ಫ್ರಾನ್ಸ್ ವಿಮಾನ ದುರಂತ:228 ಜನ ನೀರು ಪಾಲು
ಬ್ರೆಜಿಲ್ ನ ರಿಯೋ ಡಿ ಜನೈರೋ ವಿಮಾನ ನಿಲ್ದಾಣದಿಂದ ಭಾನುವಾರ ಸಂಜೆ 7 ಗಂಟೆಗೆ (ಸ್ಥಳೀಯ ಕಾಲಮಾನ)ಹೊರಟ ಏರ್ ಬಸ್ ಎ -330 ವಿಮಾನ ಅಟ್ಲಾಂಟಿಕ್ ಸಾಗರದ ಮೇಲೆ ಹಾರಾಡುವಾಗ ವಾಯು ಸಂಚಾರ ನಿಯಂತ್ರಣ(ATC) ಕಚೇರಿಯ ಸಂಪರ್ಕ ಕಳೆದುಕೊಂಡಿತು. ಸ್ಪೇನ್, ಮೊರಾಕೋ ಹಾಗೂ ಫ್ರಾನ್ಸ್ ದೇಶದ ರೇಡಾರ್ ಕಣ್ಣಿಗೆ ಕಾಣದಂತೆ ಕಣ್ಮರೆಯಾದ ವಿಮಾನ ಭಾರಿ ಅನಾಹುತಕ್ಕೆ ನಾಂದಿ ಹಾಡಿತು ಎಂದು ಫ್ರಾನ್ಸ್ ಸಚಿವ ಲೂಯಿಸ್ ಬೋರ್ಡೂ ಹೇಳಿದ್ದಾರೆ.
ವಿಮಾನದ ಅವಶೇಷಗಳು ಮತ್ತು ಪ್ರಯಾಣಿಕರ ಶವಗಳಿಗಾಗಿ ದಕ್ಷಿಣ ಅಟ್ಲಾ೦ಟಿಕ ಸಾಗರದಲ್ಲಿ ತೀವ್ರ ಶೋಧ ಕಾರ್ಯ ಮುಂದುವರಿದಿದೆ. ಪ್ರಯಾಣ ಆರಂಭಿಸಿದ ವಿಮಾನ ನಾಲ್ಕು ಗಂಟೆಗಳ ಹಾರಾಟದ ಬಳಿಕ ಅಟ್ಲಾ೦ಟಿಕ ಸಾಗರದ ಮೇಲೆ ಹಾರುತ್ತಿದ್ದಾಗ ಅದಕ್ಕೆ ಸಿಡಿಲು ಬಡಿದಿರುವ ಶಂಕೆಯಿದೆ.
ದುರಂತಕ್ಕೀಡಾದ ವಿಮಾನದಲ್ಲಿದ್ದ 216 ಪ್ರಯಾಣಿಕರ ಪೈಕಿ 126 ಪುರುಷರು, 82 ಮಹಿಳೆಯರು, 7 ಮಕ್ಕಳು ಒಂದು ಹಸುಗೂಸು ಇತ್ತು . ಬಹುತೇಕ ಪ್ರಯಾಣಿಕರು ಬ್ರೆಜಿಲ್ ನವರು, ಉಳಿದಂತೆ ಫ್ರಾನ್ಸ್, ಜರ್ಮನಿ ಪ್ರಯಾಣಿಕರು ಇದ್ದರು ಎನ್ನಲಾಗಿದೆ.
(ಏಜೆನ್ಸೀಸ್)