ಮುಕ್ತ ವಿವಿ ಪರೀಕ್ಷಾ ಶುಲ್ಕಕ್ಕೆ ಕೊನೆಯ ದಿನಾಂಕ
ಗುಲ್ಬರ್ಗ,ಮಾ.7: ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಗಳಿಗೆ 2009ರ ಮೇ ತಿಂಗಳಲ್ಲಿ ನಡೆಯುವ ಪದವಿ ವಾರ್ಷಿಕ ಪರೀಕ್ಷೆಗಳಿಗೆ ಪರೀಕ್ಷಾ ಶುಲ್ಕು ಪಾವತಿಸಲು ದಂಡ ಶುಲ್ಕವಿಲ್ಲದೆ ದಿ: 15.03.2009 ಹಾಗೂ 200 ರು. ದಂಡ ಶುಲ್ಕದೊಂದಿಗೆ ದಿ: 25.03.2009 ಕೊನೆಯ ದಿನವಾಗಿದೆ.
ಬಿ.ಎ./ಬಿ.ಕಾಂ. ಪರೀಕ್ಷೆಗಳು ಮೇ 13 ರಿಂದ ಪ್ರಾರಂಭವಾಗಿ 2009ರ ಮೇ 25ರವರೆಗೆ ನಡೆಯಲಿವೆ. ಪರೀಕ್ಷಾ ಶುಲ್ಕುಗಳ ವಿವರ ಈ ರೀತಿ ಇದೆ. 1ನೇ ಮತ್ತು 2ನೇ ಬಿ.ಎ. ಮತ್ತು 1ನೇ ಬಿ.ಕಾಂ. ಹಾಗೂ 2ನೇ ಬಿ.ಕಾಂ. ತಲಾ 650 ರೂ., ಒಂದು ಪತ್ರಿಕೆಗೆ 300 ರೂ. ಎರಡು ಪತ್ರಿಕೆಗೆ 350 ರೂ., ಮೂರು ಪತ್ರಿಕೆಗೆ 400 ರೂ. ನಾಲ್ಕು ಪತ್ರಿಕೆಗೆ 500 ಹಾಗೂ ಐದಕ್ಕಿಂತ ಮೇಲ್ಪಟ್ಟು ಪತ್ರಿಕೆಗಳಿಗೆ 650 ರೂ. , 3ನೇ ಬಿ.ಎ. ಮತ್ತು 3ನೇ ಬಿಕಾಂ.ಗೆ 750 ರೂ., ಒಂದು ಪತ್ರಿಕೆಗೆ 300 ರೂ., ಎರಡು ಪತ್ರಿಕೆಗೆ 350 ರೂ., ಮೂರು ಪತ್ರಿಕೆಗೆ 400 ರೂ., ನಾಲ್ಕು ಪತ್ರಿಕೆಗೆ 500 ರೂ, ಹಾಗೂ ಅದಕ್ಕಿಂತ ಹೆಚ್ಚಿನ ಪತ್ರಿಕೆಗೆ 750 ರೂ. ಶುಲ್ಕನ್ನು ಪಾವತಿಸಬೇಕು.
ವಿದ್ಯಾರ್ಥಿಗಳು ತುಂಬಿದ ಪರೀಕ್ಷಾ ಅರ್ಜಿಗಳನ್ನು ಕುಲಸಚಿವ (ಪರೀಕ್ಷಾಂಗ), ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ, ಮಾನಸ ಗಂಗೋತ್ರಿ, ಮೈಸೂರು-570 006 ಇವರಿಗೆ ಖುದ್ದಾಗಿ ಇಲ್ಲವೇ ನೋಂದಣಿ ಅಂಚೆ/ ಕೋರಿಯರ್ ಮೂಲಕ ಕಳುಹಿಸಬೇಕು. ಹೆಚ್ಚಿನ ಮಾಹಿತಿಗಾಗಿ ಕರಾಮುವಿ ಪ್ರಾದೇಶಿಕ ಕೇಂದ್ರ ಗುಲ್ಬರ್ಗಕ್ಕೆ ಖುದ್ದಾಗಿ ಇಲ್ಲವೇ ದೂರವಾಣಿ ಸಂ: 08472 265868 ಕ್ಕೆ ಸಂಪರ್ಕಿಸಲು ಕೋರಲಾಗಿದೆ.
(ದಟ್ಸ್ ಕನ್ನಡ ವಾರ್ತೆ)