ಜೈಲಿನಲ್ಲಿ ಮಾರಾಮಾರಿ :ಓರ್ವ ವಿಚಾರಣಾಧೀನ ಖೈದಿ ಸಾವು

ಬೆಂಗಳೂರು :ಇಬ್ಬರು ವಿಚಾರಣಾಧೀನ ಖೈದಿಗಳ ನಡುವೆ ನಡೆದ ಜಗಳ ಓರ್ವನ ಕೊಲೆಯಲ್ಲಿ ಅಂತ್ಯಗೊಂಡ ಘಟನೆ ನಗರದ ಪರಪ್ಪನ ಅಗ್ರಹಾರದ ಕೇಂದ್ರ ಕಾರಾಗೃಹದಲ್ಲಿ ನಡೆದಿದೆ.

ಬೆಳಗ್ಗೆ ಉಪಾಹಾರಕ್ಕೆ ಬಿಟ್ಟಾಗ, ಅಬ್ದುಲ್ ಸಾದಿಕ್ ಹಾಗೂ ಹಾಗೂ ಗೋಪಾಲ್ ಎಂಬ ವಿಚಾರಣಾಧೀನ ಖೈದಿಗಳು ಪರಸ್ಪರ ಜಗಳಕ್ಕಿಳಿದಿದ್ದಾರೆ. ಈ ಸಂದರ್ಭದಲ್ಲಿ ಗೋಪಾಲ౬ ಅಬ್ದುಲ್ ಸಾದಿಕ್ ಗೆ ಬಂಡೆಗಲ್ಲಿನಿಂದ ಹೊಡೆದು ಕೊಲೆಗೈದಿದ್ದಾನೆ ಎಂದು ಕಾರಾಗೃಹದ ಮೂಲಗಳು ಹೇಳಿವೆ.

ಗೋಪಾಲ್ ಕೊಲೆ ಪ್ರಕರಣ ಒಂದಕ್ಕೆ ಸಂಬಂಧಿಸಿದಂತೆ ನ್ಯಾಯಾಂಗ ಬಂಧನದಲ್ಲಿರುವ ವ್ಯಕ್ತಿ.ಈ ಜಗಳಕ್ಕೆ ಕಾರಣ ತಿಳಿದುಬಂದಿಲ್ಲ ಎಂದು ಮೂಲಗಳು ತಿಳಿಸಿವೆ.

(ದಟ್ಸ್ ಕನ್ನಡ ವಾರ್ತೆ)