• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನಿತ್ಯಾನಂದ ಸ್ವಾಮಿ 34ನೇ ಹುಟ್ಟುಹಬ್ಬ ಆಚರಣೆ

By Prasad
|

ತಿರುಅಣ್ಣಾಮಲೈ, ಡಿ. 29 : ನಟಿ ರಂಜಿತಾ ಜೊತೆ ಲೈಂಗಿಕ ಹಗರಣದಲ್ಲಿ ಭಾಗಿಯಾಗಿರುವ ಆರೋಪ ಹೊತ್ತ ಸ್ವಾಮಿ ನಿತ್ಯಾನಂದ ತಮಿಳುನಾಡಿನ ತಿರುಅಣ್ಣಾಮಲೈನಲ್ಲಿರುವ ಅಣ್ಣಾಮಲೆಯಾರ್ (ಶಿವ) ದೇವಸ್ಥಾನದಲ್ಲಿ ಸಾವಿರಾರು ಭಕ್ತಾದಿಗಳ ಸಮ್ಮುಖದಲ್ಲಿ ಡಿ.29, ಬುಧವಾರ 34ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು.

ಬೆಳ್ಳಂಬೆಳಿಗ್ಗೆ ಬ್ರಾಹ್ಮಿ ಮುಹೂರ್ತದಲ್ಲಿ ಸ್ನಾನಾದಿಗಳನ್ನು ಪೂರೈಸಿದ ನಂತರ ಐದು ಗಂಟೆಯ ಚುಮುಚುಮು ಚಳಿಯಲ್ಲಿ ಶಿವನ ಸನ್ನಿಧಾನಕ್ಕೆ ತೆರಳಿದ ನಿತ್ಯಾನಂದ ಮೂರು ಗಂಟೆಗಳ ಕಾಲ ಭೋಲೇನಾಥನ ಪೂಜೆ, ಸ್ಮರಣೆಯಲ್ಲಿ ಕಾಲ ಕಳೆದರು. ಅಲ್ಲಿ ನೆರೆದಿದ್ದ ಸಾವಿರಾರು ಭಕ್ತರ ಉಪಸ್ಥಿತಿಯಿಂದ ಆನಂದತುಂದಿಲರಾದ ನಿತ್ಯಾನಂದರು ಭಕ್ತಿಪರವಶತೆಯಲ್ಲಿ ಆನಂದಭಾಷ್ಪ ಮಿಡಿದರು.

ಭಕ್ತರ ಉನ್ಮಾದದ ನಡುವೆ ಸಂತಸದಿಂದ ಜನ್ಮದಿನಾಚರಣೆಯನ್ನು ಆಚರಿಸಿಕೊಂಡ ನಿತ್ಯಾನಂದ ನಂತರ ಭಕ್ತಾದಿಗಳು ಪ್ರಸಾದಾದಿ ವಿತರಿಸಿದರು. ಆದರೆ, ದೇವಸ್ಥಾನದೊಳಗಡೆ ಒಂದೆಡೆ ಭಕ್ತರಿಂದ ಜಯಘೋಷ ಮೊಳಗುತ್ತಿದ್ದರೆ, ಅದೇ ದೇವಸ್ಥಾನದ ಹೊರಭಾಗದಲ್ಲಿ ಸಿಪಿಎಂ ಕಾರ್ಯಕರ್ತರು ಆಧ್ಯಾತ್ಮ ಗುರುವಾಗಿದ್ದೂ ಲೈಂಗಿಕ ಚಟುವಟಿಕೆಗಳಲ್ಲಿ ತಲ್ಲೀನರಾಗಿ, ಸಿಕ್ಕಿಬಿದ್ದು, ಜೈಲುವಾಸ ಕಂಡು ಬೇಲ್ ಮೇಲೆ ಹೊರಬಿದ್ದಿರುವ ನಿತ್ಯಾನಂದರ ವಿರುದ್ಧ ಪ್ರತಿಭಟನೆ ನಡೆಸಿದರು.

ಪ್ರತಿಭಟನೆಯಿಂದ ಹಸನ್ಮುಖಿಯಾಗಿದ್ದರೂ ವಿಚಲಿತರಾದಂತೆ ಕಂಡ ನಿತ್ಯಾನಂದರು ದೇವಸ್ಥಾನ ಹಿಂಬಾಗಿಲಿಂದ ಪರಾರಿಯಾಗಿದ್ದಾರೆ. ಆದರೂ ಬೆಂಬಿಡದ ನಿತ್ಯಾನಂದದ ವಿರೋಧಿಗಳು ಹಾದಿಯುದ್ದಕ್ಕೂ ಅವರ ವಿರುದ್ಧ ಘೋಷಣೆಗಳನ್ನು ಕೂಗಿದ್ದಾರೆ. ಕೊನೆಗೆ ಹಾಗೂಹೀಗೂ ಮಾಡಿ ತಮಿಳುನಾಡಿನಲ್ಲಿರುವ ಆಶ್ರಮವನ್ನು ನಿತ್ಯಾನಂದರು ಸೇರಿಕೊಂಡಿದ್ದಾರೆ. [ಸ್ವಾಮಿ ನಿತ್ಯಾನಂದ]

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Swami Nithyananda of Bidadi Dhyanapeetham celebrated 34th birthday in Tiruannamalai Shiva temple in the presence of thousands of devotees. CPM activists protested in front of the temple.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more