ನಾಡಿಗ್, ಜಯಂತಿ ಸೇರಿ 39ಮಂದಿಗೆ ಕೆಂಪೇಗೌಡ ಪ್ರಶಸ್ತಿ

ಬೆಂಗಳೂರು, ಜುಲೈ 30 : ನಟಿ ಜಯಂತಿ, ವಿಪ್ರೋ ಸಂಸ್ಥೆಯ ಅಜೀಂ ಪ್ರೇಮ್ ಜಿ,ಸಂಶೋಧಕ ಡಾ.ಎಂ.ಚಿದಾನಂದ ಮೂರ್ತಿ ಸೇರಿದಂತೆ 39 ಗಣ್ಯರಿಗೆ ಪ್ರಸಕ್ತ ಸಾಲಿನ ಕೆಂಪೇಗೌಡ ಪ್ರಶಸ್ತಿ ನೀಡಲಾಗಿದೆ.

ಬೆಂಗಳೂರು ಮಹಾನಗರ ಪಾಲಿಕೆ, ಈ ಪ್ರಶಸ್ತಿಯನ್ನು ಕೆಂಪೇಗೌಡ ದಿನಾಚರಣೆ(ಜು.31) ಕಾರ್ಯಕ್ರಮದಲ್ಲಿ ಪ್ರದಾನ ಮಾಡಲಾಗುತ್ತದೆ. ಕಂಠೀರವ ಕ್ರೀಡಾಂಗಣದಲ್ಲಿ ಸಮಾರಂಭ ನಡೆಯಲಿದ್ದು, ಗಣ್ಯ ವ್ಯಕ್ತಿಗಳ ಜೊತೆಗೆ 5ಸಂಘ ಸಂಸ್ಥೆಗಳನ್ನೂ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

ಪ್ರಮುಖ ಪ್ರಶಸ್ತಿ ವಿಜೇತರು :

• ಡಾ.ಸುಮತೀಂದ್ರ ನಾಡಿಗ್(ಸಾಹಿತ್ಯ)
• ಡಾಂ.ಎಂ.ಚಿದಾನಂದ ಮೂರ್ತಿ(ಶಿಕ್ಷಣ ಸಂಶೋಧನೆ)
• ಕಸ್ತೂರಿ ಶಂಕರ್(ಸಂಗೀತ)
• ಡಾ.ವಿವೇಕ್ ಜವಳಿ(ಹೃದಯ ತಜ್ಞ)
• ಡಾ.ಕಿರಣ್ ಮಜುಂದಾರ್ (ಜೈವಿಕ ತಂತ್ರಜ್ಞಾನ)
• ಅಜೀಂ ಪ್ರೇಮ್ ಜಿ(ಮಾಹಿತಿ ತಂತ್ರಜ್ಞಾನ)
• ಸಿ.ಹೆಚ್.ಹನುಮಂತರಾಯ(ವಕೀಲ)
• ಈಶ್ವರ ಪ್ರಸಾದ್(ಪರಿಸರ)
• ನಾಗಮಣಿ ಎಸ್.ರಾವ್(ಪತ್ರಿಕೋದ್ಯಮ)
• ಶೂದ್ರ ಶ್ರೀನಿವಾಸ್(ಪತ್ರಿಕೋದ್ಯಮ)
• ಶಶಿಧರ ಭಟ್(ವಿದ್ಯುನ್ಮಾನ ಮಾಧ್ಯಮ)
• ಗೀತಪ್ರಿಯ(ಚಲನಚಿತ್ರ)
• ಮಹೇಶ್ ಭೂಪತಿ(ಕ್ರೀಡೆ)
• ಗಣೇಶ್(ಅಷ್ಟಾವಧಾನಿ)
• ಆಟೋ ರಾಜ(ಸೇವೆ)

(ದಟ್ಸ್ ಕನ್ನಡ ವಾರ್ತೆ)