ಇಸ್ರೋ ಜಿಸ್ಯಾಟ್ 5ಪಿ ಉಪಗ್ರಹ ಉಡಾವಣೆ ವಿಫಲ
ಉಡಾವಣೆಯಾದ 20 ನಿಮಿಷಗಳಲ್ಲಿ ಭೂಸ್ಥಿರ ಕಕ್ಷೆಗೆ ಸೇರಬೇಕಾಗಿದ್ದ ಜಿಸ್ಯಾಟ್ 5ಪಿ ಉಪಗ್ರಹ ಹಾರಿದ 55 ಸೆಕೆಂಡುಗಳಲ್ಲಿ ಪತನವಾಯಿತು. ಈ ಮೂಲಕ ಇಸ್ರೋದ ರು.125 ಕೋಟಿ ವೆಚ್ಚದ ಮಹತ್ವಾಕಾಂಕ್ಷಿ ಯೋಜನೆಗೆ ಹಿನ್ನೆಡೆಯಾಗಿದೆ. ಜಿಎಸ್ಎಲ್ವಿ ಹೊತ್ತೊಯ್ದ ಉಪಗ್ರಹದ ತೂಕ 2,130 ಕೆಜಿಯಷ್ಟಿತ್ತು.
ಟೆಲಿಕಮ್ಯುನಿಕೇಷನ್ ಮತ್ತು ಹವಾಮಾನ ಇಲಾಖೆಗೆ ಜಿಸ್ಯಾಟ್ 5ಪಿ ಉಪಗ್ರಹದಿಂದ ಹೆಚ್ಚಿನ ಅನುಕೂಲವಾಗುತ್ತಿತ್ತು. ಜಿಎಸ್ಎಲ್ವಿ ರಾಕೆಟ್ನ ಎರಡನೇ ಹಂತದಲ್ಲಿ ಕಂಡುಬಂದ ತಾಂತ್ರಿಕ ದೋಷವೇ ವಿಫಲತೆಗೆ ಕಾರಣ ಎನ್ನಲಾಗಿದೆ. ಇಸ್ರೋದ ಪ್ರಯತ್ನ ಮತ್ತೊಮ್ಮೆ ವಿಫಲವಾಗಲು ಸೂಕ್ತ ಕಾರಣ ಏನು ಎಂಬುದು ಇನ್ನಷ್ಟೆ ಹೊರಬೀಳಬೇಕಾಗಿದೆ.
ಜಿಸ್ಯಾಟ್ 5ಪಿ ಉಪಗ್ರಹವು 13 ವರ್ಷಗಳ ಕಾಲ ಕಾರ್ಯ ನಿರ್ವಹಿಸುವಂತಿದ್ದು ಹಾಗೂ 36 ಟ್ರಾನ್ಸ್ಫಾಂಡರ್ಗಳನ್ನು ಒಳಗೊಂಡಿತ್ತು. ಶನಿವಾರ ಸಂಜೆ 4.04 ಗಂಟೆ ಉಡಾವಣೆಗೊಂಡ ರಾಕೆಟ್ 55 ಸೆಕೆಂಡುಗಳಲ್ಲಿ ಪತನಗೊಂಡಿದೆ. ಜಿಎಸ್ಎಲ್ವಿ ರಾಕೆಟ್ 51 ಅಡಿ ಎತ್ತರವಿದ್ದು 418 ಟನ್ ತೂಕವಿತ್ತು.
ಇದು ಇಸ್ರೋಗೆ ಆದ ಎರಡನೇ ಆಘಾತ. ಇದೇ ವರ್ಷ ಏಪ್ರಿಲ್ ತಿಂಗಳಲ್ಲಿ ಸ್ವದೇಶಿ ನಿರ್ಮಿತ ಕ್ರಯೋಜೆನಿಕ್ ಇಂಜಿನ್ ನಲ್ಲಿ ತಾಂತ್ರಿಕ ದೋಷ ಕಂಡುಬಂದ ಕಾರಣ ಉಪಗ್ರಹ ಜಿಎಸ್ಎಲ್ ವಿ-ಡಿ3ಯ ಉಡಾವಣೆ ವಿಫಲವಾಗಿತ್ತು. [ಉಪಗ್ರಹ]