For Daily Alerts
ಸಾಧ್ವಿ ಪ್ರಗ್ಯಾಸಿಂಗ್ ಜೆಜೆ ಆಸ್ಪತ್ರೆಗೆ ದಾಖಲು
ಜೈಲಿನಲ್ಲಿ ನೀಡುತ್ತಿರುವ ಆಹಾರ ಜೀರ್ಣಿಸಿಕೊಳ್ಳಲಾಗದ ಅವರಿಗೆ ಇತ್ತೀಚೆಗೆ ಕಾಯಿಲೆ ಕಾಣಿಸಿಕೊಂಡಿತ್ತು. ಈ ಹಿನ್ನೆಲೆಯಲ್ಲಿ ಮೋಕಾ ನ್ಯಾಯಾಲಯ ಪ್ರಗ್ಯಾಸಿಂಗ್ ಅವರನ್ನು ಸರ್ಕಾರಿ ಜೆಜೆ ಆಸ್ಪತ್ರೆಯಲ್ಲಿ ತಪಾಸಣೆ ಮಾಡಿಸುವಂತೆ ಸೂಚನೆ ನೀಡಿತ್ತು. ಈ ಹಿನ್ನೆಲೆಯಲ್ಲಿ ಇಂದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜೈಲಿನಲ್ಲಿ ನೀಡುತ್ತಿರುವ ಆಹಾರ ಸೇವಿಸದ ಅವರು, ಕಳೆದ ಕೆಲ ದಿನಗಳಿಂದ ಜೈಲಿನಲ್ಲಿ ಉಪವಾಸ ನಡೆಸುತ್ತಿದ್ದರು.
ಕಳೆದ ವರ್ಷ ಸೆಪ್ಟೆಂಬರ್ 29 ರಂದು ನಡೆದ ಮಾಲೇಂಗಾವ್ ಸರಣಿ ಬಾಂಬ್ ಸ್ಫೋಟದಲ್ಲಿ ಸಾಧ್ವಿ ಪ್ರಗ್ಯಾಸಿಂಗ್ ಅವರ ಕೈವಾಡವಿದೆ ಎಂದು ಎಂದು ಮಹಾರಾಷ್ಟ್ರ ಭಯೋತ್ಪಾದಕೆ ನಿಗ್ರಹ ಪಡೆ ಬಂಧಿಸಿತ್ತು. ವಿಚಾರಣೆ ನಂತರ ಅವರ ಮೇಲೆ ಮೋಕಾ ಕಾಯ್ದೆಯನ್ನು ಜಾರಿಗೊಳಿಸಲಾಗಿದೆ. ಪ್ರಗ್ಯಾಸಿಂಗ್ ಠಾಕೂರ್, ಪ್ರಸಾದ್ ಪುರೋಹಿತ್ ಸೇರಿ ಒಟ್ಟು ಹತ್ತು ಮಂದಿ ಮೇಲೆ ಮೋಕಾ ಕಾಯಿದೆ ಜಾರಿ ಮಾಡಲಾಗಿದೆ.
(ದಟ್ಸ್ ಕನ್ನಡ ವಾರ್ತೆ)
Story first published: Sunday, March 8, 2009, 11:58 [IST]