೀಪದ ತರಕಾರಿ ಅಂಗಡಿಗೆ ಹುಡುಗಿಯರು ಹೋಗಲು ಹಿಂದೇಟು ಹಾಕುವಂತೆ ಮಾಡಿದ್ದ ರೋಡ್ ರೋಮಿಯೋಗಳಿಬ್ಬರನ್ನು ಸಾರ್ವಜನಿಕರು ಥಳಿಸಿ, ಕದ್ರಿ ಪೊಲೀಸ್ ಠಾಣೆಗೆ ಒಪ್ಪಿಸಿದ ಘಟನೆ ಇತ್ತೀಚೆಗೆ ನಡೆದಿದೆ.

ಕುಲಶೇಖರದ ಚರ್ಚ್‌ಗೆ ಬರುತ್ತಿದ್ದ ಹುಡುಗಿಯರು, ಕೆಲಸಕ್ಕೆ, ಕಾಲೇಜಿಗೆ ಹೋಗುತ್ತಿದ್ದ ಹುಡುಗಿಯರನ್ನು ಬೈಕ್‌ನಲ್ಲಿ ಹಿಂಬಾಲಿಸಿ ಕಿರುಕುಳ ಕೊಡುತ್ತಿದ್ದ ಸುರೇಶ್ ಹಾಗೂ ಲತೀಫ್ ಎಂಬ ಕಾಮುಕರಿಬ್ಬರನ್ನು ಸಾರ್ವಜನಿಕರು ಥಳಿಸಿ ಬುದ್ದಿ ಕಲಿಸಿದ್ದಾರೆ.

ಕುಲಶೇಖರ ಕೈಕಂಬದ ತರಕಾರಿ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದ ಈ ಇಬ್ಬರು ತೀರ್ಥಹಳ್ಳಿ ಮೂಲದವರು ಎಂದು ತಿಳಿದು ಬಂದಿದೆ. ಮಧ್ಯಾಹ್ನ ಬಿಡುವಿನ ಹೊತ್ತಿನಲ್ಲಿ ಚರ್ಚ್ ಬಳಿ, ಕುಲಶೇಖರ ಜಂಕ್ಷನ್ ಬಳಿ ಬಂದು ಹುಡುಗಿಯರು ಬಸ್ಸಿಂದ ಇಳಿದ ಕೂಡಲೇ ಅವರನ್ನು ಹಿಂಬಾಲಿಸಿ ಲೈಂಗಿಕ ಕಿರುಕುಳ ಕೊಡುತ್ತಿದ್ದರು.

ನಿಟ್ಟುಸಿರು ಬಿಟ್ಟ ಹುಡುಗಿಯರು: ಈ ಇಬ್ಬರ ಕಾಟ ತಾಳಲಾರದೆ, ಯಾರಲ್ಲೂ ಹೇಳಲಾರದೆ ತೊಳಲಾಡುತ್ತಿದ್ದ ಕಾಲೇಜು ಹುಡುಗಿಯರು ಹಾಗೂ ಇತರರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ಕೆಲವರು ಧೈರ್ಯ ಮಾಡಿ ಪೊಲೀಸರ ಬಳಿ ಹೋದರೂ ಅದು ಕಂಕನಾಡಿ ಪೊಲೀಸರ ವ್ಯಾಪ್ತಿಗೆ ಬರುತ್ತಿದೆ. ಇಲ್ಲ ಕದ್ರಿ ಠಾಣೆಗೆ ಬರುತ್ತಿದೆ ಎಂದು ದೂರು ಸ್ವೀಕರಿಸಲು ಪೊಲೀಸರು ಹಿಂದೇಟು ಹಾಕುತ್ತಿದ್ದರು ಎನ್ನಲಾಗಿದೆ. [ಕ್ರೈಂ]

ಸ್ಥಳೀಯ ರಿಕ್ಷಾ ಚಾಲಕರು ಹಾಗೂ ಸಾರ್ವಜನಿಕರು ಹೊಂಚು ಹಾಕಿ ಕಾದಿದ್ದು, ಕಾಮುಕರಿಬ್ಬರನ್ನು ಹಿಡಿದು ಥಳಿಸಿ, ಕದ್ರಿ ಠಾಣೆಗೆ ಒಪ್ಪಿಸಿದ್ದಾರೆ. ಭಜರಂಗಿಗಳಂತೆ ದೊಡ್ಡ ನಾಮಧರಿಸಿ ಬರುತ್ತಿದ್ದ ಈ ಇಬ್ಬರ ಗುರುತು ಹಿಡಿಯಲು ಕಷ್ಟವಾಗುತ್ತಿತ್ತು. ಆಮೇಲೆ ಸಮೀಪದ ತರಕಾರಿ ಅಂಗಡಿಯ ಹುಡುಗರು ಎಂದು ತಿಳಿದು ಬಂತು ಎಂದು ಸ್ಥಳೀಯರು ಹೇಳುತ್ತಾರೆ. ತರಕಾರಿ ಅಂಗಡಿ ಮಾಲೀಕನಿಗೆ ಇವರಿಬ್ಬರ ಚರ್ಯೆ ತಿಳಿದಿದ್ದರೂ ಸುಮ್ಮನಿದ್ದ ಎಂದು ಹೇಳಲಾಗಿದೆ. ಒಟ್ಟಿನಲ್ಲಿ ಸಾರ್ವಜನಿಕರಿಗೆ ಹೆಣ್ಮಕ್ಕಳು ಮನಸ್ಸಿನಲ್ಲೇ ಥ್ಯಾಂಕ್ಸ್ ಹೇಳಿ ಮನೆಗೆ ತೆರಳಿದ್ದಾರೆ.

English summary
Two Miscreants who repeatedly harassing the women have been held by public and handed over to police. Accused Suresh and Latif who wear dress like Bhajarangis and were harassing woman in Kadri Police Station limit.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X