ಚೀನೀಯರನ್ನೂ ಬಿಡದ ಇಂಗ್ಲಿಷ್ ಮೋಹ!
ಇಂಗ್ಲಿಷ್ ಭಾಷೆಯ ವ್ಯಾಮೋಹ ಯಾರನ್ನೂ ಬಿಟ್ಟಿಲ್ಲ. ಹಾಗಾಗಿ ಈಗ ಚೀನೀಯರೂ ಚಿಂಗ್ಲಿಷ್ ಅಲ್ಲಲ್ಲ, ಇಂಗ್ಲಿಷ್ ಭಾಷೆ ಕಲಿಕೆಗೆ ಪ್ರಾಮುಖ್ಯತೆ ಕೊಡುತ್ತಿದ್ದಾರೆ. ಅಲ್ಲಿ ಓರಿಯಂಟ್ ಲಾಂಗ್ ಮನ್ನ ಇಂಗ್ಲಿಷ್ ಕಲಿಸುವ 44 ಪುಸ್ತಕಗಳು ಬಿಸಿ ದೋಸೆಯಂತೆ ಖರ್ಚಾಗುತ್ತಿವೆ.
***
ಬಾಯಿಗೆ ಸಿಹಿ ಬೇಕಾ?
ಕೊಯಂಬತ್ತೂರಿನ ಪ್ರಸಿದ್ಧ ಸಿಹಿ ತಿನಿಸುಗಳ ಮಾರಾಟ ಮಳಿಗೆ ಕೃಷ್ಣ ಸ್ವೀಟ್ಸ್, ಈಗ ಬೆಂಗಳೂರಿಗೆ ಕಾಲಿಟ್ಟಿದೆ! ಅಂದರೆ ಇಲ್ಲಿನ ಬಿಗ್ಬಜಾರ್ ಮತ್ತು ಫುಡ್ ಬಜಾರ್ ಗಳಲ್ಲಿ ಕೃಷ್ಣ ಸ್ವೀಟ್ಸ್ ನ ಸಿಹಿತಿನಿಸುಗಳ ಲಭ್ಯ.
ಬಿಗ್ ಬಜಾರ್ ನಂತಹ ಚಿಲ್ಲರೆ ವ್ಯಾಪಾರ ಮಳಿಗೆಗಳಲ್ಲಿ ನಮ್ಮ ಸಿಹಿ ತಿನಿಸುಗಳನ್ನು ಮಾರಾಟ ಮಾಡುವುದರಿಂದ, ಬಹಳಷ್ಟು ಮಂದಿಗೆ ತಲುಪುತ್ತವೆ ಎಂದು ಅದರ ಅಧ್ಯಕ್ಷರಾದ ಎಂ.ಕೃಷ್ಣನ್ ತಿಳಿಸಿದ್ದಾರೆ.
***
ಕ್ರೊಕೊಡೈಲ್ ಹಂಟರ್ ಸ್ಮರಣೆ
ಕ್ರೊಕೊಡೈಲ್ ಹಂಟರ್ ಸ್ಟೀವ್ ಇರ್ವಿನ್ರ ಪ್ರಥಮ ಸಂಸ್ಮರಣೆ ಕಾರ್ಯಕ್ರಮ ಆಸ್ಟ್ರೇಲಿಯಾದಲ್ಲಿ ನಡೆಯಿತು. ಈ ಸಂದರ್ಭದಲ್ಲಿ ಅವರ ಪತ್ನಿ, ಮಕ್ಕಳು ಹಾಗೂ ಕೆಲವು ಗಣ್ಯರು ಭಾಗವಹಿಸಿದ್ದರು.
***
ರಾಕ್ ಗಾಯಕರ ಸಾವುಗಳು
ಮಾದಕ ವ್ಯಸನಕ್ಕೆ ಬಲಿಯಾದ ರಾಕ್ ಗಾಯಕರು ಮಧ್ಯ ವಯಸ್ಸಿನಲ್ಲಿಯೇ ಸಾವನಪ್ಪುತ್ತಿದ್ದಾರೆ ಎಂದು ಅಧ್ಯಯನಗಳು ತಿಳಿಸಿವೆ. ಹೆಂಡ್ರಿಕ್ಸ್, ಬೋನ್, ಸ್ಕಾಟ್ ಮತ್ತು ಸಿಡ್ ವಿಶಿಯಸ್ ತಮ್ಮ ಐದನೆಯ ವರ್ಷದ ಯಶಸ್ಸಿನ ತುತ್ತ ತುದಿಯಲ್ಲಿದ್ದಾಗಲೇ ಸಾವನಪ್ಪಿದರು.