ಶಿವಮೊಗ್ಗದಲ್ಲಿ ಶನೇಶ್ವರ ದೇಗುಲ ಕುಸಿತ : 11ಸಾವು ?

ಶಿವಮೊಗ್ಗ, ಅ.10 : ನಿರ್ಮಾಣ ಹಂತದಲ್ಲಿರುವ ನಗರದ ಶನೇಶ್ವರ ದೇವಸ್ಥಾನವೊಂದು ಕುಸಿದ ಪರಿಣಾಮ ಐವರು ಮೃತಪಟ್ಟಿದ್ದು, 35ಮಂದಿ ಗಾಯಗೊಂಡಿರುವ ಘಟನೆ ಮಂಗಳವಾರ(ಅ.10) ನಡೆದಿದೆ.

ಮೃತರ ಸಂಖ್ಯೆ ಹೆಚ್ಚುವ ಸಾಧ್ಯತೆಗಳಿದ್ದು, ಸುಮಾರು 11ಕ್ಕೂ ಅಧಿಕ ಮಂದಿ ದೇವಸ್ಥಾನದ ಅವಶೇಷಗಳಡಿ ಸಿಲುಕಿಕೊಂಡಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಪರಿಹಾರ ಕಾರ್ಯಾಚರಣೆ ಬಿರುಸಿನಿಂದ ಸಾಗಿದೆ. ಅಗ್ನಿ ಶಾಮಕ ದಳ ಮತ್ತು ಪೊಲೀಸರು ಸ್ಥಳೀಯ ಜನರ ಸಹಕಾರದೊಂದಿಗೆ, ಅಪಾಯಕ್ಕೆ ಸಿಲುಕಿದವರನ್ನು ರಕ್ಷಿಸುವ ಪ್ರಯತ್ನಗಳ ಮುಂದುವರೆಸಿದ್ದಾರೆ.

ಹೊರತೆಗೆಯಲಾಗಿರುವ ಶವಗಳನ್ನು ಮರಣೋತ್ತರ ಪರೀಕ್ಷೆಯ ನಂತರ ಸಂಬಂಧಿಸಿದವರಿಗೆ ನೀಡುವುದಾಗಿ ಪೊಲೀಸರು ಹೇಳಿದ್ದಾರೆ.

(ಯುಎನ್ಐ)