ಅಂತರ್ಜಾಲ ಅಂಗಳಕ್ಕೆ ಶೋಭಾ ಕರಂದ್ಲಾಜೆ
ಈ ಒಕ್ಕಣಿಕೆಯಿಂದ ಆರಂಭವಾಗುವ ಮಾಜಿ ಸಚಿವೆ ಶೋಭಾ ಕರಂದ್ಲಾಜೆ ಅವರ about Usನಲ್ಲಿ ಹೇಳಿರುವಂತೆ..
"...ಅಧಿಕಾರ ಕಳೆದುಕೊಂಡ ಮೇಲೆ ರಾಜ್ಯದ ಜನ ಅಪಾರವಾದ ಪ್ರೀತಿ, ವಿಶ್ವಾಸ, ಅನುಕಂಪವನ್ನು ತೋರುತ್ತಿದ್ದೀರಿ. ಮಾಧ್ಯಮದ ಎಲ್ಲಾ ಬಂಧುಗಳು ಪ್ರೀತಿ ತೋರುತ್ತಿದ್ದಾರೆ. ನಿಮ್ಮೆಲ್ಲರಿಗೂ ನನ್ನ ಶತಶತ ನಮನಗಳು. ನಿಮ್ಮ ಪ್ರೀತಿ, ವಿಶ್ವಾಸವನ್ನು ಉಳಿಸಿಕೊಳ್ಳುವ ಪ್ರಯತ್ನ ಮಾಡುತ್ತೇನೆ. ನಿಮ್ಮ ಸಲಹೆ, ಸಹಕಾರ ಹೀಗೇನೇ ಇರಲಿ ಎಂದು ನನ್ನ ವಿನಂತಿ. ಹಾಗೇನೆ ನಿಮ್ಮ ಸಲಹೆಗಳನ್ನು ನನಗೆ ತಿಳಿಸಿ."
ಇಂತಿ
ನಿಮ್ಮವಳೇ,
ಶೋಭ
ಎಂಬಲ್ಲಿಯವರೆಗೆ ಮುಕ್ತಾಯವಾಗುತ್ತದೆ. ತಮ್ಮ ಹಿನ್ನೆಲೆ, ನನಸಾದ ಕನಸುಗಳು, ಮಾಡಬೇಕಾದ ಕೆಲಸಗಳು ಮತ್ತೆಲ್ಲ ಮಾಹಿತಿ, ವಿಚಾರಗಳನ್ನು ಜನತೆಯ ಮುಂದೆ ತೆರೆದಿಡುವ ಶೋಭಾ ಕರಂದ್ಲಾಜೆ ಅವರ ಅಂತರ್ಜಾಲ ತಾಣ 25 ಫೆಬ್ರವರಿ ಗುರುವಾರ ಸಂಜೆ 5 ಗಂಟೆಗೆ ಬೆಂಗಳೂರಿನಲ್ಲಿ ಉದ್ಘಾಟನೆ ಆಯಿತು. ತಮ್ಮ ವಿಧಾನಸಭಾ ಕ್ಷೇತ್ರ ಯಶವಂತಪುರ ಮೊದಲುಗೊಂಡಂತೆ ಇನ್ನಿತರ ಹಲಕೆಲವು ಮಾಹಿತಿಗಳನ್ನು ಒಳಗೊಂಡ ಅವರ ವೆಬ್ ವಿಳಾಸ ಇಂತಿದೆ. ನೋಡಿ : http://www.shobhakarandlaje.com/