ಶ್ರೀಲಂಕಾದಲ್ಲಿ ಅಡುಗೆ ಅನಿಲಬೆಲೆ 800 ರು
ಜೂನ್ 25ರ ಬೆಲೆ ಪರಿಷ್ಕಣೆಯ ನಂತರ ಪೆಟ್ರೋಲ್ ಬೆಲೆ ದೆಹಲಿಯಲ್ಲಿ ಲೀಟರಿಗೆ ರೂ 51.43 ಆಗಿದ್ದರೆ, ನೆರೆಯ ಕಾಠ್ಮಂಡುವಿನಲ್ಲಿ ರೂ 51.36 ಆಗಿದೆ. ಈ ಬೆಲೆ ಢಾಕಾದಲ್ಲಿ ರೂ 49.72 ಹಾಗೂ ಕೊಲಂಬೋದಲ್ಲಿ ರೂ 47.24 ಹಾಗೂ ಕರಾಚಿಯಲ್ಲಿ ರೂ 36.41 ಆಗಿದೆ.
ಯೂರೋ 4 ದರ್ಜೆಯ ಡೀಸೆಲ್ ಬೆಲೆ ಲೀಟರಿಗೆ ದೆಹಲಿಯಲ್ಲಿ ರೂ 40.10 ಆಗಿದ್ದು ಕರಾಚಿಯಲ್ಲಿ ರೂ 41.44, ಕಾಠ್ಮಂಡುವಿನಲ್ಲಿ ರೂ 39.24, ಕೊಲಂಬೋದಲ್ಲಿ ರೂ 29.90 ಹಾಗೂ ಢಾಕಾದಲ್ಲಿ ರೂ29.43 ಆಗಿದೆ.
ಇತರ ದೇಶಗಳ ಇಂಧನ ಬೆಲೆ ಕಡಿಮೆ ಇದ್ದರೂ ಭಾರತದಲ್ಲಿ ಯೂರೋ 3 ಹಾಗೂ ಯೂರೋ 4 ಗುಣಮಟ್ಟವನ್ನು ಕಾಪಾಡಲಾಗುತ್ತಿದೆ ಎಂದು ತಜ್ಞರು ಹೇಳುತ್ತಾರೆ . ಆದರೆ ಭಾರತದಲ್ಲಿ ಅಡುಗೆ ಅನಿಲ ಮತ್ತು ಸೀಮೆಣ್ಣೆ ದರ ದಕ್ಷಿಣ ಏಷ್ಯಾದಲ್ಲೆ ಅತೀ ಕಡಿಮೆ ಆಗಿದೆ.
ದೆಹಲಿಯಲ್ಲಿ ಅಡುಗೆ ಅನಿಲ ಸಿಲಿಂಡರ್ ಗೆ 345.55 ರೂಪಾಯಿಗಳಾಗಿದ್ದರೆ ಕರಾಚಿಯಲ್ಲಿ ರೂ 577.18, ಕಾಠ್ಮಂಡುವಿನಲ್ಲಿ ರೂ 782.84, ಕೊಲಂಬೋದಲ್ಲಿ 822.65 ಹಾಗೂ ಢಾಕಾದಲ್ಲಿ 537.37 ಇದೆ.
ಸೀಮೆಣ್ಣೆ ದರ ದೆಹಲಿಯಲ್ಲಿ ಲೀಟರಿಗೆ 12.32, ಕಾಠ್ಮಂಡುವಿನಲ್ಲಿ ರೂ 39.24, ಕರಾಚಿಯಲ್ಲಿ ರೂ 35.97, ಢಾಕಾದಲ್ಲಿ ರೂ 29.43 ಹಾಗೂ ಕೊಲಂಬೋದಲ್ಲಿ ರೂ21 ಆಗಿದೆ.