ಗಜಲ್ ಗಾರುಡಿಗ ಜಗಜೀತ್ ಸಿಂಗ್ ಮಗಳು ಆತ್ಮಹತ್ಯೆ
ಎರಡನೇ ವಿವಾಹವೂ ವಿಚ್ಛೇದನಗೊಂಡ ನಂತರ ತೀವ್ರ ಮಾನಸಿಕ ತೊಂದರೆ ಅನುಭವಿಸುತ್ತಿದ್ದ ಮೋನಿಕಾ ಶುಕ್ರವಾರ ರಾತ್ರಿ ಸಾವಿಗೆ ಶರಣಾಗಿದ್ದಾರೆ. ಮೋನಿಕಾ ಚೌಧರಿ ಅವರು ಬಾಲಿವುಡ್ ಕ್ಯಾಮರಾಮನ್ ಜಹಾಂಗೀರ್ ಚೌಧರಿ ಎಂಬುವವರನ್ನು ಮದುವೆಯಾಗಿದ್ದರು. ಆದರೆ, ಕೌಟುಂಬಿಕ ಸಮಸ್ಯೆಯಿಂದ ಅವರಿಗೆ ವಿಚ್ಛೇದನ ನೀಡಿದ್ದರು. ಬಹುರಾಷ್ಟ್ರೀಯ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಬ್ರಿಟನ್ ಮೂಲದ ಮಾರ್ಕ್ ಅಟ್ಕಿನ್ ಎಂಬುವವರನ್ನ ಎರಡನೇ ಮದುವೆಯಾಗಿದ್ದ ಮೋನಿಕಾ, ಆ ಮದುವೆಯೂ ಬಹುದಿನ ಬಾಳಲಿಲ್ಲ. ಇದರಿಂದ ತೀವ್ರ ನೊಂದಿದ್ದ ಅವರು, ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದರು. ಮೋನಿಕಾ ಚೌಧರಿ ಅವರಿಗೆ ಅರ್ಮನ್ (18) ಮತ್ತು ಉಮೇದ್ (12) ಎಂಬ ಎರಡು ಗಂಡು ಮಕ್ಕಳಿದ್ದಾರೆ.
ಗಜಲ್ ಗಾಯಕ ಜಗಜೀತ್ ಸಿಂಗ್ ಅವರ ಪತ್ನಿ ಚಿತ್ರಾ ಸಿಂಗ್ ಅವರ ಮಗಳು ಈ ಮೋನಿಕಾ ಚೌಧರಿ. ಚಿತ್ರಾ ಸಿಂಗ್ ಅವರು ಜಗಜೀತ್ ಸಿಂಗ್ ಅವರನ್ನು ಎರಡನೇ ಮದುವೆಯಾಗಿದ್ದರು. ವೃತ್ತಿಯಿಂದ ಜಗಜೀತ್ ಸಿಂಗ್ ಮತ್ತು ಚಿತ್ರಾ ಸಿಂಗ್ ಗಾಯಕರಾಗಿದ್ದರು. ಸದ್ಯ ಈ ದಂಪತಿಗಳು ವಿದೇಶದಲ್ಲಿ ನೆಲೆಸಿದ್ದಾರೆ. ಚಿತ್ರಾ ಸಿಂಗ್ 1990ರಲ್ಲಿ ಅವರ ಮಗ ವಿವೇಕ್ ಆಕಸ್ಮಿಕವಾಗಿ ಸಾವನ್ನಪ್ಪಿದಾಗಿನಿಂದ ಅವರು ತಮ್ಮ ಸಂಗೀತ ಸೇವೆಯನ್ನು ಕೈಬಿಟ್ಟಿದ್ದಾರೆ.
(ಏಜನ್ಸೀಸ್)