ಏನೂ ಮಾಡಕ್ಕಾಗಲ್ಲ ಇಂದು Monday ಬಿಸಿ ಮಾರಾಯ್ರೆ!
ಸೋಮವಾರವೇ ಯಾಕೆ ಹೀಗಾಗುತ್ತೆ ಎಂದರೆ, ಶನಿವಾರ, ಭಾನುವಾರ ಎರಡೂ ದಿನ ಹಾಯಾಗಿ ಕಳೆದಿರುತ್ತೀವಿ. ಸೋಮವಾರವೂ ತಲೆಗೆ ಹತ್ತಿದ ಮಂಕು ಇಳಿಯಲ್ಲಾ ಅಂತೀರಾ. ಇದ್ಯಾವುದೂ ಅಲ್ಲ ಬಿಡಿ. ಈ ಸೋಮವಾರವೇ ಹಿಂಗೆ. ಅದರಲ್ಲೂ ಮುಖ್ಯವಾಗಿ ಜನವರಿ 17ರ ಸೋಮವಾರವನ್ನಂತೂ ಕೇಳಲೇಬೇಡಿ!
ಪಂಡಿತರು ಒಂಚೂರು ತಲೆ ಖರ್ಚು ಮಾಡಿ ಈ ಸೋಮವಾರಕ್ಕೆ 'Blue Monday' ಎಂದು ಹೆಸರಿಟ್ಟಿದ್ದಾರೆ. ಹಾಗೆಂದರೆ Monday ಬಿಸಿ ಎಂದರ್ಥ! ವರ್ಷದ ಅತ್ಯಧಿಕ ಖಿನ್ನತೆಯ ದಿನ ಇದು. ಪ್ರತಿ ವರ್ಷ ಜನ'ವರಿ' ಮೂರನೇ ಸೋಮವಾರ ಬಂತೆಂದರೆ ಸಾಕು ಈ ಜಡತ್ವದ ಕಾಟ ತಪ್ಪಿದ್ದಲ್ಲ.
ಈ ದಿನ ಯಾಕೆ ಹೀಗಾಗುತ್ತದೆ ಎಂಬುದಕ್ಕೆ ವಿಜ್ಞಾನಿಗಳು ಹಲವಾರು ಕಾರಣಗಳನ್ನು ಪಟ್ಟಿ ಮಾಡಿದ್ದಾರೆ. ಅವುಗಳಲ್ಲಿ ಮುಖ್ಯವಾಗಿ ಕಳೆದ ವರ್ಷ ಮಾಡಿದ ಸಾಲಗಳು ಹಾಗೂ ಹವಾಮಾನ ಬದಲಾವಣೆ, ಹೊಸವರ್ಷದ ಹೊಸ ಗುರಿಗಳು, ಸಂಕಲ್ಪಗಳು ನಮ್ಮನ್ನು ಖಿನ್ನತೆಗೆ ದೂಡುವುದೇ ಈ ಮನಸ್ಥಿತಿಗೆ ಕಾರಣ ಎನ್ನುತ್ತಾರೆ.
ಅದು ಏನೇ ಇರಲಿ ಈ Monday ಬಿಸಿಯಿಂದ ಹೊರಬರಲು ಸಾಧ್ಯವಿಲ್ಲವೇ? ಎಂಬ ಬಿಲಿಯನ್ ಡಾಲರ್ ಪ್ರಶ್ನೆಗೆ 'ದಿ ಟೆಲಿಗ್ರಾಫ್' ಪತ್ರಿಕೆ ಕೆಲವೊಂದು ಉತ್ತರಗಳನ್ನು ಹುಡುಕಿದೆ. ಜನವರಿ 17ರ ಸೋಮವಾರವನ್ನು ಎಲ್ಲಾ ಅನಿಷ್ಟ ಸೋಮವಾರಗಳ ತಾಯಿ ಎಂದು ಬಣ್ಣಿಸಲಾಗಿದೆ. Monday ಬಿಸಿಯಿಂದ ಬಳಲುತ್ತಿರುವವರಿಗೆ ಇಲ್ಲಿದೆ ನೋಡಿ ಮದ್ದು.
*
ದಾನ,
ಧರ್ಮಗಳನ್ನು
ಮಾಡಿ
*
ನಿಮ್ಮ
ಮನದನ್ನೆಯನ್ನು
ಪ್ರೀತಿಯಿಂದ
ಮಾತನಾಡಿಸಿ
*
ಸಾಧ್ಯವಾದರೆ
ಹಾಡೊಂದನ್ನು
ಹಾಡಿ
*
ಯಾರನ್ನಾದರೂ
ಗೋಳು
ಹೊಯ್ದುಕೊಳ್ಳಿ
*
ನೇರವಾಗಿ
ಕುಳಿತುಕೊಳ್ಳಿ
*
ಸಂತೋಷವಾಗಿ
ತಿನ್ನಲು
ಪ್ರಯತ್ನಿಸಿ
*
ಸಾಧ್ಯವಾದರೆ
ಒಂದು
ಸ್ಟೆಪ್
ಹಾಕಿ
ನೋಡಿ
*
ಬರಿಗಾಲಲ್ಲಿ
ಹೆಜ್ಜೆ
ಹಾಕಿ
ನಲಿಯಿರಿ
*
ಪ್ರಣಯಚೇಷ್ಟೆ
ಯಾಕಾಗಬಾರದು
*
ಹಕ್ಕಿಗಳ
ಧ್ವನಿಗೆ
ಕಿವಿಗೊಡಿ
*
ದಿನಪತ್ರಿಕೆಗೆ
ಒಂದು
ಪತ್ರ
ಒಗೆದು
ಬಿಸಾಕಿ
ಇದಿಷ್ಟನ್ನು ಮಾಡಿ ನೋಡಿ ನಿಮ್ಮ Monday ಬಿಸಿ ಕ್ಷಣಮಾತ್ರದಲ್ಲಿ ಮಂಗಮಾಯವಾಗುತ್ತದೆ. ಇನ್ನೂ ನಿಮ್ಮ Monday ಬಿಸಿ ತಣ್ಣಗಾಗಲಿಲ್ಲ ಅಂದ್ರೆ ಏನೂ ಮಾಡಲಿಕ್ಕಾಗಲ್ಲ, ಈ ಹೊತ್ತು Monday ಬಿಸಿ ಮಾರಾಯ್ರೆ! ಇಲ್ಲ, ಮಂಡೆ ಬಿಸಿಯೂ ಇಲ್ಲ!