ಕಾಂಡಕೋಶ ಕುರಿತ ಸಂಶೋಧನೆಗೆ ನೊಬೆಲ್ ಪುರಸ್ಕಾರ

ಸ್ಟಾಕ್‌ಹೋಂ, ಅ.10 : 2007ನೇ ವರ್ಷದ ವೈದ್ಯಶಾಸ್ತ್ರದ ನೊಬೆಲ್ ಬಹುಮಾನ ಪ್ರಕಟವಾಗಿದೆ. ಈ ಬಾರಿಯ ನೊಬೆಲ್ ಬಹುಮಾನವನ್ನು ಮೂವರು ವಿಜ್ಞಾನಿಗಳು ಹಂಚಿಕೊಂಡಿದ್ದಾರೆ ಎಂದು ಕರೋಲಿನ್‌ಸ್ಕಾ ಸಂಸ್ಥೆ ತಿಳಿಸಿದೆ.

ಮಾರಿಯೋ ಕಪೆಚಿ, ಮಾರ್ಟಿನ್ ಇವಾನ್ಸ್ ಹಾಗೂ ಓಲಿವರ್ ಸ್ಮಿತೀಸ್ ಇವರೇ ಈ ಬಾರಿಯ ವೈದ್ಯಶಾಸ್ತ್ರದ ನೊಬೆಲ್‌ಗೆ ಆಯ್ಕೆಯಾದವರು. ಇವರ ಕಾಂಡ ಕೋಶಗಳ ಕುರಿತ ಸಂಶೋಧನೆಗೆ ಈ ಬಹುಮಾನ ಲಭಿಸಿದೆ.

ಪ್ರಶಸ್ತಿಯು 1.54 ದಶಲಕ್ಷ ಡಾಲರ್‌ಗಳನ್ನು ಹೊಂದಿದೆ. ಇಂಗ್ಲೆಡ್‌ನಲ್ಲಿ ಹುಟ್ಟಿರುವ ಕಪೆಚಿ ಅಮೆರಿಕದ ನಾಗರೀಕತ್ವವನ್ನು ಹೊಂದಿದ್ದಾರೆ. ಇವಾನ್ಸ್ ಮತ್ತು ಓಲಿವರ್ ಸ್ಮಿತೀಸ್ ಬ್ರಿಟನ್‌ನವರು. ಮೊದಲು ವೈದ್ಯಶಾಸ್ತ್ರದ ನೊಬೆಲ್ ಪ್ರಕಟವಾದ ನಂತರ ಉಳಿದ ನೊಬೆಲ್ ಬಹುಮಾನಗಳನ್ನು ಪ್ರಕಟಿಸಲಾಗುತ್ತದೆ.

(ಏಜನ್ಸೀಸ್)