ಜೀ ಸರೆಗಮಪ : ಮರಿ ಕೋಗಿಲೆಗಳೇ ಹಾಡಿ ನಲಿದಾಡಿ

ಬೆಂಗಳೂರು, ಡಿ.6 : ಜೀ ಕನ್ನಡದ ಪ್ರಸಿದ್ಧ ಸಂಗೀತ ಪ್ರತಿಭಾನ್ವೇಷಣೆ ಕಾರ್ಯಕ್ರಮ ಸರೆಗಮಪ ಈ ಬಾರಿ ಕರ್ನಾಟಕದ ಚಿಣ್ಣರಲ್ಲಿಯ ಪ್ರತಿಭೆಯನ್ನು ಹೊರಗೆಡಹುವ ಪಣ ತೊಟ್ಟಿದೆ. ಕರ್ನಾಟಕದಲ್ಲಿನ 7ರಿಂದ 12ವರ್ಷ ವಯಸ್ಸಿನ ಮಕ್ಕಳು ಕಾರ್ಯಕ್ರಮದಲ್ಲಿ ಭಾಗವಹಿಸಬಹುದು.

ಜೀ ಗ್ರೂಪ್‌ನಿಂದ ಈ ಮೊದಲು ಹಿಂದಿಯಲ್ಲಿ ಪ್ರಾರಂಭವಾಗಿದ್ದ ಸರೆಗಮಪ ಇಡೀ ದೇಶದ ಸಂಗೀತ ಕ್ಷೇತ್ರದಲ್ಲಿ ಸಂಚಲನ ಉಂಟು ಮಾಡಿತ್ತು. ಕರ್ನಾಟಕದಲ್ಲಿ ಜೀ ಕನ್ನಡದ ಈ ಕಾರ್ಯಕ್ರಮ ಮೊದಲು ಕರ್ನಾಟಕದಲ್ಲಿಯ ಯುವ ಗಾಯಕರನ್ನು ಪರಿಚಯಿಸಿತು. ಕರ್ನಾಟಕದ ವಿವಾಹಿತ ಮಹಿಳೆಯರಲ್ಲಿಯ ಪ್ರತಿಭೆಯನ್ನು ಒರೆಗೆ ಹಚ್ಚಿದ ಸರಿಗಮಪ ಈಗ ಕರ್ನಾಟಕದಲ್ಲಿಯ ಚಿಣ್ಣರ ಪ್ರತಿಭೆಯನ್ನು ಗುರುತಿಸಲು ಮುಂದಾಗಿದೆ. ಈ ಪ್ರತಿಭಾನ್ವೇಷಣೆಯಲ್ಲಿ ವಿಜೇತರಾದವರಿಗೆ ಭಾರೀಮೊತ್ತದ ಬಹುಮಾನವಿದೆ.

ಈ ಕಾರ್ಯಕ್ರಮಕ್ಕೆ ಆಯ್ಕೆಯನ್ನು ಆರ್.ವಿ.ಡೆಂಟಲ್ ಕಾಲೇಜ್, ಜೆ.ಪಿ.ನಗರ 1ನೇ ಹಂತ, ಬೆಂಗಳೂರು, ಈ ಸ್ಥಳದಲ್ಲಿ ಇದೇ ಡಿಸೆಂಬರ್ 11, 12ಮತ್ತು 13ನೇ ದಿನಾಂಕದಂದು ನಡೆಯಲಿದೆ. ಆಸಕ್ತರು ಸ್ವವಿವರ ಮತ್ತು ಛಾಯಾಚಿತ್ರದೊಂದಿಗೆ 5/14, ಮಿಲ್ಟನ್ ರಸ್ತೆ, ಕುಕ್ ಟೌನ್ ಬೆಂಗಳೂರು ಈ ವಿಳಾಸಕ್ಕೆ ಸಂಪರ್ಕಿಸಬಹುದು.

ಹೆಚ್ಚಿನ ವಿವರಗಳಿಗಾಗಿ 080-3296 6681 ಸಂಖ್ಯೆಗೆ ಕರೆ ಮಾಡಬಹುದು ಅಥವಾ ಆಸಕ್ತರ ಧ್ವನಿಯನ್ನು ರಿಲಯನ್ಸ್ ದೂರವಾಣಿ ಬಳಕೆದಾರರು 5600 6850 ಮತ್ತು ಬಿಎಸ್‌ಎನ್‌ಎಲ್ ಬಳಕೆದಾರರು 1255685 ಸಂಖ್ಯೆಗೆ ಕರೆ ಮಾಡುವ ಮೂಲಕ ತಮ್ಮ ಧ್ವನಿ ದಾಖಲಿಸಬಹುದು.

(ದಟ್ಸ್ ಕನ್ನಡ ವಾರ್ತೆ)