ಸೆ.28: ಪುರಸಭೆ,ನಗರಸಭೆ ಮತ್ತು ಪಾಲಿಕೆ ಎಲೆಕ್ಷನ್

ಬೆಂಗಳೂರು, ಸೆಪ್ಟೆಂಬರ್ 04 : ರಾಜ್ಯದ ಪುರಸಭೆ, ನಗರಸಭೆ, ಪಾಲಿಕೆ ಸೇರಿದಂತೆ 208 ಸ್ಥಳೀಯ ಸಂಸ್ಥೆಗಳಿಗೆ ಸೆ.28ರಂದು ಚುನಾವಣೆ ನಡೆಯಲಿದೆ. ಚುನಾವಣಾ ದಿನಾಂಕವನ್ನು ರಾಜ್ಯ ಚುನಾವಣಾ ಆಯೋಗ ಮಂಗಳವಾರ ಪ್ರಕಟಿಸಿದೆ.

ಸುಪ್ರೀಂಕೋರ್ಟ್ ನಿರ್ದೇಶನ ಮೇರೆಗೆ ಚುನಾವಣಾ ದಿನಾಂಕವನ್ನು ಪ್ರಕಟಿಸಿರುವುದಾಗಿ ಆಯೋಗದ ಆಯುಕ್ತ ಹೆಚ್.ಆರ್. ಹೆಗಡೆ ಸುದ್ದಿಗಾರರಿಗೆ ತಿಳಿಸಿದರು.

ಚುನಾವಣಾ ನೀತಿ ಸಂಹಿತೆ ತಕ್ಷಣದಿಂದಲೇ ಜಾರಿಗೆ ಬರಲಿದೆ. ಸೆ.10ರಂದು ಸುತ್ತೋಲೆಗಳನ್ನು ಹೊರಬರಲಿದ್ದು, ಅಂದಿನಿಂದಲೇ ನಾಮಪತ್ರಗಳ ಸಲ್ಲಿಸಬಹುದು. ಸೆ.17 ನಾಮಪತ್ರ ವಾಪಸ್ ಸಲ್ಲಿಸಲು, ಸೆ.20 ನಾಮಪತ್ರ ವಾಪಸ್ ಪಡೆಯಲು ಕಡೆಯ ದಿನ. ಸೆ.30ರಂದು ಮತದಾನ ನಡೆಯಲಿದ್ದು, ಅ.3ರಂದು ಚುನಾವಣಾ ಪ್ರಕ್ರಿಯೆಗಳು ಪೂರ್ಣಗೊಳ್ಳಲಿವೆ ಎಂದು ಹೆಚ್.ಆರ್.ಹೆಗಡೆ ಹೇಳಿದರು.

10,613 ಮತದಾನ ಕೇಂದ್ರಗಳಿದ್ದು, 3670 ಕೇಂದ್ರಗಳನ್ನು ಸೂಕ್ಷ್ಣ ಮತ್ತು 3979ಕೇಂದ್ರಗಳನ್ನು ಅತಿಸೂಕ್ಷ್ಮ ಮತಕೇಂದ್ರಗಳೆಂದು ಗುರ್ತಿಸಲಾಗಿದೆ. ಈ ಹಿಂದೆ ಚುನಾವಣೆಗೆ ತಡೆಯಾಜ್ಞೆ ನೀಡಿದ ಹೈಕೋರ್ಟು ತೀರ್ಪನ್ನು ಪ್ರಶ್ನಿಸಿ, ಸುಪ್ರೀಂ ಕೋರ್ಟ್ ನ್ಲಿಲ ದೂರು ದಾಖಲಿಸುವುದಾಗಿ ಹೆಗಡೆ ತಿಳಿಸಿದರು.

ಸ್ಥಳೀಯ ಸಂಸ್ಥೆಗಳ ಫಲಿತಾಂಶಗಳು, ರಾಜ್ಯ ರಾಜಕಾರಣದ ಮೇಲೆ ಪರಿಣಾಮ ಬೀರಲಿವೆ.

(ಯುಎನ್ಐ)