ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಅಮೆರಿಕಾದಲ್ಲಿ ಐವರು ಭಾರತೀಯರ (ಆತ್ಮ)ಹತ್ಯೆ?
ಸಾಂತಾಕ್ಲಾರಾ, ಮಾ.31:ಅಮೆರಿಕಾದಲ್ಲಿನ ಬೇ ಏರಿಯಾ ಪ್ರಾಂತ್ಯದ ಸಾಂಟಾಕ್ಲಾರಾ ಎಂಬ ಪ್ರದೇಶದಲ್ಲಿ ಐದು ಮಂದಿ ಭಾರತೀಯರು ಅನುಮಾನಾಸ್ಪದ ರೀತಿಯಲ್ಲಿ ದಾರುಣ ಹತ್ಯೆಗೆ ಗುರಿಯಾಗಿದ್ದಾರೆ.
ಸ್ಥಳೀಯ ಪೊಲೀಸ್ ಅಧಿಕಾರಿ ಫಿಲ್ ಕುಕ್ ಪ್ರಕಾರ, ಈ ಹತ್ಯೆ ಪ್ರಕರಣ ಮಾರ್ಚ್.29ರ ರಾತ್ರಿ 8.30 ನಡೆದಿರಬಹುದು ಎಂದು ತಿಳಿಸಿದ್ದಾರೆ. ಕುಟುಂಬದ ಮುಖ್ಯಸ್ಥನೇ ಮೊದಲು ಐದು ಮಂದಿಯನ್ನು ಗುಂಡಿಕ್ಕಿ ಕೊಂದು ನಂತರ ಸ್ವತಃ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂಬ ಅನುಮಾನ ವ್ಯಕ್ತವಾಗಿದೆ.
ಮೃತಪಟ್ಟ ದುರ್ದೈವಿಗಳೆಲ್ಲರೂ ಕೇರಳದವರೆಂದು ಶಂಕಿಸಲಾಗಿದೆ. ಆದರೆ ಪೊಲೀಸರು ಇದನ್ನು ಖಚಿತಪಡಿಸಿಲ್ಲ. ಸತ್ತವರಲ್ಲಿ ಮೂವರು ಮಕ್ಕಳು ಸೇರಿದ್ದಾರೆ. ಗುಂಡೇಟಿನಿಂದ ಗಾಯಗೊಂಡಿರುವ ಮಹಿಳೆಯೊಬ್ಬರನ್ನು ಆಸ್ಪತ್ರೆಗೆ ಸೇರಿಸಲಾಗಿದ್ದು, ಆಕೆ ಸಾವುಬದುಕಿನ ನಡುವೆ ಹೋರಾಡುತ್ತಿದ್ದಾರೆ ಎಂದು ಸ್ಯಾನ್ ಫ್ರಾನ್ಸಿಸ್ ಕೊ ಕ್ರಾನಿಕಲ್ ಪತ್ರಿಕೆ ತಿಳಿಸಿದೆ.
(ಏಜೆನ್ಸೀಸ್)
Comments
Story first published: Tuesday, March 31, 2009, 16:07 [IST]