ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಬಂಗಾರಪೇಟೆ-ಬೆಂಗಳೂರು ಬಸ್ ಪಾಸ್ ವ್ಯವಸ್ಥೆ
ಕೋಲಾರ, ಜೂ. 16 : ಕರ್ನಾಟರ ರಾಜ್ಯ ರಸ್ತೆ ಸಾರಿಗೆ ನಿಗಮವು ಗ್ರಾಮಾಂತರ ಹಾಗೂ ನಗರ ಸಾರಿಗೆ ಸಂಯುಕ್ತ ಸೇವೆಯ ಯೋಜನೆಯನ್ನು ಕೋಲಾರ ಹಾಗೂ ಮಾಲೂರಿನಿಂದ ಬೆಂಗಳೂರಿಗೆ ಪ್ರಯಾಣಿಸುವ ಪ್ರಯಾಣಿಕರಿಗೆ ದೈನಿಕ ಪಾಸಿನ ಸೌಲಭ್ಯವನ್ನು ಈಗಾಗಲೇ ನೀಡಿದ್ದು, ಈ ಸೌಲಭ್ಯವನ್ನು ಬಂಗಾರಪೇಟೆಯಿಂದ ಬೆಂಗಳೂರಿಗೆ ಪ್ರಯಾಣಿಸುವ ಪ್ರಯಾಣಿಕರಿಗೂ ಸಹ ಜೂನ್ 15 ರಿಂದ ಜಾರಿ ತಂದಿದೆ.
ಬಂಗಾರಪೇಟೆಯಿಂದ ಬೆಂಗಳೂರಿಗೆ ಪ್ರಯಾಣಿಸುವ ಪ್ರಯಾಣಿಕರು ಹೋಗಿ ಬರುವ ಪ್ರಯಾಣದರದಷ್ಟು ಮುಖಬೆಲೆಯ ದೈನಿಕ ಪಾಸನ್ನು ಖರೀದಿಸಿದಲ್ಲಿ ಆ ದಿನದಂದು ಬೆಂ.ಮ.ಸಾ.ಸಂಸ್ಥೆಯ ಕಪ್ಪು ಕೆಂಪು ಹಲಗೆಯ ವಾಹನಗಳಲ್ಲಿ ಉಚಿತವಾಗಿ ಪ್ರಯಾಣಿಸಬಹುದಾಗಿದೆ.
ಬಂಗಾರಪೇಟೆ-ಬೆಂಗಳೂರು ದೈನಿಕ ಪಾಸ್ ನ ಬೆಲೆ ರೂ.100, ಪಾಸುಗಳು ಬಂಗಾರಪೇಟೆ, ಕೆಜಿಎಫ್ ಬಸ್ ನಿಲ್ದಾಣಗಳಲ್ಲಿ ಹಾಗೂ ಬಂಗಾರಪೇಟೆಯಿಂದ ಬೆಂಗಳೂರು ಕಡೆಗೆ ಕಾರ್ಯಾಚರಣೆ ಆಗುವ ಬಸ್ಗಳ ನಿರ್ವಾಹಕರ ಬಳಿ ದೊರೆಯುತ್ತದೆ ಎಂದು ನಿಗಮದ ವಿಭಾಗೀಯ ನಿಯಂತ್ರಣಾಧಿಕಾರಿಗಳು ತಿಳಿಸಿದ್ದಾರೆ.
(ದಟ್ಸ್ ಕನ್ನಡ ವಾರ್ತೆ)
Comments
Story first published: Tuesday, June 16, 2009, 14:41 [IST]