ವಿಪ್ರೋ ಸಂಸ್ಥೆ ಮಡಿಲಿಗೆ ಅಮೆರಿಕಾದ ಪ್ರಮುಖ ಐಟಿ ಕಂಪನಿ

ಬೆಂಗಳೂರು, ಆಗಸ್ಟ್ 07 : ಮಹತ್ವದ ಬೆಳವಣಿಗೆಯೊಂದರಲ್ಲಿ ಮಾಹಿತಿ ತಂತ್ರಜ್ಞಾನ ದಿಗ್ಗಜ ವಿಪ್ರೋಸಂಸ್ಥೆ, ಅಮೆರಿಕಾ ಮೂಲಕ ಇನ್ಫೋ‌ಕ್ರಾಸಿಂಗ್ ಸಂಸ್ಥೆಯನ್ನು ತನ್ನದಾಗಿಸಿಕೊಂಡಿದೆ.

ನಾಸ್ಡಾಕ್‌ನಲ್ಲಿ ಸ್ಥಾನಪಡೆದಿರುವ ಈ ಮಾಹಿತಿ ತಂತ್ರಜ್ಞಾನ ಮೂಲಸೌಕರ್ಯ ನಿರ್ವಹಣಾ ಸಂಸ್ಥೆಯನ್ನು ,ವಿಪ್ರೋ 600 ಮಿಲಿಯನ್ ಡಾಲರುಗಳನ್ನು ತೆತ್ತು ಕೊಂಡುಕೊಂಡಿದೆ.

ವಿಪ್ರೋ ಮುಖ್ಯ ಹಣಕಾಸು ಅಧಿಕಾರಿ ಸುರೇಶ್ ಸೇನಾಪತಿ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ಈ ಸಂಬಂಧ ಎರಡೂ ಕಂಪನಿಗಳು ಒಪ್ಪಂದಕ್ಕೆ ಸಹಿಹಾಕಿವೆ. ಈ ವ್ಯವಹಾರ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಹೊಸ ನಾಯಕತ್ವವೊಂದಕ್ಕೆ ಮುನ್ನುಡಿ ಬರೆದಿದೆ ಎಂದು ಅಭಿಪ್ರಾಯಪಟ್ಟರು.

ಇನ್ಫೋ‌ಕ್ರಾಸಿಂಗ್ ಅಮೆರಿಕಾ ಸಂಯುಕ್ತ ಸಂಸ್ಥಾನಗಳಲ್ಲಿ ಒಟ್ಟು ಐದು ಶಾಖೆಗಳನ್ನು ಹೊಂದಿದ್ದು, 32ಮಿಲಿಯನ್ ಷೇರುಗಳನ್ನು ಹೊಂದಿದೆ. ಅಮೆರಿಕಾದಲ್ಲಿರುವ ವಿಪ್ರೋ ಇನ್‌ಕಾರ್ಪೊರೇಷನ್‌ನಲ್ಲಿ ಇನ್ಫೋ‌ಕ್ರಾಸಿಂಗ್ ವಿಲೀನಗೊಳ್ಳಲಿದೆ ಎಂದು ಅವರು ವಿವರಿಸಿದರು.

(ಯುಎನ್ಐ)