‘ಏರ್‌ ಡೆಕ್ಕನ್‌’ ಮೇಲೂ ಹಿಡಿತ ಸಾಧಿಸಿದ ವಿಜಯಮಲ್ಯ!

ನವದೆಹಲಿ : ಯುಬಿ ಸಾಮ್ರಾಜ್ಯದ ದೊರೆ ವಿಜಯ ಮಲ್ಯ, ಏರ್‌ ಡೆಕ್ಕನ್‌ ಏರ್‌ಲೈನ್ಸ್‌ನಲ್ಲಿ ಪಾಲು ಪಡೆದಿದ್ದಾರೆ. ಈ ವಿಚಾರವನ್ನು ನಂಬಲರ್ಹ ಮೂಲಗಳು ಗುರುವಾರ ಸಂಜೆ ಖಚಿತಪಡಿಸಿವೆ.

ಕಡಿಮೆ ವೆಚ್ಚದಲ್ಲಿ ವಾಯುಯಾನ ಸೇವೆ ನೀಡುತ್ತೇವೆ ಎನ್ನುವ ಏರ್‌ ಡೆಕ್ಕನ್‌ನಲ್ಲಿನ ಶೇ.26ರಷ್ಟು ಷೇರುಗಳನ್ನು, ವಿಜಯ ಮಲ್ಯ ಖರೀದಿಸಿದ್ದಾರೆ. ಆ ಮೂಲಕ ಏರ್‌ಡೆಕ್ಕನ್‌ನಲ್ಲಿ ಅತಿ ದೊಡ್ಡ ಷೇರುದಾರ ಎಂಬ ಕೀರ್ತಿಗೆ ಯುಬಿ ಪಾತ್ರವಾಗಿದೆ. ಈ ಬಗ್ಗೆ ಅಧಿಕೃತ ಪ್ರಕಟಣೆ ಶುಕ್ರವಾರ ಹೊರಬೀಳುವ ನಿರೀಕ್ಷೆ ಇದೆ.

ಭಾರತದ ಪ್ರಮುಖ ಖಾಸಗಿ ವಾಯುಯಾನ ಸಂಸ್ಥೆಗಳಲ್ಲಿ ಒಂದಾಗಿರುವ ಏರ್‌ ಡೆಕ್ಕನ್‌, ರಾಷ್ಟ್ರದ ಏಳು ಕೇಂದ್ರಗಳಲ್ಲಿ ತನ್ನ ನೆಟ್‌ವರ್ಕ್‌ ಹೊಂದಿದೆ. 1997ರಿಂದ ಬೆಂಗಳೂರಿನಲ್ಲಿ ಸೇವೆಯನ್ನು ಆರಂಭಿಸಿದೆ.

(ಏಜನ್ಸೀಸ್‌)