ಸಾಲದ ಸುಳಿಯಲ್ಲಿ ಐಷಾರಾಮಿ ದುಬೈ!
ಅರಬ್ ಗಣರಾಜ್ಯದ ಏಳು ಪ್ರಾಂತ್ಯಗಳ ಪೈಕಿ ಪ್ರಮುಖವಾಗಿರುವ ದುಬೈ, ಶೇಖ್ ವಂಶಸ್ಥರ ಪ್ರತ್ಯೇಕ ರಾಜಾಡಳಿತ ಹಾಗು ಬಜೆಟ್ ಹೊಂದಿದೆ. ಆದರೆ ಭದ್ರತೆ, ವಲಸೆ, ವಿದೇಶಾಂಗ ನೀತಿ ಸಮಾನವಾಗಿದೆ. 1950 ರಿಂದ ದುಬೈನ ಆರ್ಥಿಕತೆ ತೈಲ ಮಾತ್ರವಲ್ಲದೆ ಬಂದರು, ವ್ಯಾಪಾರ ಹಣಕಾಸು ಸೇವೆ ಮುಂತಾದ ನಾನಾ ಕ್ಷೇತ್ರಗಳಿಗೆ ಹರಡಿತು. ಆದರೆ ಕಳೆದೊಂದು ದಶಕದಿಂದ ರಿಯಲ್ ಎಸ್ಟೇಟ್ , ನಿರ್ಮಾಣ ಮತ್ತು ಪ್ರವಾಸೋಧ್ಯಮದಲ್ಲಿ ಸಿಕ್ಕಾಪಟ್ಟೆ ಹೂಡಿಕೆ ನಡೆಯಿತು. ಆದರೆ ಆರ್ಥಿಕ ಹಿಂಜರಿತದಿಂದ ರಿಯಲ್ ಎಸ್ಟೇಟ್, ನಿರ್ಮಾಣ, ಪ್ರವಾಸೋಧ್ಯಮ ಕೂಡ ಕುಸಿದಿರುವುದರಿಂದ ಸಾಲ ಮರುಪಾವತಿಗೆ ದುಬೈ ವರ್ಲ್ಡ್ ಗೆ ಕಷ್ಟವಾಗಿದೆ.
ದುಬೈ ವರ್ಲ್ಡ್ ಬಿಕ್ಕಟ್ಟನ್ನು ಸರಿಪಡಿಸುವ ಭರವಸೆ ನೀಡಿರುವ ಸರಕಾರ ಮೊದಲ ಹಂತದಲ್ಲಿ 59 ಶತಕೋಟಿ ಡಾಲರ್ ಮರು ಪಾವತಿಗೆ ಕನಿಷ್ಟ ಮೇ 30 , 2010ರ ತನಕ ಕಾಲಾವಕಾಶ ಬೇಕೆಂದು ಹೇಳಿದೆ. ದುಬೈ ಬಿಕ್ಕಟ್ಟು ಭಾರತದ ಮೇಲೆ ಹೆಚ್ಚಿನ ಪರಿಣಾಮ ಬೀರದು ಎಂದು ವಾಣಿಜ್ಯ ಸಚಿವ ಆನಂದ್ ಶರ್ಮಾ ಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ. ಈ ನಡುವೆ ಶುಕ್ರವಾರ (ನ 27) ಮುಂಬೈ ಶೇರು ಪೇಟೆ 634.16ಪಾಯಿಂಟ್ ಗಳ ಅಥವಾ ಶೇ. 3.78ರಷ್ಟು ನಷ್ಟ ಅನುಭವಿಸಿತು.
(ಏಜೆನ್ಸೀಸ್)