ಟ್ವಿಟ್ಟರ್ ತಾಣದಲ್ಲಿ ಸತ್ತು ಬದುಕಿರುವ ವಯೋವೃದ್ಧ
ನೆಲ್ಸನ್ ಮಂಡೇಲಾರ ನಿಧನದ ಸುದ್ದಿ ಅಪ್ಪಟ ಸುಳ್ಳು, ಮಂಡೇಲಾ ಅವರಿ ಸಂಪೂರ್ಣ ಸೌಖ್ಯವಾಗಿದ್ದಾರೆ ಹಾಗೂ ರಜಾದಿನಗಳನ್ನು ಕಳೆಯುತ್ತಿದ್ದಾರೆ ಎಂದು ಪ್ರತಿಷ್ಠಾನದ ಅಧ್ಯಕ್ಷೆ ಸೆಲ್ಲೊ ಹಟಾಂಗ್ ಹೇಳಿದ್ದಾರೆ. ವರ್ಣಭೇದ ವಿರೋಧಿ ನಾಯಕ ಹಾಗೂ ನೊಬೆಲ್ ಪುರಸ್ಕೃತ ಮಂಡೇಲಾ ನಿಧನರಾಗಿದ್ದಾರೆಂದು ಟ್ವಿಟ್ಟರ್ ನಲ್ಲಿ ಭಾನುವಾರ ಸುದ್ದಿ ಹರಡಿತ್ತು. ಆದರೆ ಕೆಲವೇ ಗಂಟೆಗಳ ಬಳಿಕ ಅದು ಸುಳ್ಳು ಸುದ್ದಿಯೆಂದು ಖಚಿತವಾಯಿತು.
ಟ್ವಿಟ್ಟರ್ನಲ್ಲಿ ಈ ರೀತಿ ನಿಧನದ ಹುಸಿ ಸುದ್ದಿಗೆ ಮಂಡೇಲಾ ಅವರೇನು ಮೊದಲ ಬಲಿಪಶುವಲ್ಲ. ಖ್ಯಾತ ಗಾಯಕಿ ಆರೆಥಾ ಫ್ರಾಂಕ್ಲಿನ್, ಹಾಲಿವುಡ್ ತಾರೆಯರಾದ ಚಾರ್ಲಿ ಶೀನ್, ಜಾನಿ ಡೆಪ್ ಹಾಗೂ ಮೊರ್ಗಾನ್ ಫ್ರಿಮ್ಯಾನ್ ನಿಧನದ ಹುಸಿ ಸುದ್ದಿಗಳನ್ನು ಟ್ವಿಟ್ಟರ್ನಲ್ಲಿ ಕಿಡಿಗೇಡಿಗಳು ಪ್ರಸಾರ ಮಾಡಿದ್ದರು.
ಬ್ರೇಕಿಂಗ್ ಸುದ್ದಿಗಳ ಮೊದಲು ಪ್ರಸಾರ ಮಾಡುವ ತಾಣ ಎಂಬ ಹೆಗ್ಗಳಿಕೆ ಗಳಿಸಿದ್ದ ಟ್ವಿಟ್ಟರ್ ಕೀರ್ತಿಗೆ ಕಪ್ಪು ಮಸಿ ಬಳಿಯಲು ಬ್ಲ್ಯಾಕ್ ಬೆರ್ರಿ ಮೆಸ್ಸೆಂಜರ್ ಮೂಲಕ ಈ ರೀತಿ ಸುಳ್ಳು ಸುದ್ದಿಯನ್ನು ಕಿಡಿಗೇಡಿಗಳು ಹರಡಿದ್ದಾರೆ ಎಂದು ಸದ್ಯಕ್ಕೆ ತಿಳಿದು ಬಂದಿದೆ.[ಟ್ವಿಟ್ಟರ್]